Isaías 45:4 - Kashibo-Kakataibo Biblia

⁴ Min ꞌunánkëxumabi kana upíokin mi ꞌën uni Israel Jacobnën rëbúnkikama, ꞌën kana mi kaisakën kaískin kana min anën mi kuëankën, usokin ꞌakë ka unikaman mi nuibatia ꞌën kana mi ꞌapu ꞌimian raíri ꞌapu kamasamaira ꞌinun.

Isaías 45:4 ပူးပေါင်းရင်းမြစ်များ

Salmos 105:6

mitsux kamina aín uni Abraham aín rëbúnkikama ꞌianan, Jacob an kaisa aín bakë bëchikëkama ꞌain, usa ꞌixun kamina ꞌëx kia kuati ꞌain.

Isaías 43:1

Bërí kanima Israel unikama Jacobnën rëbúnki min, an kamabi ñu unio Nukën ꞌIbu ax ka mitsu ësakin kai kia kuati ꞌain: “Kamina rakuë́kantima ꞌain, ꞌën kana mitsu ië́mian; ꞌën kana min anën mi kuëan, usa ꞌaish kamina mitsux ꞌën uni ꞌain.

Isaías 43:14

Israel unikaman ꞌIbu Dios ꞌupíira, an atu ië́mikë ax ka ësai kiaxa: mitsu ië́mikin ꞌakinuxun kana Babilonianu suntárukama xuti ꞌain, ꞌakian anun ëmanu atsínti ain xëkuëkama rurupanun xuti ꞌain, usokin atun ëma masókin ꞌaia isi ka caldeo unikamax masánuituti inkanti ꞌikën.

Isaías 44:1

Ësai ka Nukën ꞌIbu kiakëxa, bërí kamina ꞌën kakëxun Israel unikama Jacobnën rëbúnki mitsun kuati ꞌain, mitsux kamina ꞌën uni ꞌiti ꞌën kaískë ꞌain.

Isaías 44:28

ꞌËn kana Persianu ꞌikë ꞌapu Ciro a kan: min kamina bërúankësa ꞌixun, min kamina ꞌën kuëënkësokin kamabi ꞌati ꞌain; ꞌianan kana ꞌën Jerusalén kan: mix kamina amiribishi birutëkënkë ꞌiti ꞌain; ꞌimainun ka anuxun ꞌë rabiti xubu aribi ꞌatëkënkë ꞌiti ꞌikën: ꞌAkin ka aín tapúmixun an ñu mëëkë unikaman maxax purutëkënti ꞌikën.”

Mateo 24:22

Anúan paë tani nëtë́xa cëñúcëbëma ca usabi ꞌi camabi unix bamati ꞌicën. Usa ꞌaínbi ca Nucën Papa Diosan, ainan ꞌinun an caíscë unicama nuibaquin, atu cupí anúan unin paë tanquin tëmërati nëtëcama sënë́nmiti ꞌicën.

Marcos 13:20

Anúan paë tanquin tëmërati nëtë́xa cëñúcëbëma ca usabi ꞌi camabi uni bamati ꞌicën. Usa ꞌaínbi ca Nucën Papa Diosan, ainan ꞌinun an caíscë unicama nuibaquin, atu cupí anúan unin paë tanquin tëmërati nëtëcama sënë́nmiti ꞌicën.

Hechos 17:23

ꞌËx ënë ëmanu ꞌicë bain niquin cana anuxunmi mitsun dioscama rabicë ꞌitsa isan. Isanan cana anuxun mitsun dios rabiquinmi anu ñu nanti ñu achúshinumi ësaquin cuënëocë isan: “Ënëx ca anuxun nun ꞌunáncëma dios rabiti a ꞌicën”. ꞌUnánxunmabimi rabicancë dios a cana ꞌën mitsu ñuixunin.

Romanos 11:7

Usa ꞌain ca ësai ꞌiaxa: Judíos unibunëxa abë upí ꞌiisa taníbi ax quicësabi oi ꞌi Jesucristomi catamëcëma ꞌaish abë upíma ꞌaínbi ca raírinëxëshi Nucën Papa Diosan sinánmicëx Jesucristomi catamëcë ꞌaish abë upí ꞌia. Judíos unicama aín patsanëxa ami sinántisama tania oquin ca Nucën Papa Diosan atux cuëëncësa oía ꞌinun ëanxa.

Romanos 9:6

Israelnën rëbúnqui judíos unicama camáxira Nucën Papa Diosnanma ꞌaínbi cananuna sinántima ꞌain, Nucën Papa Diosan ca aín quicësabi oquin Israel unicama ainan ꞌimiama ꞌicë quixun. Israelnën rëbúnqui ꞌaíshbi ca axa Nucën Papa Diosmi sináncëmacamax asérabi Nucën Papa Diosnanma ꞌicën.

Efesios 2:12

Judíos unima ꞌaish camina Cristo ñui quicë bana cuacëma ꞌiacën. Judíos unicaman ꞌunan ꞌaínbi camina mitsun Nucën Papa Diosan bana ꞌunáncëma ꞌianan an Cristo ñuiquin Abraham cá bana a ꞌunáncëma ꞌiacën. Usa ꞌixun camina Nucën Papa Diosan ca nuibaquin uni ꞌaquianan ainan ꞌimiti ꞌicë quixun ꞌunáncëma ꞌaish mitsux cuëëncësa oíshi tsóti sináncën.

1 Tesalonicenses 4:5

Ca cuëënia, mitsúxmi an Nucën Papa Dios ꞌunáncëma unicamaxa ñunshini aín cuëëncësa oíshi xanubë ꞌicësaribiti ꞌitima,