Isaías 49:14 - Kashibo-Kakataibo Biblia

¹⁴ “Jerusalénnu tsókë unikama ax ka ësai kiakëxa: Nukën ꞌIbun ka nukama rakankëxa, nukaman Diosan ka nu manuakëxa.

Isaías 49:14 ပူးပေါင်းရင်းမြစ်များ

Salmos 22:1

ꞌËn ꞌIbu Dios, mix ꞌën ꞌIbu Dios ꞌixun kaina, ¿uisa kupín ꞌë ëan? ¿uisa kupín kaina ꞌë ië́mi aíma? ¿uisa kupín kaina ꞌëx tëmërai masá nuitukin kakëxunbi ꞌën bana kuatima?

Isaías 40:27

Jacobnën rëbúnki Israel unikaman, ¿uisa kupín kaina banai bënë́kanin? ¿Uisa kupín kara ësai kikani: “Nukën ꞌIbun ka ꞌëx inúkë ñukama ꞌunanima; kianan Diosax ka numi sinanima kiax kikanin?”

Isaías 49:13

¡Naíkamë ꞌëo! ¡ꞌImainun ka bashikaman kuëëni kushin kantakin upí tania! ¡Usai ka Nukën ꞌIbun aín unikama tëmërai masá nuitutiabi an nuibakin kuëënun ꞌimikëbë ꞌiti ꞌikën!

Isaías 49:15

ꞌAínbi kara ¿achúshi titan aín tuá ꞌibubi nuibakë ꞌixunbi ënti ꞌik? ꞌAisatankin ka xanun aín tuá manuti ꞌikën, ꞌaínbi kana ꞌën mitsu uínsaranbi manutima ꞌain.

Isaías 54:6

Mix kamina xanu chipash aín bënën ꞌatimati nitsia ënkësa ꞌaish tëmërai ꞌiakën, ꞌaínbi ka min Diosan amirbishi nuitëkënun mi kaxa.

Jeremías 31:3

ꞌëx kana bërámabi ami mërakën. ꞌËn kana nuibairakë ꞌixun atu bëríbi xënibua ꞌaínbi nuibatin, usa ꞌixun kana uisokin karana nuibakë usabi okin mitsu nuibatin.

Ezequiel 33:10

Mi unin kamina Israel unikama ësokin kati ꞌain: Mitsux kamina ësai kin: Nukamax kananuna ñu ꞌaisamaira ꞌai ꞌitsaira ꞌuchan. Usa ꞌain kananuna nux ꞌuchakë anunbi tëmërai chë́kibuti tsókësa ꞌain. ¿Usai ꞌi karanuna nux ꞌupitax tsóti ꞌain?