Isaías 49:18 - Kashibo-Kakataibo Biblia

¹⁸ Axa Jerusalénnu ꞌikë unikama mitsun kamina buinarakin amami amamia iskin, uisai kara ꞌura buánkan unikama minu uax timëaxa kixun isti ꞌain. ꞌËx Nukën ꞌIbu ꞌaish kana ꞌëxbi ësai kin, usa ꞌain ka a unikamax, Jerusalénnu tëñutimi tëñukësa ꞌianan, mëratiñu xanua anun mëníokakin ñukama aín naminu nankësa usaribi ꞌiti ꞌikën.

Isaías 49:18 ပူးပေါင်းရင်းမြစ်များ

Génesis 13:14

Usaia anuax Lot kuankë ꞌain ka a basikëbëtan Nukën ꞌIbun Abram kakëxa: Anumi ꞌikë ënuxunbi kamina upíokin aín tsipumia isanan aín rëbumiokin isti ꞌain, isanan kamina amiaxa bari urukë amia isanan amia bari kuabúkë amiaribi isti ꞌain;

Génesis 22:16

kuënkin ka kakëxa: —Nukën ꞌIbu ka kiaxa: Kana isa kamina min bëchikë achúshira ꞌikëbi mi ñukákëxun ꞌën mi kakësabiokin ꞌan, usa ꞌaish kana ꞌëxbi asérabi sinanatëkëntima oi kin,

Isaías 45:23

ꞌËx kana sinanatëkëntima oi ëbi kiakën, ki kana ꞌën kana ꞌëmi nishkë unikama kanankin ꞌati ꞌai kiakën, kia a banakama sënë́nmikin kana ꞌati ꞌain: usa ꞌain ka a bana sënë́nkëbë kamabi nëtënu ꞌikë unikama ꞌën ismainunbi rantinpuruni tsóbuti ꞌëmi ꞌikin, min kakësa okinbi kananuna sinanatëkëntima okin ꞌati ꞌai kiax atux,

Isaías 49:12

¡Kamina iskanti ꞌain! Israel unikama mitsux kamina, ꞌurakëoxbi ukanti ꞌain: axa aín tsipúmiax uti axa amiax umainun ka amia bari kuabúkë amiaxribi uti ꞌikën, umainun ka Asuán kakë me amiaxribi aín patsan uti ꞌikën.

Isaías 49:22

Ësai ka Nukën ꞌIbu kiaxa: “ꞌËn kana bëtsi menu ꞌikë unikama kati ꞌain; ꞌimainun kana bëtsi ëmanu tsókë unikama achúshi ꞌinánti ꞌain, usakin ꞌakin ka min ꞌini bëchikë xanukama papixun bëkësa ꞌinun bëti ꞌikën.

Isaías 52:1

Axa Jerusalénnu tsókë unikama mitsux kamina upíokin sinani kushikanti ꞌain, mitsux kamina Jerusalén upí kakë ëma anu tsotin, usa ꞌain kamina mitsun chupa upíirabu a pañukanti ꞌain, bëtsi menu ꞌikë unikama an Dios rabikëmakama ax ka amiribishi mitsunu atsíntëkëntima ꞌikën.

Isaías 54:7

“ꞌItsama nëtë́ishi ꞌimikin kana mi ëankën, ꞌaínbi kana ꞌëx nuibanankë ax chaiira ꞌain amiribishi ꞌëbë biranani utëkënun mi kakën.

Isaías 54:9

“Baka ꞌikuatsini sënë́nkë ꞌain kana, sinanatëkëntima okin ꞌën Noé amiribishi ka me mapui baka ꞌëtëkëntima ꞌikë kixun kakën. Usokin kana bërí sinanatëkëntima okin amiribishi kana usakin mimi nishtëkëntima ꞌai kixun kakën.

Isaías 61:10

¡Uisai karana ꞌëx Nukën ꞌIbumi chuámarua tani kuëënti ꞌain! Diosan ka kuëëira kuëënun ꞌë ꞌimiaxa, usa ꞌixun ka, ¡kamabi ñu kanankin ꞌanun ꞌë ꞌamiaxa! Usa ꞌain kana an xanu biti unían mëníokakin mañuti mañukësa ꞌianan, achúshi xanun birakanuxun mëníokin ain ñu ꞌupíikama pañukë usaribi ꞌain.

Jeremías 2:32

¿Achúshi xanun kara unibë mëranankia bikë ꞌain mëñusutikama manukin rakanti ꞌik? Usa ꞌaínbi ka ꞌën unikama, ꞌitsaira baritia ꞌimi ꞌëmi manúakëxa.

Jeremías 31:8

Ka kuat, ꞌënbi kana aín tsipumia ꞌikë me anua bëanan, uinu kara me kuainakëakëxa anuabi timëbëtsinkin mitsu bëtëkënti ꞌain. Bëkëbë ka atubë bëxuñu uni, aín niti bëtsikë unikama, xanu ñuitsíkëkama ꞌimainun aín tuá bakënkëkama; ¡atux ka ꞌaisamaira uni ꞌaish amiribishi utëkënkanti ꞌikën!

Ezequiel 33:11

Usa ꞌaínbi kana ꞌëx Dios ꞌaish atun tsóti ñui ësai kin, ꞌatima sinánñu unikama ñuti kana ꞌëx kuëëniman usa ꞌain ka atun ꞌakë ñu ëni upitax tsóti ꞌikën. Israel unikama ꞌatima ñu ꞌaimi tsókankë akamina ënti ꞌain. ¿Uisa ꞌaish kara usakin ñu ꞌai ñukanti ꞌik?

Números 14:21

ꞌAínbi kana ax ka asérabi kamabi menu kushiñuira ꞌikë kixuan unin unánun unikama nuibatin,

Juan 4:35

Ësoquian cacëbëbia a ëmanu ꞌicë unicamax aia isquin ca Jesusan aín ꞌunánmicë unicama cacëxa: —Mitsux camina quin, rabë́ ꞌimainun rabë́ ꞌuxë cëñúcëbëa shaínquibutia cananuna ñu bimi biti ꞌain. Usa ꞌaínbi cana ꞌën mitsu cain, ca is, axa ucë unicama ënëx ca anun biti nëtë sënë́ncëbëtan aín ꞌibun binuan bimi pëcëti sënë́ncësaribi ꞌicën.

Apocalipsis 21:2

Isanan cana Jerusalén ëma ió, upíira upí, Nucën Papa Diosan nëtënuaxa ubutia isan. ꞌËn iscëx ca upíira upí ꞌiaxa, xanúxa bërí bënunux upiti mëníocacësaribi.

Apocalipsis 22:15

Usa ꞌaínbi ca ꞌaisama unicamax a ëma ëmáinshi ꞌiti ꞌicën. An ñu ꞌaisama sináncë unicama, an ñu xëacë ñubë́ unicama, aín xanuma ꞌicëbi bëtsi xanu cuëëncë unicama, aín bënëma ꞌicëbi bëtsi uni cuëëncë xanucama, an uni ꞌacë unicama, an Nucën Papa Diosmabi bëtsi ñu rabicë unicama, axa uni paránti cuëëni cëmëcë unicama, acamax ca a ëmanu atsíntima ꞌicën. Ca ëmáinshi ꞌiti ꞌicën.