Isaías 49:23 - Kashibo-Kakataibo Biblia

²³ ꞌApukaman ka kanioti atu biti ꞌikën, ꞌimainun ꞌapun xubunu ꞌikë xanu upíbu akamaxribi ka an tuá xukama bërúankë ꞌiti ꞌikën. Usakin ꞌai ka mitsu bëtánain ñanati ꞌikë ax mitsun kakësabi oi kananuna ꞌiti ꞌai kixun sinania ꞌikë ꞌiti ꞌikën. Usai ꞌikin ka ꞌëx kana Nukën ꞌIbu ꞌai kixun ꞌunánan, uix kara ꞌëmi katamëtia ax ka uínbi paránkëma ꞌiti ꞌikë kiax kiakëxa.”

Isaías 49:23 ပူးပေါင်းရင်းမြစ်များ

Génesis 27:29

Usa ꞌikë ka ꞌaisamaira unin mi ñu mëëxunti ꞌikën; bëtsi menu ꞌikë unikamaxribi ka mi bëtánain rantinpuruni ꞌiti ꞌikën. Mix kamina min xukë́nkaman ꞌapu ꞌiti ꞌain; ¡Usa ꞌain ka atux mi bëmánon rantipuruni ꞌiti ꞌikën! Uin kara mi ꞌaisama oia ax ka ꞌatima okëribi ꞌiti ꞌikën, ꞌimainun ka uin kara mi upíokin sinánxunkin ꞌakinia axribi upiti bukui upíokin sinánxunkë ꞌiti ꞌikën.”

Génesis 43:26

Usakian kainkëxa aín xubunu bëbaia ka atúan ꞌinainshitia uankë ñukama a ꞌinánkëxa, ꞌinani ka ami rantinpuruni aín bëmánan memi bëtiki tsóbuakëxa.

Salmos 34:22

ꞌAínbi ka Nukën ꞌIbun uikamax kara ꞌain bana ꞌai ami katamëtia akama ië́mia; ¡usa ꞌain ka a unikamax kastikankëma ꞌiti ꞌikën!

Salmos 69:6

Dios kamabi kushiñuira; ¡axa mimi katamëkë akamax ka ꞌëx ꞌuchakë anun rabinkë ꞌitima ꞌikën! Israel unikaman Dios, ꞌëx ꞌuchakë kupín ka an asérabi mi barikë unikaman ka uisai karana ꞌiti ꞌai kiax bënë́kinma munu ꞌakinun mi barikanti ꞌikën.

Éxodo 6:7

tëmëramianan kana mi kamaxmi ꞌën uni ꞌikë mitsu ië́miti ꞌain, ꞌëx kana mikaman Dios ꞌain. Usakin ꞌakëbëtan ka ꞌëx kana mitsun ꞌIbu Dios ꞌain kixun ꞌunánti ꞌikën, usa ꞌain kana ꞌën egipcio unibunëan amiribishi tëmëramikin ñu mëëmitëkëntima okin mitsu ꞌimiti ꞌain.

Isaías 41:20

usakin ꞌakë ka kamabi unin iskin ꞌunánti ꞌikën, ꞌimainun ka upíokin sinanan kuati ꞌikën, ꞌëx aín ꞌIbu ꞌixun ka ënë ñukama ꞌën kushínbi ꞌa kixun ꞌunánkanti ꞌikën, ꞌianan ka ꞌëx Israel unikaman Dios upíira ꞌixun kana usakin ꞌa kixun ꞌunankanti ꞌikën.”

Isaías 43:10

Ësai ka Nukën ꞌIbu asérabi kiakëxa: “Mitsun kamina uisakin karana ñu ꞌakën akama ñuiti ꞌain. Mitsux kamina ꞌën unikama ꞌën kaisa a ꞌain, ꞌëmi katamëkin ꞌunánkin kamina, ꞌëx karana ui ꞌai kixun ꞌë ꞌunánkanti ꞌain. ꞌËx ꞌisama ꞌain ka uinu ꞌikë bëtsi diosbi asérabi ꞌaíma ꞌiakëxa. ꞌIanan ka ꞌëx pain ꞌia ꞌain bëtsi dios ꞌaíma ꞌiti ꞌikën.

Isaías 45:14

Ësakin ka Diosan Israel unikama kaxa: “Egipto menua ꞌikë naënu ꞌikë unikama, ꞌimainun an ñu marukë Etiopíanu ꞌikë unikama, ꞌianan Sabánu ꞌikë unikama, atux ka nënkëirabu ꞌikën akamina, mitsunu ꞌinamëtia ñu mëëmiti ꞌain; usokëx ka manë risin tëkërëkakë ꞌaish mitsu kaxú, kuani mitsu bëtanain rantinpurunkin mitsu kati ꞌikën: Asérabi ka Diosan mitsu ꞌakinia, usa ꞌain ka bëtsi dios ꞌaíma ꞌikën.”

Isaías 45:17

ꞌAínbi ka Nukën ꞌIbun Israel unikama a ië́miakëxa, ië́mikin xënibua ꞌaínbi ꞌitiokin ië́miakëxa. Usa ꞌaish ka uínsaranbi katë́ti ñuumara ꞌitima ꞌikën.

Isaías 49:7

Nukën ꞌIbu an nu bitëkënkë, Israel unikaman Dios upíira ax ka ësai kia, ami sinánkima manukë ëmakama bëtsi ëmanu ꞌikë unikama ami nishkin timakë, unikama ax ꞌapu ꞌixun ñu mëëmia a unikama ñui ka ësai Dios kiaxa: “Uínsaran kara ꞌapukama ꞌimainun aín kushikama mi isia anun ka nirukianx rantipuruni mi tanain tsóbuti ꞌikën, ꞌëx Israel unikaman Dios upíira ꞌixun kana ꞌën mitsu kaisa ꞌixun ꞌëx kikë usabi okin ꞌati ꞌain.”

Isaías 50:7

Nukën ꞌIbu ax ka an ꞌë ꞌakinkë ꞌikën: usa ꞌain ka ꞌatimokin ꞌë ñuikë bana an ꞌë uisabi oima; usa ꞌain kana, ꞌëx achúshi mapara irusaribi ꞌaish anubi ꞌian, usa ꞌixun kana, ꞌëx usai ꞌikë anun kana katë́ti rabinkë ꞌitima ꞌai kixun ꞌunan.

Isaías 52:15

Usairibi ka kamabi menu ꞌikë unikama atúxribi ratuti ꞌikën; usai ꞌimainun ka ꞌapukamaxribi a isi uisa banarabi banatima ꞌikën, usai ꞌikin ka uinsaranbia unin ñuixuama ñu isti ꞌikën, ꞌimainun ka uinsaranbia kuama bana a kuati ꞌikën, kiax ka Dios kiakëxa.

Isaías 52:6

ꞌAínbi ka anúan ꞌën unikaman ꞌëx kana Dios ꞌai kixun ꞌunánti nëtë ꞌinuxun ꞌaia, usa ꞌain ka ꞌë ꞌunánan ꞌëx kana Nukën ꞌIbu ꞌaish usai bana kixun ꞌunánti ꞌikën.”

Isaías 60:14

An mitsu tëmëramia unikaman bakë bëchikë atux ka aí ñuumara ꞌianan, kushiñuma mitsun iskëx ꞌiti ꞌikën, ꞌimainun ka an mi tima unikama atúxribi mitsu bëtanain rantipuruni tsóbukin, mi anëi kikanti ꞌikën. Mix kamina Nukën ꞌIbun ëma ꞌai kixun kati ꞌikën. ꞌImainun ka Jerusalén Dios upíira aín ëma kakin anëti ꞌikën.”

Isaías 60:16

Bëtsi bëtsi menu tsókë unikaman atun piti upíira a bëxun ꞌinámainun, ka ꞌapukamanribi ñu upíbu akama mitsu bëxúnti ꞌikën; bëxunkëxun kamina mitsun ꞌëx kana Nukën ꞌIbu a ꞌai kixun ꞌunánkanti ꞌain, ꞌunánan ka ꞌëx kushiira ꞌixun kana Israel unikama ië́mikin bitëkëa kixun ꞌunánkanti ꞌikën.

Isaías 60:3

Usai ꞌikëbë ka bëtsi bëtsi ëmanu ꞌikë unikama Dios kuëënkësabi oí tsóti tirínu ꞌikësa ꞌiti ꞌikën, ꞌimainun ka bëtsi bëtsi ëmanu ꞌikë ꞌapukama atúxribi ichu ichukikë an pë́kakësanu ꞌiti ꞌikën.

Isaías 64:4

Uinsaranbi ka uinu ꞌikë unínbi, anu ka misaribi bëtsi dios ꞌikë kixun ñuia unin kuananbi ꞌisama ꞌikën, usa ꞌain ka bëtsi dios an min ꞌakësokin an ñu ꞌakin, axa ami katamëkë unikama ꞌakinkin ꞌakë ꞌaíma ꞌiakëxa.

Ezequiel 37:6

Usakin ꞌimikëx kamina punuñu ꞌianan, namitëkëni bëxitan maputi uni ꞌitëkënia anun tsóti suñu mi ꞌinánti aín, usokin ꞌakëx kamina amiribishi tsótëkënti ꞌain. Usakin ꞌakëxun kamina mitsun, ax ka Nukën ꞌIbu Dios ꞌikë kixun ꞌunánti ꞌain.

Joel 2:27

ꞌimainun kamina Israel unikama mitsun ꞌunánti ꞌain, ꞌëx mitsun Dios ꞌaish mitsubë ꞌain, ꞌëx kana mitsun Dios a ꞌain, usa ꞌain ka bëtsi ꞌësaribi ꞌaíma ꞌikën. ¡Usa ꞌain ka ꞌën unikama uínsaranbi rabinkë bërútima ꞌikën!

Números 11:12

¿ꞌËx aín papa ꞌianan aín tita ꞌixun karana atu ꞌikúxun tuáxura ꞌakësokin aín chaitiokëkama ꞌinankatsimi kia me anu buánti ꞌain?

Mateo 25:16

Cuancëbëtan ca an ꞌitsa, mëcën achúshi mil curíqui bicë uni an a curíquinën ñu bitancëxun maruquin bitëcënquin usaribi mëcën achúshi mil curíqui biaxa.

Romanos 10:11

Cristo ñuiquian Nucën Papa Diosan bana cuënëo ca ësairibi quia: “Axa ami catamëcë unicaman ca, an ca ax quicësabi oquin ꞌë ꞌaquinia quixun ꞌunania”.

Romanos 5:5

An ca —asérabi camina ꞌëbë ꞌiti ꞌai —quixun caquin nu paraníma. An ca aín Bëru Ñunshin Upí nubë ꞌinun nu ꞌinánxa. Nubë ꞌixun ca nu ꞌunánmia uisaira oquin cara Nucën Papa Diosan nu nuibatia quixun. An ca asérabi nu nuibatia quixun ꞌunánquin cananuna, nux cananuna asérabi aín nëtënu abë ꞌiti ꞌai quixun ꞌunanin.

Romanos 9:33

Nucën Papa Diosan bana cuënëo ca maxax ñuicësa oquin Cristo ñui ësai quia: Camina ꞌunánti ꞌain, ꞌën cana Sión cacë ëmanua, maxax achúshi ꞌinun mëníoin. Ami ca uni raírinëx tatíquianan maxax cha ꞌain chacati nipacëti ꞌicën. Usa ꞌaínbi ca axa ami catamëcë unicaman ꞌunánti ꞌicën, an ca asérabi ax quicësabi oquin atu ꞌaquinia quixun.

1 Pedro 2:6

Nucën Papa Diosan bana cuënëo ax ca ësai quia: ꞌËn cana maxax upí nancësa oquin uni achúshi, Sión cacë matá me anua Jerusalén ꞌicë, anua ꞌinun ꞌimiti ꞌain. Unían xubu ꞌanuxun maxax upí ami xubu raroti caíscë usaribi oquin ꞌën caíscë ca ax ꞌicën. Axa ami catamëcë unicaman ca isti ꞌicën, an ca asérabi ax quicësabi oquin atu ꞌaquinia quixun.

Apocalipsis 3:9

Usa ꞌain cana ñunshin ꞌatimanën ꞌapun sinánmicë unicama axa, ꞌëx cana asérabi judío uni ꞌai quibi cëmëi ꞌëmi sináncëma unicama a mitsun bana cuatia mitsumi sinánun ꞌimiti ꞌain. ꞌImicëxun ca ꞌunánti ꞌicën, ꞌën cana asérabi mitsu nuibati quixun.