Isaías 49:11 - Kashibo-Kakataibo Biblia

¹¹ ꞌIanan kana achúshi bai bashikama abi nëtanbiania anun kuanti ꞌaxunti ꞌain, ꞌianan kana baikama a sapan ꞌinun ꞌimiti ꞌain.”

Isaías 49:11 ပူးပေါင်းရင်းမြစ်များ

Salmos 107:4

Nun xutakamax ka me ꞌunánxma bënuax ꞌikësai anu uni ꞌikëma masiñu me anun nikinbi, anun ëma achúshi anu tsónux kuanti bai mëraimabi niakëxa;

Salmos 107:7

Usokin pain ꞌatankëxun ka bai puntë ëma achúshi anu tsóti kuanti a mëramiakëxa.

Isaías 43:19

ꞌËn kana ñu ió ꞌinun ꞌatëkënti ꞌain, ꞌaia kamina bëríbi mëratia iskanti ꞌain, anu uni ꞌikëma menu kana achúshi bai ꞌimiti ꞌain, ꞌimianan kana anu ñu ꞌirukëma me anuribi, baka ꞌimiti ꞌain.

Isaías 52:12

ꞌaínbi ka anuax chikiti kuani bënëtishi abákiani chikítima ꞌikën, Nukën ꞌIbu Israel unikaman Dios, an ka atu kuania uisa ñubi inuaxma ꞌinun amami amamiukua bërúanti ꞌikën.

Juan 14:6

Cacëxun ca Jesusan cacëxa: —ꞌËx cana anun cuanti bai, a ꞌain. ꞌIanan cana an Nucën Papa Diosan sináncë ñucama ꞌunánquin ax cuëëncësabi oquin ꞌacë, a ꞌain. ꞌIanan cana an uni anun tsóti nëtë ꞌináncë, a ꞌain. Uix cara Nucën Papa Diosnu cuainsa tania ax ca ꞌëmi pain catamëti ꞌicën.