Isaías 45:25 - Kashibo-Kakataibo Biblia

²⁵ Asábi ka ꞌën ꞌakë ñukama kupín ka kamabi Israel unikama ami nishkë unikama kanankin ꞌatankëx, ꞌën ꞌakë ñukama ñui anun rabikanti ꞌikën.”

Isaías 45:25 ပူးပေါင်းရင်းမြစ်များ

1 Reyes 8:32

a kamina naíkamë ꞌëo anumi ꞌikë anuxunbi istankëxun min uisakin kara ꞌati ꞌikë a mëníonun ꞌamiti ꞌain usokin kamina; min uni ꞌikëbi ꞌati ꞌain. Uin pain kara bëtsi ꞌaisama oxa a ꞌatimokin, ꞌaxa usai ꞌikë kupí an ꞌakë ñu istankëxun, ꞌanan kamina an bëtsi ꞌatima okëma uni ashi uisabi okima ënti ꞌain.

Salmos 22:23

Mitsun kamina a ꞌunánkë ꞌixun Dios, rabikanti ꞌain. ¡Jacobnën rëbúnki Israel unikaman mitsun kamina aín kushi ꞌunánkin Dios rabikanti ꞌain!

Isaías 28:5

A nëtë ꞌikëbë ka Nun ꞌIbu kamabi kushiñuira ax, achúshi mañuti ichúkësamaira ꞌianan, achúshi ñu ꞌupiokin ꞌakë usaribi axa tsókë aín unikama ainan ꞌiti ꞌikën,

Isaías 41:16

Usakin ꞌaxun tákaia ka suñun bëkikin nuánmiti ꞌikën; ñu bimia aín bimikama këñunbi anu ꞌibúkin suñúan kushiiran ñu ꞌakësaribi okin ꞌabisoti ꞌikën. Usa ꞌain kamina mitsun ꞌIbu ꞌain kuëënkanti ꞌain, usai ꞌikamina mitsux rabiakati Israel unikaman Dios upíira ax ka nubë ꞌikë kiax kikanti ꞌain.

Isaías 45:17

ꞌAínbi ka Nukën ꞌIbun Israel unikama a ië́miakëxa, ië́mikin xënibua ꞌaínbi ꞌitiokin ië́miakëxa. Usa ꞌaish ka uínsaranbi katë́ti ñuumara ꞌitima ꞌikën.

Isaías 45:19

ꞌËx kana unëax banananbi uinu kara me bëánkibukë ꞌikë anuaxbi banaima. ꞌËn kana Jacobnën rëbúnkikama kaiman: ꞌË kamina anu ñu ꞌikë anua barikanti ꞌain. ꞌËx mitsun ꞌIbu ꞌaish kana asérabi këmëima upiti banai ësai ka ñu ꞌiti ꞌikë kin.

Isaías 45:24

kiti ꞌikën: Nukën ꞌIbun ka ax kushiira ꞌixun kamabi axa ami nishkë unikama ꞌati ꞌikën. Usa ꞌain ka uikamax kara ꞌëmi nishi ꞌë istisama tania akamami uni kuaiti ꞌikën.

Isaías 50:8

ꞌË ꞌurama ka an ꞌë ꞌakinkin bërúankë ax ꞌikën: ¿Uix kara ꞌën isana usakin ñu ꞌa kiax ꞌëmi këmëi banati ꞌik? ¡Usa ꞌain ka uix kara ꞌëmi ꞌatimati banaia ax ka ëbëtan ꞌapunuxun bana mënioi kuanti ꞌikën! ¿Uin kara ꞌën isana ñu ꞌatima ꞌa kiax këmëishi ꞌëmi manánti sinanin? ¡Uin kara usakin sinania an ka ꞌutankëxun usakin kamina ñu ꞌa kixun ꞌë kati ꞌikën!

Isaías 53:11

Usai pain ꞌitsaira tëmëratankëxun ka asérabi kana Diosan kakësabiokin ꞌan kixun ꞌunani kuëënti ꞌikën; usa ꞌain ka Nukën ꞌIbun ka upí ꞌixun ꞌitsaira uni ië́miti ꞌikën, ꞌianan ka unikama ꞌatima ñu ꞌai ꞌuchakë kupín ainansa ꞌain, anun tëmërati ꞌikën.

Isaías 60:19

Usa ꞌain ka nëtë́n barin pë́kamainun, imë́ribi ꞌuxën pë́kakë ax kuëënkëma ꞌiti ꞌikën, ꞌëx mitsun ꞌIbu ꞌixun kana nëtë́tima okin mitsu pë́kati ꞌain, ꞌëx mitsun Dios ꞌixun kana ichu ichúkikësa ꞌitánun mitsu pë́kati ꞌain.

Isaías 60:21

Kamabi unikama mitsun ëmanu ꞌikë ax ka upí sinánñubu ꞌiti ꞌikën, usai tsótika atun menubi xënibuti tsóti ꞌikën, usai ꞌika ꞌënbi ꞌapákëxa ñu upiti kookë usaribi atux ꞌiti ꞌikën, ax ka ꞌën mëkënanbi usaka ꞌën kushi ꞌikë kixun ismikin ꞌën ꞌakë ꞌikën.

Isaías 61:9

Usa ꞌain ka aín rëbúnkikamax bëtsi bëtsi menu ꞌikë unikaman upíokin ꞌunánkë ꞌiti ꞌikën; usokin ꞌunánkë ka an iskë unikaman, atux ka Nukën ꞌIbunbia aín uni ꞌikë upíokin sinánxukin ꞌakinkë ꞌikë kixun ꞌunánkanti ꞌikën.

Isaías 65:23

Usa ꞌain ka ꞌën unikaman ñu mëëkë ax ñankabi ꞌakëma ꞌiti ꞌikën, ꞌianan ka atun bëchikëkamax anun bamati nëtë ꞌikëma ꞌaínbi bamatima ꞌikën, atux ka ꞌën kaískë unikaman rëbúnki ꞌikën. Atux ka Nukën ꞌIbu ꞌupiokin sinánxuan unikama aín bëchikëkama ꞌikën, usa ꞌaish ka aín rëbúnkikama atúxribi usaribi ꞌiti ꞌikën.

Hechos 13:39

Usaía judíos unicama ꞌitia Moisésnën cuënëo bana cuatíbi uni aín sinan upí ꞌiáma ꞌaínbi ca axa Jesucristomi catamëcë unicamax aín ꞌuchacama tërë́ncë ꞌaish Nucën Papa Diosan ꞌimicëx aín sinánribi upí ꞌicën.

Romanos 4:16

Usa ꞌain ca Nucën Papa Diosan Abraham ꞌimainun aín rëbúnquicamaxa atun ñu ꞌacë cupíma ami catamëtíshi asérabi ainan ꞌiti mëníocëxa. Judíos unibu, an atun cuati bana quicësabi oquin ꞌacë, a unicamaishima, uicamax cara Abraham ꞌicësaribiti Nucën Papa Diosmi catamëtia, a camabi ca Nucën Papa Diosan ainan ꞌinun ꞌimia. Usa uni ꞌaish cananuna nucamaxribi Abrahamnën rëbúnquisa ꞌain.

Romanos 5:1

Usai nux Nucën ꞌIbu Jesucristomi catamëcë ꞌicë, a cupí ca Nucën Papa Diosan nu upí isia. Usaquian iscëx cananuna abë upí ꞌain, Jesucristo cupí.

Romanos 8:1

Usa ꞌain ca uicamax cara Cristo Jesús abë ꞌicë, acama Nucën Papa Diosan ꞌuchoima. Usa unicamax ca Cristonanma uni ꞌicësai ax cuëëncësarishi ꞌima, Nucën Papa Diosan Bëru Ñunshin Upitan sinánmicësabi oi ꞌia.

Romanos 8:30

Uicamax cara usai ainan ꞌiti ꞌicë quixun ꞌunánquin ca Nucën Papa Diosan acama an sinánmicëxa ami catamëtia atun ꞌuchacama tërë́nquin ainan ꞌimiaxa. ꞌImiquin ca atux aín nëtënu abë ꞌiti ꞌimiaxa.

1 Corintios 1:31

Usa ꞌain ca Nucën Papa Diosan bana cuënëo quicësabi oquin, “Uinu ꞌicë unix cara rabítisa tania ax ca axbi rabiacatima —Nucën ꞌIbu Diosan ꞌimicëx cana asábi ꞌai —quixun sinánquin ashi rabiti ꞌicën”.

1 Corintios 6:11

Usa uni camina mitsu raírinëx ꞌiacën. ꞌIá ꞌaínbi ca mitsun ñu ꞌatima ꞌacëcama tërë́ncë ꞌain mitsun nuitu upí ꞌicën. Usa ꞌaish camina Nucën ꞌIbu Jesucristo cupí, Nucën Papa Diosan Bëru Ñunshin Upitan ꞌimicëx, an iscëx ainan ꞌain.

2 Corintios 10:17

Ui unin cara —ꞌën cana upí oquin ꞌai —quixun sinania, an ca —Nucën ꞌIbu Jesusan ꞌamicëxuinshi cana upí oquin ꞌai —quixun sinánti ꞌicën.

2 Corintios 5:21

Cristo axa añu ꞌuchañumabi ꞌicëbi ca nun ꞌuchacama tërë́ncë ꞌinúan, nun ꞌucha bitsi ꞌuchañuirasa ꞌinun Nucën Papa Diosan ꞌimiacëxa, nux an iscëx ꞌuchañuma ꞌinun. Nuxnu abë ꞌimainuan Cristo axribi nubë ꞌicëbëtanu ax cuëëncësabi oquin ꞌanun ca Nucën Papa Diosan nun ꞌuchacama a ꞌináncëxa.

Gálatas 6:14

Usa ꞌaínbi cana ꞌëxbi rabiacaquinma, i curúsocënua ax bama ꞌaían a cupí uni ië́ti, Nucën ꞌIbu Jesucristo, ashi rabin. Cristo i curúsocënu bama cupí cana a ꞌën ꞌatia Nucën Papa Dios cuëëncëma ñucama ëni, usa ñu ꞌatëcënti cuëëniman. ꞌImainun ca unin a ꞌatia Nucën Papa Dios cuëëncëma ñu ꞌë ꞌamitima ꞌicën.

Filipenses 3:3

Atúxa judíos uni ꞌicë ꞌunántiocë ꞌaínbi cananuna nux asérabi Nucën Papa Diosan uni ꞌain, aín Bëru Ñunshin Upitan ꞌimicëx. Usa ꞌixun cananuna a rabianan Cristo Jesúsmi catamëcë ꞌixun cuëënquin ꞌunanin, nux ꞌunántioracacë cupíma Cristo Jesúsmi catamëcë cupíshi cananuna Nucën Papa Diosan uni ꞌai quixun.