Isaías 49:1 - Kashibo-Kakataibo Biblia

¹ Axa parúmpapa nasínu ꞌikë ëmakamanu ꞌikë unikaman ka upiokin sinánkin kuati ꞌikën, ꞌimainun ka bëtsi bëtsi ëma ꞌura ꞌikë anu ꞌikë unikamanribi ꞌëx kia kuati ꞌikën: Nukën ꞌIbun ka ꞌën titan ꞌë tuakëma pain ꞌikëbi ꞌë kaisakëxa; usa ꞌixun ka ꞌën titan puku ꞌukë mëu ꞌikëbi ꞌën anën ꞌë anëakëxa.

Isaías 49:1 ပူးပေါင်းရင်းမြစ်များ

Salmos 22:10

ꞌËn titan ꞌë bakënkëma pain ꞌikëbi, kamina ꞌë bërúankën; usa ꞌaish kamina ꞌën titan puku ꞌukëmëu, ꞌaínbi mix ꞌën Dios ꞌiakën.

Isaías 33:13

ꞌUra ꞌikë unikama anribi ka ꞌën ꞌakë ñukama kuati ꞌikën, kuamainun ka ꞌurama ꞌikë unikamanribi uisakin karana ꞌën kushínbi ñu ꞌa kixun ꞌunánti ꞌikën.”

Isaías 41:1

“Ësai ka Dios kiakëxa, axa parúmpapa nëbëtsi ꞌikë nasínu bukukë unikama an ka nëtë́xun ꞌëx kia kuati ꞌikën. Bëtsi bëtsi menu tsókë unikamax ka kushi mëníokati ꞌikën. Uisai kaina mitsux tsóti anu banakin mëníonun kamina timë́kanti ꞌain; bërí kananuna timë́xun uisakin karanuna mëníoti ꞌai kixun isti ꞌain.

Isaías 42:12

ꞌUsakin ꞌakin ka Nukën ꞌIbu axa parúmpapa nasínu ꞌikë mekamanu ꞌikë unikama atúnribi rabiti ꞌikën.

Isaías 44:2

ꞌËn kana min ꞌIbu ꞌixun mi uniokën, usa ꞌixun kana puku ꞌukëmëuküax bakënux uninun mi ꞌimiakën, usa ꞌain kana mi ꞌakinin. Kamina rakuë́kantima ꞌain Jesurún mitsux kamina ꞌën uni ꞌën kaisa Jacob aín rëbúnkikama ꞌain,

Isaías 44:24

Ësai ka Nukën ꞌIbu an mi bitëkënkë ax kiaxa, an ka mitsu ënë menu min titan bakëntisa ꞌikëmabi ꞌakëxa: “ꞌËx kana an kamabi ñu unio Nukën ꞌIbu a ꞌain, ꞌanan kana ꞌën naíkamë ꞌëo chaiira ꞌinun pënimëtanun ꞌimiakën ꞌimianan kana meribi anubia rakati anu nankën usakin ꞌaia ka uínbi ꞌë ꞌakianma ꞌikën.

Isaías 45:22

Usa ꞌain kamina ꞌën mitsu ië́minun ꞌënu ukanti ꞌain, uinu kara me kuainakëakëxa anu ꞌikë unikamaxi ka ꞌuti ꞌikën, ꞌëx Dios ꞌain ka bëtsi ꞌësaribi ꞌaíma ꞌiti ꞌikën.

Isaías 45:3

ꞌËn kana mi ꞌinánti ꞌain ñu kupíkë unin unëkin nankë akama ꞌianan, unëkian unin ꞌunántisama okin anu nantinu nankë aribi mi ꞌinánti ꞌain. Usakin ꞌinánkëxun kamina min ꞌunánti ꞌain ꞌax ka Nukën ꞌIbu ꞌianan, Israel unikama Dios a ꞌikë kixun, usa ꞌain kana min anën mi kuëan.

Isaías 46:3

Jacobnën rëbúnkikama mitsun kamina ꞌëx kia kuati ꞌain, mitsux kamina Israel unikama bërukë akamaribi ꞌain: ꞌËn kana mitsu bakëntisa ꞌikëmabi, ꞌën pëñanu ꞌaruxun ꞌakësokin bërúanxun bëakën,

Isaías 49:12

¡Kamina iskanti ꞌain! Israel unikama mitsux kamina, ꞌurakëoxbi ukanti ꞌain: axa aín tsipúmiax uti axa amiax umainun ka amia bari kuabúkë amiaxribi uti ꞌikën, umainun ka Asuán kakë me amiaxribi aín patsan uti ꞌikën.

Isaías 49:5

ꞌËn ꞌIbu Diosan ka uisabi otima kushi ꞌinun ꞌë ꞌimiaxa, ꞌimikin ka ami sinani kushinun ꞌë ꞌimiaxa. An ka ꞌën titan puku ꞌukëmëu ꞌikëbi ꞌë aín uni ꞌinun ꞌimiakëxa, usa ꞌain ka Israel unikama Jacobnën rëbúnkikama a ꞌën amia sinanatëkënun ꞌiminun ꞌë kaisa,

Isaías 52:13

ꞌËn uni akana an ꞌakë ñukamax ka upí ꞌiakëxa, ꞌikëbëtan ka axa aín kushiira ꞌi manámi ꞌinun ꞌimiti ꞌikën.

Isaías 55:3

Ënu kamina mitsux ukanti ꞌain, ꞌën kakësabiokin ꞌën bana upiokin bëmë́kin ꞌai kamina chuámarua tsókanti ꞌain. ꞌËn kana mitsubëtan uínsaranbi këñutima ñu ꞌati ꞌain, usokin ꞌakin kana ꞌën uni David nuibakin kásabiokin mitsu ꞌaxunti ꞌain.

Isaías 60:9

Tarsisnu ꞌikë manë nunti kama ax ka atu rëkuëonbiani manë nunti kama raíri abë biranan kuatsini kuankin, Jerusalénnu ikë unikama bëi ukin, mitsun bëchikëkama ꞌurakëo bëanan, kuri manë uxua akama bëti aka ax ꞌikën, a ñukamax ka min ꞌIbu Israel kaman Dios upíira a bëxunkë ꞌiti ꞌikën, an ka kushiira ꞌixun mitsu ꞌakiankëxa.

Isaías 7:14

Diosan ka unibë ꞌikintankëma xanu: Xuntaku achúshi tuuñu ꞌinun ꞌimiti ꞌikën, ꞌimikëx bakëntankëxun ka Emanuel kakin anëti ꞌikën. Emanuel kikë ax ka, ‘Dios ka nubë ꞌikë ki kikë ꞌikën’.

Isaías 9:6

Usa ꞌain ka nunu achúshi tuá bakënun ꞌimiaxa, Diosan ka nukama achúshi tuá ꞌinánxa, a tuá ka axa ꞌapu ꞌitiokin aín kushi ꞌinánkë ꞌiti ꞌikën. Usa ꞌikë ka ësokin kakë ꞌiti ꞌikën: “An bana ñuixunkin ꞌësëkëxun kuati upitani kuëënti,” “Dios uínbi kanantisama,” “Nukën papa Dios axa këñutima oi tsókë,” “Achúshi ꞌapun rëkuë́n bëchikë chuámarua ꞌinun uni ꞌakinux bakë́an.”

Jeremías 1:5

ꞌËn kana min titan puku ꞌukëmëu ꞌikëbi mi kaisakën; ꞌianan kana min titan mi bakënkë ꞌikëmashi mi kaisakën; ꞌanan kana kamabi menu ꞌikë unikama an Dios kikë bana ñuixunkëmi ꞌinun mi kaisankën.

Lucas 1:15

Ax ca Nucën Papa Diosan iscëx uni itsisama ꞌiti ꞌicën. ꞌIanan ca an vino ꞌimainun ñu cachacë xëatima ꞌicën. Aín titaxa bacë́ncëma pain ꞌaíshbi ca Nucën Papa Diosan Bëru Ñunshin Upíñu ꞌiti ꞌicën, usabi ꞌinux.

Lucas 1:31

Mix camina tuunuxun ꞌain. Tuutancëx camina bëbu tuá bacë́nti ꞌain. A camina Jesús caquin anëti ꞌain.

Juan 10:36

¿Nucën Papa Diosan ënë menu uni ꞌinun ꞌë xuá ꞌaínbi caramina mitsun uisa ꞌixun, aín Bëchicë cana ꞌai qui cana Nucën Papa Dios ñui ꞌatimati banai quixun ꞌë cain?

Gálatas 1:15

Usai ꞌiabi ca Nucën Papa Diosan, ꞌën titan pucu mëucüabi ꞌë aín bana ñuixunun caísa ꞌixun nuibaquin asérabi ainan ꞌinun ꞌë sinánmiquin,

Efesios 2:17

Ax ënë nëtënu utancëxun ca Cristonën bana ñuixunquin, camabi unix ca ami catamëti Nuncën Papa Diosan iscëx upí ꞌiti ꞌicë quixun cacëxa. Usa ꞌain ca judíosma uni, an Nucën Papa Diosan bana ꞌunáncëma, ꞌimainun judíos uni, an Nucën Papa Diosan bana ꞌunáncë ꞌixun a ñuia quicë bana cuati, Cristomi catamëti Nucën Papa Diosnan ꞌia.

Hebreos 12:25

Cananuna ꞌunanin, Moisésnëan Nucën Papa Diosan bana ñuixuncëxunbia an a bana timaquin cuaisama tancë, nucën raracamax ca castícancë ꞌiacëxa. Moisésnën ñuiá banasamaira ca Jesucristo ñui quicë bana, Nucën Papa Diosan naínu ꞌixun nu ꞌinan, ax ꞌicën. Usa ꞌain ca nucën raracamaxa ꞌiásamaira oi an Jesucristo ñui quicë bana timaquin cuaisama tancë unicama ië́tima ꞌicën. Usa ꞌain camina asérabi Jesucristo, Nucën Papa Diosan a aín nëtënua xua, a ñui quicë bana timaquinma upí oquin cuati ꞌain.

1 Pedro 1:20

Cristo ca usai ꞌiti ꞌicë quixun ca camabi ñu unioisama pain ꞌixunbi Nucën Papa Diosan mëníocëxa. Usaquian mënío ꞌain ca aín uti nëtë sënë́ncëbëishi usai ꞌinux Cristo ënë menu uacëxa, mitsúxmi ami catamënun.