Isaías 5:2 - Kashibo-Kakataibo Biblia

² ꞌAnan ka meribi anu ꞌapáti buinakin anu ꞌikë maxákamaribi timëkin bukuntankëxun, anu ñu bëru upíbu kamaishi ꞌapákëxa. ꞌAtankëxun ka ñu bëru ꞌapákë a nëbëtsi achúshi torre chaiorukin ꞌanan, anuxun uvas ꞌapákë aín baka biti aribi mëníokëxa. ꞌËn ꞌunánkë unin ka an ꞌapákë uvaskama bataira ꞌitánun tuati kaíankëxa, ꞌaínbi ka uvas ꞌapákëkama an aín bimi kacha ꞌinun tuakëxa.

Isaías 5:2 ပူးပေါင်းရင်းမြစ်များ

2 Samuel 7:10

Usakin ꞌanan kana achúshi me anua ꞌën unibu Israel ꞌiti bian, bixun kana atunabi ꞌain anu ꞌinun ꞌinan, anu ꞌiaka uínbi ubioima ꞌimainun an bëtsi ñu ꞌatima ꞌakë unikamabi, bëráma ꞌakansa okin ubiotima ꞌikën,

Salmos 80:8

Min kamina nukama Egipto menuabi uvas ꞌapákë ꞌakësa obëtsinkin; bëxun anua bëtsi unikama tsókë me a atu chikínxun nu ꞌinánkën.

Salmos 80:9

Usakin kamina anu nux ꞌinun me mëníokën, usakin ꞌakëx ka ꞌapákëxa uvas tapuni ꞌikësaribiti me tsitsirui ꞌuakamë ꞌëokankëxa.

Éxodo 33:16

Mixmi nubë kuankëbëtama kara uisaxun, ¿min uni Israelkama ꞌimainun ꞌënribi min kamina nu nuibakin ꞌakini kixun ꞌunánti ꞌain? Usakin min unikama ꞌimainun ꞌë ꞌakinkëx kananuna bëtsi menu ꞌikë unikamasamaira ꞌiti ꞌain.

Isaías 1:8

Usakin ꞌakëbë ka Jerusalén ëma axëshi bëruaxa, usa ꞌaish ka anu uvas ꞌapákë naë nëbëtsi ꞌuta ꞌakësashi ꞌikën, ꞌianan ka aín tuá piti melonar kakë ñu ꞌapáxun nëbëtsi xaban xabanbu ꞌinun kënëkë usaribi ꞌikën, ꞌianan ka a ëmax ami nishkë unikamainshi bëarabuinkë ꞌikën.

Isaías 5:7

Nukën ꞌIbu Dios kamabi kushiñuira an ka aín ꞌapákë uvas ꞌitsaira kuëënia, usaribi ka Israel menua ꞌikë a ꞌimainun, Judá ëmanua bukukë unikama atux ꞌikën. Usa ꞌain ka Nukën ꞌIbun anu tsókë unikama upíokin ñu ꞌaiama aín bana kikësabiokin ꞌati kaíankëxa, usa ꞌain ka unikama bëtsi unikamabë ꞌatima onani; ꞌupiokin ñu ꞌaínmabi; ꞌitsaira paë tani sharatia kuati ꞌikën.

Jeremías 2:21

ꞌËn kana mi i upíira ꞌapákësa ꞌimianan, uvas bëru upíira ꞌapákëx kókësa usaribi ꞌinun ꞌimiakën. ¡ꞌAínbi kamina atiaira ꞌaisamai ninu ꞌikë bimi mukaira ꞌinun tuákësa usaribi ꞌikankën, usa ꞌikë kana ꞌënribi mitsu ꞌunánkëmasa okën!

Miqueas 4:8

ꞌImainun kamina Jerusalén mix anuxun ñuina bërúanti torre ꞌakë ꞌimainun, ami katamëti ꞌakë usaribi Siónan ꞌiti ꞌain, usa ꞌain kamina mix amiribishi bëráma ꞌikësai ëma chaiira ꞌitëkënti ꞌain, usai ꞌikamina bërámami ꞌiásabi chaiira ꞌiti ꞌain.

Números 23:9

Anua mapara chaiirabu bukukë ënuxunbi kana isti ꞌain, ꞌimainun kana matá me ënuxunbi isin: Atux ka bëtsi menu ꞌikë unikamabë mëskuax tsótima atúxbi upitax bukuia.

Mateo 21:19

Pananquiani cuanquin ca higuera cacë i, bai cuëbí nicë, isbiani anu cuanquinbi tuáñuma ꞌaísha aín pëchishi ocëxa. Usa ꞌicë isquin ca Jesusan cacëxa: —Min camina tuatëcëntima ꞌain. Usaquian cacëxëshi ca higuera i chushi xanáncëxa.

Mateo 21:33

Usoquin caxun ca Jesusan, a usoquin unin ꞌati ñuiquin, ënë banaribi judíos unibunën ꞌapucama ñuixuancëxa: —Bëtsi banaribi mitsu camainun camina cuati ꞌain. Ca ësa ꞌicën. Achúshi unin ca aín naënu uvas ꞌapáxa. ꞌApáxun cënëtancëxun ca anuxun uvas baca biti xaxu quinioquin naëxa. ꞌAnan ca anuxun naë bërúanti xuburibi manámiira chaioruquin ꞌaxa. ꞌAtancëxun bëtsi uni aín naëa bërúanxunun quixun ami ëbiani ca ꞌura menu ꞌi cuanxa.

Mateo 21:34

Cuantancëxun ca uvas bimicëbëtan abëa ꞌicë an ñu mëëmicë uni raíri xuquin caxa: An naë bërúancë unicamanu cuantancëxun camina ꞌënan ꞌiti a mësúa ꞌë bëxúnun mi ꞌinánun cati ꞌain.

Marcos 11:13

Pananquiani cuani ca ꞌuraxun higuera nicë isbiani, bimiñu cara quixun isi cuancëxa. Cuanquin isquinbi ca tuáñuma ñancáishi ꞌaísha aín pëchishi ocëxa, higueranën, tuatisama pan ꞌain.

Marcos 12:1

Bana itsi ñuicësoquin ca Jesusan, a usoquin unin ꞌati ñuiquin, ënë banaribi ꞌapucama ñuixuancëxa: —Ësa ca. Achúshi unin ca aín naënu uvas ꞌapáxa. ꞌApáxun cënëtancëxun ca anuxun uvas baca biti xaxu quinioquin naëaxa. ꞌAnan ca anuxun naë bërúanti xuburibi manámiira chaioruquin ꞌaxa. ꞌAtancëxun bëtsi uni aín naëa bërúanxunun quixun ami ëbiani ca ꞌura ꞌicë menu ꞌi cuanxa.

Marcos 12:2

Cuantancëxun ca uvas bimicëbëtan abëa ꞌicë an ñu mëëmicë uni achúshi xuquin caxa: —An naë bërúancë unicamanu cuantancëxun camina ꞌënan ꞌiti a mësúa ꞌë bëxúnun mi ꞌinánun cati ꞌain.

Romanos 9:4

ꞌËn aintsicama judíos unibu atux ca ꞌësaribi Israelnën rëbúnqui ꞌicën. Israelnën rëbúnqui, judíos unicama, ca Nucën Papa Diosan aín uni ꞌinun caísacëxa. Caístancëxun ca, asérabi ca ax Dios ꞌicë quixun ꞌunánun, Israel unicama aín cushi ismianan aín pëcacë aribi ismiacëxa. An ca atu ainan ꞌimiquin atúan uisai cara ainan ꞌaish ꞌiti ꞌicë quixun ꞌunánun aín banacama Moisés cuënëomiacëxa. Cuënëomiquin ca anuxun a rabiti xubu ꞌatancëxun cara uisoquin a rabiti ꞌicë quixun canan uisaira oquin cara an atu bërúanti ꞌicë quixun cacëxa.

1 Corintios 9:7

Suntárunën ca anbi aín ñu maruima, ꞌapun cuni ca a ꞌinania. Usaribi oquin ca an ñu ꞌapácë unin an ꞌapácë ñuxa tuaia, aín bimi bixun piia. Usaribi oquin ca an vaca bërúancë unin vaca xuma bixun xëaia.

Deuteronomio 32:6

¿Mitsun kaina usakin Nukën ꞌIbu ꞌati ꞌain? Mitsux kamina ñu ꞌunánkëma ꞌain, usa ꞌaish kamina ñu ꞌunánkëmabu ꞌain. ¿Ax kara min papa ꞌianan an mitsu unio ama ꞌik? ¡An ka mi uniotankëxun mi anun tsóti ꞌinánkëxa!

Jueces 16:4

Usa ꞌain ka Sansón achúshi xanu Dalila Sorec kakë menu tsókë abë kuëënankëxa.