Isaías 49:13 - Kashibo-Kakataibo Biblia

¹³ ¡Naíkamë ꞌëo! ¡ꞌImainun ka bashikaman kuëëni kushin kantakin upí tania! ¡Usai ka Nukën ꞌIbun aín unikama tëmërai masá nuitutiabi an nuibakin kuëënun ꞌimikëbë ꞌiti ꞌikën!

Isaías 49:13 ပူးပေါင်းရင်းမြစ်များ

Salmos 148:9

ꞌAmainun ka bashikama ꞌianan me matákama ꞌimainun. Kamabi kunxankama ꞌianan axa tuákë ikama anribi rabiti ꞌikën

Salmos 65:13

usai ꞌimainun ka anu pasto ꞌaxunkë anu ꞌaisamaira oveja ꞌia, ꞌimainun ka me sapankama anuribi ꞌaisamaira trigo ꞌapákë ꞌia; ¡usai ꞌikëbë ka kamabi uni kuëëni kantai sharatia!

Salmos 69:34

¡Dios a ka an unio naí me parúmpapa ꞌimainun, kamabi ñukama anbi rabikë ꞌiti ꞌikën!

Salmos 89:13

Min kushi ax ka chaiira ꞌikën; min mëkën mëkeu ꞌikë ax ka kushiira ꞌikën, usa ꞌain kamina axa mimi nishkë unikama kupitanuma ꞌati ꞌain.

Isaías 44:23

¡Naíkamë ꞌëo ax ka munuma kuëëni kuënkënti ꞌikën, usakian Nukën ꞌIbun ñu ꞌakë a isi! ¡Munuma kuënkëni ka me chaiira nankë́kë kamax unix ꞌikësaribiti ꞌiti ꞌikën! ¡Aín bashikama ꞌimainun ninu ꞌikë ikama axribi ka munuma unix ꞌikësai kuëënti ꞌikën, Nukën ꞌIbun ka aín kushi chaiira ismikin Israel unikama Jacobnën rëbúnkikama ië́miaxa usa ꞌain!

Isaías 49:14

“Jerusalénnu tsókë unikama ax ka ësai kiakëxa: Nukën ꞌIbun ka nukama rakankëxa, nukaman Diosan ka nu manuakëxa.

Isaías 52:9

¡Jerusalén na masókan anu tsókë, unikama mitsux kamina kana ñusmo kiax kuëënkanti ꞌain, Nukën ꞌIbun ka Jerusalénnu ꞌikë aín unikama nuibaxa, usakin ꞌakin ka aín unikama nuibakin chikíanxa! (Ënëx ka Jesucristo ñui kikë bana ꞌikën.)

Isaías 54:7

“ꞌItsama nëtë́ishi ꞌimikin kana mi ëankën, ꞌaínbi kana ꞌëx nuibanankë ax chaiira ꞌain amiribishi ꞌëbë biranani utëkënun mi kakën.

Isaías 54:8

Uínsaran karana ꞌëx mimi nishakën anu kana, ꞌitsama nëtë́ishi mimi mëráma ꞌain, ꞌaínbi kana ꞌëx nuibanairakë ax nëtë́tima ꞌain mi nuibakën.” Usai ka min ꞌIbu an mi bitëkënti ax kiaxa.

Isaías 55:12

Usa ꞌain kamina mitsux kuëënkiani anuaxmi tëmërakankë, anuax kamina mitsun menubi uínbi uisokinbi kakëma kuantëkënti ꞌain. Usai mitsux kuania isi ka ꞌain bashikama kuëëni kantati ꞌikën, ꞌimainun ka kamabi ikama ninu ꞌikë akamax mëtashkiti ꞌikën.

Jeremías 31:13

Usai ꞌikëbë ka xanu chipash ransai kuëëmainun, uni bënákama axribi ꞌikëbë uni apankama atúxribi usai ꞌi kuëënti ꞌikën. Usai ꞌia nuibakin kana: masá nuitukë a ënia kuëënun ꞌimiti ꞌain, ꞌimianan kana masá nuitutia nitë́xëkë usamaira ꞌinua kuëënun ꞌimiti ꞌain.

Lucas 15:10

ꞌËn cana mitsu cain, usaribiti ca achúshi uníxa ꞌaisama ꞌaíshbi sinanati Nucën Papa Diosmi sináncëbë aín ángelcamax cuëënia.

2 Corintios 7:6

Usai ꞌiabi ca Nucën Papa Dios, an uni tëmërai masá nuitutiabi chuámarua ꞌinun ꞌimicë, an Tito mitsunuax ënu unun mëníoxun nu chuámarua ꞌimiaxa.