Isaías 5:5 - Kashibo-Kakataibo Biblia

⁵ Asábi ka usa ꞌain kana uisakin ꞌën uvas ꞌapákëkama ꞌati karana, bërí sinani a mitsu kati ꞌain: bërí kana anun bëarakin i muxañukama ꞌapákë a anun atsínxun vacan ꞌatima otanun biti ꞌain; bianan kana anun kënëara maxá ꞌakëkama aribi anun atsínxun vacan ꞌaisama okin amátanun amanu amanu kinioti ꞌain;

Isaías 5:5 ပူးပေါင်းရင်းမြစ်များ

Génesis 11:4

Usai kitankëx ka amiribishi kanantëkënkankëxa: Achúshi ëma chaiira ꞌanan kananuna torre ënën menma uarukin chaiorukin naíbëtan sënën ꞌati ꞌain. Usakin ꞌaia iskin ka bëtsi unikaman sinánti ꞌikën a unikamax ka sinánñuira ꞌianan kushiirabu ꞌikën kiax ka kiti ꞌikën, usa ꞌain kananuna nukamax bëtsi mekamanu kuani abístima ꞌain.

Génesis 11:7

Usa ꞌain ka Nukën ꞌIbu Diosan atun ñu ꞌaia istisatankëx kiakëxa, bëtsi bëtsi banan bananun kananuna uni ꞌimiti ꞌain, usai ꞌi ka bëtsin kakëxunbi bëtsin bana kuakámati bënëti ꞌikën.

Nehemías 2:3

usai ꞌikin kana ꞌapu ësokin kakën: —¡Mix ꞌapu ꞌaish kamina ꞌitsa baritia buini tsóti ꞌain! ¿Uisa ꞌaish karana ꞌëx ꞌën aintsikama anu maían ëma axa rurupakë ꞌimainun aín xëpútikama axribi në́nkëxa rurukubua ꞌain nitë́xëtima ꞌiti ꞌain?

Salmos 89:40

Kamabi anun aín ëmakama kënëara a kamaxa tukibuti kini kiniabu ꞌinun kamina; ¡usakin ꞌamia ꞌaish ka atun ëma kënëara ax ꞌaisama okan ꞌikën, usa ꞌaish ka bëríbi usabi ꞌikën!

Salmos 89:41

Usokin ꞌakë ꞌain ka au inúkin kamabi unin añu kara bisatania a iskin mëkamatia; usokëbë ka a rapasu ꞌikë unikamax atumi kuaia.

Eclesiastés 3:3

Anu ka anun ñu ꞌati nëtëribi ꞌikën, ꞌimainun ka anun ñu ronti nëtëribi anu ꞌikën. Anu ka anun ñu ꞌatima oti nëtë ꞌikën, ꞌimainun ka anun ñu mëníoti nëtëribi anu ꞌikën.

Isaías 28:3

ꞌain taëkaman chakánan, axa rabiakati nux kananuna usa ꞌai kiax ñu paë xëatankëx kikë a ëmanu tsókë, Efraínën rëbúnkikama a ꞌati ꞌikën.

Isaías 32:10

Bërí kamina mitsux asábi ꞌikanin, ꞌaínbi kamina ënuax achúshi baritia ꞌikëbë rakuë́tan bamakanti ꞌain, usai ka a bitëkënti ñu ꞌapákë aín bimi ꞌaíma ꞌianan uvas ꞌaíma ꞌain ꞌiti ꞌikën.

Jeremías 18:11

Usa ꞌain kamina Judá menu tsókë unikama ꞌimainun Jerusalén ëmanu tsókë unikama ësokin kati ꞌain, ꞌëx Dios ꞌaish kana ësai kin: ꞌËn kana uisokin karana mitsu ꞌatima oti ꞌai kixun sinánkin, mitsu ꞌatima oti sinanin. Usa ꞌain kamina mitsunmi ꞌatima ñu ꞌakë a ënkin; upí ñukamaishi ꞌai upiti bukukanti ꞌain.

Oseas 2:12

Aín uvas ꞌapákëkama ꞌimainun higuera, ꞌapákëkama a ñuia xanu ax ësai kia: Ënëx ka abë ꞌixun bëtsiñu diosmabi rabikë axa ꞌëbë ꞌikë unikaman ꞌë ꞌinan ꞌikë kikë akama kana këñuti ꞌain. Usakin ꞌakëbëtan ka axa me ꞌatima ꞌikëbëtan anua raëkëma ñuinakaman piti ꞌikën.

Oseas 2:14

ꞌËn kana Israel unikama mëratiokësa obiankin: anu uni ꞌikëma menu buántënkënti ꞌain, anuxun kana upíokin kakin atu sinánmitëkënti ꞌain, kiax ka Dios kiakëxa.

Lucas 21:24

Uni raíri ca unin abë ꞌacananquin ꞌanuxun ꞌaia, raírinëx ca bëtsi bëtsi menu buáncë ꞌiti ꞌicën. Usaquin ꞌaquin ca judíosma unicaman Jerusalén ꞌatimonan anu ꞌixun aín cuëëncësa oquin ꞌati ꞌicën, atúan usoquin ꞌati nëtëa sënë́ncëbëtan.

Apocalipsis 11:2

A xubu rapasu ꞌicë me mëníocë, ashi camina tupúntima ꞌain. Ax ca axa Nucën Papa Diosmi sináncëma unicamaxa anu ꞌinun ëncë ꞌiti ꞌicën. A unicaman ca cuarenta y dos ꞌuxëcama anu a xubu ꞌicë ëma, Jerusalén, a ꞌatimoi niti ꞌicën. Usa ꞌain camina a xubu rapasu ꞌicë me mëníocë, a tupúntima ꞌain.