Isaías 45:5 - Kashibo-Kakataibo Biblia

⁵ ꞌËx kana Nukën ꞌIbu ꞌain, usa ꞌain ka ꞌësaribi ꞌaíma ꞌikën; usa ꞌain ka ꞌësaribi bëtsi dios ꞌaíma ꞌikën. ꞌËn kana ꞌëmi ꞌunánkëxumabi, usaími ꞌakananux mëníokanun ꞌimian,

Isaías 45:5 ပူးပေါင်းရင်းမြစ်များ

1 Reyes 8:60

usakin nu ꞌakinia ka bëtsi menu tsókë unikaman Israel unikama an ꞌakinkë Dios usaribi bëtsi Dios ka ꞌaíma ꞌikë kixun ꞌunánti ꞌikën.

Esdras 1:2

Persia menu ꞌikë ꞌapu Ciro ax ësai kiakëxa: Nukën ꞌIbu Dios naínu ꞌikë, an ka ꞌapu ꞌixun kamabi menu ꞌikë unikama ꞌakinnun ꞌë ꞌimiaxa, ꞌimainun ka ꞌën achúshi anuxun a rabiti xubu Jerusalén Judá menua ꞌikë anu ꞌaminun ꞌë sinánmiaxa.

Éxodo 9:14

mi xukëbëtama kana ënu ꞌatëkënkin ñu ꞌaisama, mi ꞌatima onun xukin bëtsin ꞌakësamaira okin ꞌën an mi ñu ꞌaxunkë unikama ꞌimainun min unikamanu xuti ꞌain, ësokin ꞌaia kamina bëtsi Dios ꞌësaribi ka ënë menu ꞌaíma ꞌikë kixun ꞌunánti ꞌain.

Isaías 43:10

Ësai ka Nukën ꞌIbu asérabi kiakëxa: “Mitsun kamina uisakin karana ñu ꞌakën akama ñuiti ꞌain. Mitsux kamina ꞌën unikama ꞌën kaisa a ꞌain, ꞌëmi katamëkin ꞌunánkin kamina, ꞌëx karana ui ꞌai kixun ꞌë ꞌunánkanti ꞌain. ꞌËx ꞌisama ꞌain ka uinu ꞌikë bëtsi diosbi asérabi ꞌaíma ꞌiakëxa. ꞌIanan ka ꞌëx pain ꞌia ꞌain bëtsi dios ꞌaíma ꞌiti ꞌikën.

Isaías 44:6

Ësai ka Nukën ꞌIbu, Israel unikama ꞌapu an atu biti, kamabi kushiñu ax kiaxa: “ꞌËx irapain kana ñu ꞌaíma ꞌain ꞌiakën, usa ꞌaish kana kamabi ñu këñúkëbëbi anubi ꞌiti ꞌain; usa ꞌain ka bëtsi dioskama ax ësaribi asérabi ꞌiti ꞌaíma ꞌikën.

Isaías 44:8

¡Usa ꞌaínbi kamina chuáma tani rakuë́tima ꞌain! ꞌËn kana usakin kan, bërámabi kana usai ka ꞌiti ꞌikë kixun kakën, usa ꞌain kamina mitsúnbi ꞌën usakin ñu ꞌakëmi ꞌunánkankë a ñuiti ꞌain. ¿Anu kara bëtsi dios ëbë sënën ꞌiti ꞌik? A mi katamëti bëtsi uni ka ꞌaíma ꞌikën; ꞌën kana achúshirabi ꞌunanima.”

Isaías 45:1

Nukën ꞌIbun ka Ciro kakë uni ꞌapu ꞌimixun, aín mëkënan tuínxun ꞌakësokin, bëtsi menu ꞌikë unikama ꞌakin ꞌamiakëxa, ꞌanan ka ꞌapukama anun ꞌakánanti bikuanun ꞌamiakëxa. Nukën ꞌIbun ka Ciro kakë ꞌapun ismainunbi anun ëma kënëara xëpútikama uínbi xëputëkëntisama ꞌinun xëókinun ꞌimiakëxa. Usa ꞌain ka Diosan kakëxa:

Isaías 45:6

usa ꞌain ka amiaxa bari urukë ꞌimainun amia bari kuabúkë, anuxun bëtsi dios ꞌësaribi ka ꞌaíma ꞌikë kixun ꞌunánkanti ꞌikën. ꞌËx kana min ꞌIbu ꞌain, ꞌësaribi ka ꞌaíma ꞌikën.

Isaías 46:9

usai ꞌikinma kamina bërámaira ꞌia ñukama a sinánkanti ꞌain. ꞌËx kana Dios ꞌain, usa ꞌain ka bëtsi ꞌaíma ꞌikën; Dios kana ꞌëx ꞌain, usa ꞌain ka ꞌëbëtan sënën bëtsi dios ꞌaíma ꞌikën.

Joel 2:27

ꞌimainun kamina Israel unikama mitsun ꞌunánti ꞌain, ꞌëx mitsun Dios ꞌaish mitsubë ꞌain, ꞌëx kana mitsun Dios a ꞌain, usa ꞌain ka bëtsi ꞌësaribi ꞌaíma ꞌikën. ¡Usa ꞌain ka ꞌën unikama uínsaranbi rabinkë bërútima ꞌikën!

Juan 1:1

Nucën Papa Diosan ñu unioisama pain ꞌaínbi ca aín Bana ꞌiacëxa. Aín Bana ax ca Nucën Papa Diosbë ꞌiacëxa, ax ca Nucën Papa Diosbi ꞌiacëxa.

Deuteronomio 32:39

ꞌËx kana asérabi Dios ira a ꞌain; usa ꞌain ka ꞌësaribi bëtsi Dioskama ꞌaíma ꞌikën. ꞌËn kana kamabi uni aín tsóti ꞌunanin, ꞌimainun kana anua ñuti nëtë aribi ꞌunanin; ꞌën kana uni ꞌaisama okin ꞌatima oxunbi aín ꞌatimakë a mëníoxunin. Uinu ꞌikë uníxbi ka ꞌëx kushiira ꞌain ꞌën ꞌatima okaskëx ënuax abáti ꞌaíma ꞌikën.

Deuteronomio 4:35

Ax ka mitsun unánun usakin Nukën ꞌIbu Diosan ꞌa ꞌikën, ꞌimainun ka bëtsi Dios asérabi asaribi ꞌaíma ꞌikën.

Deuteronomio 4:39

Usa ꞌain kamina a banakama upíokin ꞌunánkin manukima sinánti ꞌain, naínu ꞌianan ka menuribi, asaribi bëtsi Dios ꞌaíma ꞌikën.