Isaías 45:9 - Kashibo-Kakataibo Biblia

⁹ Achúshi tasun me ꞌakë an ka asaribi tasunbëtan, an ꞌakë uni a kuëbitima ꞌikën. Chua me an ka anun tëkin ꞌakë uni a katima ꞌikën: “¿Añu kaina min ꞌai kixun kati ꞌik?” ꞌimainun kara an ꞌakë ñu anbi an ꞌakë a kati ꞌikën: “Mix kamina tëëti ꞌunánma ꞌai kixun.”

Isaías 45:9 ပူးပေါင်းရင်းမြစ်များ

Isaías 45:10

ꞌImainun kara tuákën aín papa ënë menuxun bakë bëchia a ñukati ꞌikën.

Isaías 64:7

Uinu ꞌikë unibi ka an mi ꞌakinun kixun ñukákë ꞌaíma ꞌikën, ꞌianan ka an mimi kushikin ꞌakinun kixun barikë ꞌaíma ꞌikën; usa ꞌain kamina nukamami kasuakëkin nu ëan, nun ñu ꞌatima ꞌai ꞌuchakë kupín kamina nu rakan.

Isaías 64:8

Usa ꞌaínbi kamina mix Nun ꞌIbu ꞌaish nun papa ꞌain; nukamax kananuna me uniokë ꞌain, usa ꞌain kamina mix an me bëtsi bëtsi ñu tankin ꞌakë usaribi ꞌain; ¡usa ꞌain kananuna kamabi nukamax minbi me unío ꞌain!

Jeremías 18:6

¿ꞌËn karana Israel unikama an chua me ꞌakë unían mapú ꞌakësaribi okin ꞌatima ꞌain? Mitsux kamina ꞌën ënkëma ꞌaish ꞌën mëkënubi ꞌaish an chua me ꞌakë unían aín mëkënan mapú añu kara ꞌaisatania usakin ꞌakë usaribi ꞌain. ꞌËx Dios ꞌaish kana ësai kin.

Jeremías 36:29

Ësokin kamina kati ꞌain: Ësai ka Nukën ꞌIbu kiaxa: Min kamina kirika tarankë a nëëanan Jeremías atima banan uisa kupí anu kuënëokin Babilonianu ꞌikë ꞌapux isa aimama ꞌima, ënë ëma masókin uniñuma ꞌianan ñuinañuma ꞌitánun këñui aia kixun kan.

Daniel 4:35

An iskëx ka kamabi menu tsókë unikama ñuumara ꞌikën. An ka uisakin kara ꞌaisatania usakin naínu ꞌanan menuribi ñu ꞌaia. Usa ꞌain ka an usakin kamina min kushi ñu ꞌatima ꞌai kixun kanan, uisa kupín kaina usakin ñu ꞌai kixun an kati uni ꞌaíma ꞌikën.

1 Corintios 10:22

Nucën ꞌIbu Jesús nishmiquin camina ñunshin ꞌatima rabitima ꞌain. Nuxnu cushima ꞌimainun ca axira nubë sënë́nmaira ꞌaish cushi ꞌicën.