Isaías 45:24 - Kashibo-Kakataibo Biblia

²⁴ kiti ꞌikën: Nukën ꞌIbun ka ax kushiira ꞌixun kamabi axa ami nishkë unikama ꞌati ꞌikën. Usa ꞌain ka uikamax kara ꞌëmi nishi ꞌë istisama tania akamami uni kuaiti ꞌikën.

Isaías 45:24 ပူးပေါင်းရင်းမြစ်များ

Génesis 49:10

Uínbi ka aín kushi Judá bikuantima ꞌikën, ꞌimainun ka aín manë tsati ꞌapun tuinkë ꞌikëa tuinkë a bikuantima ꞌikën, a manë tsatin ꞌibuka unuxun ꞌaia usa ꞌain ka kamabi menu ꞌikë unikaman ax kikësabiokin ꞌanuxun ꞌaia.

Salmos 110:2

Nukën ꞌIbun ka Jerusalénnuxunbi, axa mimi nishkë unikama. ¡Mix ꞌapu ꞌixun min ira ꞌanun mi ꞌamiaxa!

Salmos 72:9

¡Axa ami nishkë unikama, anu uni ꞌikëma menua ꞌikë, akamax ka an ñu ꞌaia kuati ami rakuë́ti ꞌikën!

Salmos 89:17

Asérabi kamina mix an nu kushiokë a ꞌain ꞌianan kamina nu upí ꞌimin; usakin ꞌimikëx nux kushiira ꞌikë ax ka mix kuëënxun usakin nu ꞌimikë ꞌikën.

Isaías 41:11

Usa ꞌain ka kamabi axa mitsumi nishkë unikamax rabinkëbu ꞌianan ñuumarasabu ꞌiti ꞌikën; ꞌianan ka axa mitsubë ꞌakanankatsi kikë unikama achúshirabi nitánuma maërakatanun këñúkë ꞌiti ꞌikën.

Isaías 44:8

¡Usa ꞌaínbi kamina chuáma tani rakuë́tima ꞌain! ꞌËn kana usakin kan, bërámabi kana usai ka ꞌiti ꞌikë kixun kakën, usa ꞌain kamina mitsúnbi ꞌën usakin ñu ꞌakëmi ꞌunánkankë a ñuiti ꞌain. ¿Anu kara bëtsi dios ëbë sënën ꞌiti ꞌik? A mi katamëti bëtsi uni ka ꞌaíma ꞌikën; ꞌën kana achúshirabi ꞌunanima.”

Isaías 45:25

Asábi ka ꞌën ꞌakë ñukama kupín ka kamabi Israel unikama ami nishkë unikama kanankin ꞌatankëx, ꞌën ꞌakë ñukama ñui anun rabikanti ꞌikën.”

Isaías 54:17

ꞌaínbi ka uínbi anun ꞌakanankin ñu anun masókin ꞌati uniokëma ꞌikën. Mitsun kamina an usa ka atux ꞌikë kixun mitsu ꞌuchokëkama a uisa bananbi bananun kimitima ꞌain. Ësokin kana axa ꞌëmi katamëkë unikama ꞌamiti ꞌain: usokin ꞌakin ka atun ñusmoti ꞌikën.” Ësai ka Nukën ꞌIbu asérabi kiakëxa.

Isaías 55:5

Min kamina ëma ꞌunánkëma kamanua; ꞌikë an mi ꞌunánma ëmakamanua bënëkuatsinia ukanun kuëënti ꞌain, usokëx ka atux abákuatsini minu ꞌuti ꞌikën, ꞌëx min ꞌIbu ꞌianan Israel unikaman Dios upíira ꞌixun kana ꞌën mi uisakinbi katima ꞌimian.

Isaías 60:21

Kamabi unikama mitsun ëmanu ꞌikë ax ka upí sinánñubu ꞌiti ꞌikën, usai tsótika atun menubi xënibuti tsóti ꞌikën, usai ꞌika ꞌënbi ꞌapákëxa ñu upiti kookë usaribi atux ꞌiti ꞌikën, ax ka ꞌën mëkënanbi usaka ꞌën kushi ꞌikë kixun ismikin ꞌën ꞌakë ꞌikën.

Isaías 60:9

Tarsisnu ꞌikë manë nunti kama ax ka atu rëkuëonbiani manë nunti kama raíri abë biranan kuatsini kuankin, Jerusalénnu ikë unikama bëi ukin, mitsun bëchikëkama ꞌurakëo bëanan, kuri manë uxua akama bëti aka ax ꞌikën, a ñukamax ka min ꞌIbu Israel kaman Dios upíira a bëxunkë ꞌiti ꞌikën, an ka kushiira ꞌixun mitsu ꞌakiankëxa.

Isaías 61:10

¡Uisai karana ꞌëx Nukën ꞌIbumi chuámarua tani kuëënti ꞌain! Diosan ka kuëëira kuëënun ꞌë ꞌimiaxa, usa ꞌixun ka, ¡kamabi ñu kanankin ꞌanun ꞌë ꞌamiaxa! Usa ꞌain kana an xanu biti unían mëníokakin mañuti mañukësa ꞌianan, achúshi xanun birakanuxun mëníokin ain ñu ꞌupíikama pañukë usaribi ꞌain.

Isaías 61:11

Me tukabëtsianx chikiti koia naë chukúmanu ꞌapákëx ñu ꞌikësa, usaribi okin ka Nukën ꞌIbun an ꞌakë ñukama ismikin ꞌën, kamabi menu ꞌikë unikaman kantakin a rabinun ꞌimiti ꞌikën.

Habacuc 3:19

Diosan ka ꞌë kushioia, usakin ꞌakin ka ꞌën kisikama kushi ꞌimikin, chaxu abákësa ꞌinun abati, uinubi kara kuani aín bashinu kuani ië́nun ꞌë ꞌimiti ꞌikën.

Lucas 13:17

Usaquian cacëx ca axa Jesúsmi nishcë unicamax rabíancëxa. Rabínmainun ca uni raíricamax Jesusan aín cushínbi ñu ꞌacëcama isi cuëëancëxa.

Lucas 19:27

Axa ꞌëmi nishi ꞌëx ꞌapu ꞌiti cuëëncëma unicama a camina ënu bëxun ꞌën ismainunbi ꞌati ꞌain.

Juan 12:32

ꞌËx unin i curúsocënu matáscë ꞌitancëxun cana camabi menu ꞌicë uni ꞌëmia sinánun ꞌimiti ꞌain.

Juan 7:37

Anúan judíos unicama Nucën Papa Dios rabinux Jerusalénu timë́cë nëtëcama sënë́nuxa pëcaracë nëtë ax ca a nëtëcamasamaira ꞌiacëxa. A nëtën ca nirui munuma banaquin Jesusan ësaquin unicama cacëxa: —Ui unix cara uníxa shiman bamai ꞌunpax ꞌaisa tani bënë́cësaribi oi ꞌënan ꞌiisa tani bënëtia a unix ca ꞌë cai ꞌëmi catamëti ꞌicën.

1 Corintios 1:30

Nucën Papa Diosan ꞌimicëx camina ami catamëti Cristo Jesúsbë ꞌianan an sinánmicë ꞌain. Usa ꞌaish camina Cristo Jesús cupía, ax cuëëncësabi oquinshimi ꞌanun Nucën Papa Diosan ië́micë ꞌain.

2 Corintios 5:21

Cristo axa añu ꞌuchañumabi ꞌicëbi ca nun ꞌuchacama tërë́ncë ꞌinúan, nun ꞌucha bitsi ꞌuchañuirasa ꞌinun Nucën Papa Diosan ꞌimiacëxa, nux an iscëx ꞌuchañuma ꞌinun. Nuxnu abë ꞌimainuan Cristo axribi nubë ꞌicëbëtanu ax cuëëncësabi oquin ꞌanun ca Nucën Papa Diosan nun ꞌuchacama a ꞌináncëxa.

Efesios 3:16

Ax upíira ꞌaish cushiira ꞌixúan aín Bëru Ñunshin Upitan mitsun nuitu mëu sinánmiquin, ax cuëëncësabi oquinmi ꞌanun mitsu cushionun, cana a mitsu ñucáxunin.

Efesios 6:10

ꞌËn xucë́antu, ënë banaribi cana mitsu ñuixunin. Ax mibë ꞌixúan mi sinánmicësabi oquin ꞌai camina Nucën ꞌIbu Jesucristomi asérabi catamëti ꞌain. Usaími ꞌia ca aín cushínbi mitsu cushioti ꞌicën.

Filipenses 4:13

Usa ꞌixun cana uisa ñu cara ꞌicëbëtanbi tënëquin Cristo cuëëncësabi oquin ꞌati ꞌain, usai ꞌinun an cushiocë ꞌixun.

Colosenses 1:11

ꞌAnan cananuna ax cushiira ꞌixúan, uisa ñu cara ꞌicëbëbi bënëtima cuëënquin tanshinuan mitsu ꞌaquinun quixun a mitsu ñucáxunin.

2 Pedro 1:1

ꞌËx cana Simón Pedro, ax cuëëncësabi oquin ꞌanan aín bana uni ñuixunuan Jesucristonën caísa ꞌain. An nu ië́micë Jesucristo, axbi Nucën Papa Diosribi ꞌaish upí ꞌixuan nu ꞌacësaribi oquin ainan ꞌinun ië́micë, mitsu cana ënë quirica buánmin.

Apocalipsis 11:18

Axa mimi sináncëma unicamax ca mimi xuamati nishaxa. Nishcë ꞌaínbi ca anun min uisoquin caramina atu ꞌati ꞌai, usoquin ꞌati nëtë uaxa. Anun min camabi uni bama ꞌaíshbia baísquicë isti nëtë ca uaxa. An mix quicë bana uni ñuixuncë unicama, ꞌimainun axa min aín ꞌuchacama tërë́nun mimi catamëcë ꞌixun min bana cuacë unicama, aín cushi unicama ꞌimainun cushima unicamaribi, camabi isquinmi anun mibëa ꞌinun biti nëtë ca uaxa. ꞌImainun ca anúan ꞌuchañu unicama anua atun ñu ꞌatima ꞌacë cupí camabi ꞌuchañu uni ꞌiti anu cuanti nëtëribi uaxa.

Apocalipsis 22:17

Usoquin caia ca Carnero ꞌicësaribitia unin ꞌucha cupí bama, Cristo, amia ax catamëcë unicamabëtan Nucën Papa Diosan Bëru Ñunshin Upitan —bënëtishi ca ut —quixun a caia. An atun bana cuacë unicamanribi ca —bënëtishi ca utëcën —quixun a cati ꞌicën. Shimaia uni ꞌunpax ꞌacatsi bënë́cësa usaribitia ax Jesuscristonan ꞌicatsi bënë́cë uni, an ca ami catamëquin Jesucristo —ëx cana minan ꞌiisa tani —quixun cati ꞌicën. Usaía ꞌia ca Cristonën ainan ꞌimianan xënibua ꞌaínbi abë ꞌinun ꞌimiti ꞌicën, cupímashi.