Isaías 46:1 - Kashibo-Kakataibo Biblia

¹ Bel kakë dios ax kapumëmainun ka Nebo kakë axribi Babilonianuax menu pakëtia. Usa ꞌikë ka unínbia a rabinuxun ꞌakë ñukama a an ñu papikë ñuinakaman aín kaxunu nankë ꞌikë buania, usa ꞌaish ka ꞌiëira ñu ꞌikën axa atsankë ñuina kamanan.

Isaías 46:1 ပူးပေါင်းရင်းမြစ်များ

Job 39:11

¿Min kaina ax kushiira ꞌixun ka ꞌën tëtikama ꞌë ꞌaxunti ꞌikë kixun sinánkin an mi ꞌaxúnun ënti ꞌain?

Éxodo 12:12

A imë́ kana ꞌëx kamabi Egipto menu inúkin kamabi egipcio unikaman xubunua aín rëkuë́n bëchikë ꞌanan a unikaman ñuinanën rëkuë́n tuákama ñumiti ꞌain, ꞌëx kana Dios a ꞌain. ꞌImainun kana Egiptonu ꞌikë unikaman rabikë dios ꞌatima oti ꞌain. ꞌËx mitsun ꞌIbu ꞌaish kana ësai kin.

Isaías 30:6

Bërí kana ñuinakama Négueb menu ꞌikë akama ñui kin: a mex ꞌatimaira ꞌain ka anu paru ꞌinúankama axa kuëëkë, ꞌimainun runukama ꞌianan kapë́sa ñuina taëñu axa nuánkë akama ꞌikën. Burro ꞌimainun camello kaxunu puruxun ka ñu kupíkë Egipto me anua upa unikama ꞌikë anu buánti ꞌikën,

Isaías 45:20

“Kamabi unikama axa bëtsi menu buánkëx tëxëkë, mitsux kamina rikuatsini ꞌurama timë́ti ukanti ꞌain. Mitsun kamina ñu ꞌunánma ꞌixun unínbia, a rabinuxun ꞌakë i a ꞌiabiankin buani kuankanin, an mitsu ꞌakinumabi kamina dioskama ñukákanin, ñukákëxunbi ka a dioskaman mitsu ië́mitima ꞌikën.

Isaías 46:7

Usakin ꞌakë ka unikaman ain tëxatan ꞌiabiankin uania; uantankëxun ka anu nanti ꞌakë anu nitsinia, nitsinkëx ka ubitima anubi nitsia. ꞌAínbi ka munuma banakin ꞌakinun kixun ñukákëxunbi ka uisakinbi kaima ꞌianan atúxa tëmëraiabi ië́mima.

Daniel 3:14

ësokin ñukákëxa: —¿Asérabi kaina mitsun ꞌën dios rabianan a rabiti kuri ꞌamikë aribi rabikaniman?

Mateo 23:4

Moisésnën cuënëo banaishima atúnbi sináncë banaribi ca unicamax isa usai ꞌinun quixun ñuixunia. Usaquin ñuixuncëxbi ca a banacamax ax quicësabi oi ꞌiisama ꞌicën. Atúxribi ca usai ꞌima. Atúan ñuixuncë bana quicësabi oquian ꞌanun ca unicama ꞌaquinima.

1 Samuel 5:3

Nónkë a pëkarakëma ꞌaínshi anuxun Dagón rabikë xubunu kuankinbi ka Asdodnu tsókë unikaman pakëax menu anua Nukën ꞌIbun bana kuënëokë ꞌarukë bunántisa okin ꞌakë kurin ratakakakë a bëtánain rakákë mërai ratúkankëxa, ratúkin ka biruxun anua ꞌikë anubi nitsintëkëankëxa.