Isaías 46:4 - Kashibo-Kakataibo Biblia

⁴ usa ꞌain kana ꞌëx mitsúxmi kaniakëkëbëbi usabi ꞌiti ꞌain, ꞌianan kana uínsaran kaina mitsun bu ꞌuxua ꞌirukani usai ꞌiabi bërúankin mitsu ꞌakinti ꞌain. ꞌËn kana mitsu usakin ꞌakën, usa ꞌixun kana usakinbi bërúankin, ꞌën mitsu ië́miti ꞌain;

Isaías 46:4 ပူးပေါင်းရင်းမြစ်များ

Isaías 41:4

¿Uin kara ënë ñukama ësokin ꞌakëx? ¿Uin kara bërámabi ꞌa ꞌixun bëríbi usaía ñu inútikama a ꞌimiti it? ꞌËx kana mitsun ꞌIbu Dios achúshi a ꞌain, uin kara uinsaranbi ꞌitabakënu unin ñuiama ñu ꞌakëxa.

Isaías 43:13

Bërámabi ꞌiá ꞌaish kana ꞌëx Dios a ꞌain. Uínbi ka ꞌën kushinua uni chikintima ꞌikën. Uínbi ka ꞌën ꞌakë ñu ꞌaisama ꞌinun kamina ꞌai kixun ꞌë katima ꞌikën.

Isaías 43:25

ꞌAínbi kana ꞌëx mitsun Dios ꞌixun, uni ꞌaimi ꞌuchakëkama a tërënxunkin uinsaranbi sinántëkëntima ꞌain.

Malaquías 2:16

Israel unikaman Dios kamabi kushiñu ax ka ësai kia: “¡Mitsúnbi kamina min nami bërúankati ꞌain, usai ꞌikin kamina min xanu ꞌatima otima ꞌain, ꞌën kana kamabi uni an aín xanu ënkë a kuëënima, usai ꞌi ka uni anunbi ꞌatimati ꞌuchaia!”

Malaquías 3:6

“ꞌËx kana Dios ꞌain. Usa ꞌaish kana uisaibi i bëtsiorakatima ꞌëx ꞌiásabi ꞌain. Usa ꞌixun kana ꞌën ká banakama manukima Jacobnën rëbúnki Israel unikama ꞌikë mitsu masókëma ꞌain.

Romanos 11:29

Bëráma judíos unibu —ꞌënan ca mitsu ꞌimainun mitsun rëbúnqui ꞌiti ꞌicë —quixun Nucën Papa Diosan cá ꞌain ca a banacama usabi ꞌiti ꞌicën. Nucën Papa Diosan ca —mitsux camina ꞌënan ꞌiti ꞌai —quitancëxun bëtsioquin sinántëcënima.

Hebreos 1:12

Usa ꞌicëmi min, chupa xëni ꞌacësaribi oquin capúncëxbi ca me ꞌimainun naí iótëcëncë ꞌiti ꞌicën. Acamaxa usai ꞌicëbëbi camina mix usabi ꞌin. Mix camina usabi ꞌiá ꞌaish usabi ꞌiti ꞌain.

Hebreos 13:8

Jesucristo ax ca usabi ꞌiá ꞌaish bëríribi usabi ꞌaish, usabi ꞌiti ꞌicën.

Santiago 1:17

Camabi uisa ñu cara upí ꞌicë, ax ca Nucën Papa Dios naínu ꞌicë, an bari, ꞌuxë, ꞌispa acama unio, an camabi uni ꞌináncë ꞌicën. A ñucamaxa bënamëanan bëánquicë ꞌaínbi ca Nucën Papa Dios axira usabi ꞌiá ꞌaish usabi ꞌicën.