Isaías 45:20 - Kashibo-Kakataibo Biblia

²⁰ “Kamabi unikama axa bëtsi menu buánkëx tëxëkë, mitsux kamina rikuatsini ꞌurama timë́ti ukanti ꞌain. Mitsun kamina ñu ꞌunánma ꞌixun unínbia, a rabinuxun ꞌakë i a ꞌiabiankin buani kuankanin, an mitsu ꞌakinumabi kamina dioskama ñukákanin, ñukákëxunbi ka a dioskaman mitsu ië́mitima ꞌikën.

Isaías 45:20 ပူးပေါင်းရင်းမြစ်များ

Salmos 115:8

Usaribi ka an a ñukama uniokëma a ꞌimainun an a ñukama rabikë unikama ax ꞌikën.

Isaías 41:21

ꞌApuira Jacobnën rëbúnkikaman ꞌIbu ax ka ësai kiaxa: “A rabinuxun unin bëtsi ñukama tankin uniokë akamax ka uisakin kara ñu ꞌaia kixun ꞌë ñuixuni ukanti ꞌikën.

Isaías 43:9

Kamabi ëmanu ꞌikë unikama kamina timëti ꞌain, ꞌiminun ka bëtsi menu ꞌikë unikamaribi timë́ti ꞌikën. ¿Uinu ꞌikë a unikamanu ꞌikë unix kara usai ka ꞌinuxun ꞌaia kianan, usai ka ñu inúakëxa kiax kiti ꞌik? Anu kara achúshi uni axa usai ka ꞌiakëxa, kixun kuatankëx asérabi ka usai ñukama inúakëxa kiti ꞌaíma ꞌiti ꞌikën. Ax ka usai ka ꞌiakëxa kiax kiti ꞌikën, ki ka asérabi ka usai ñu kiakëxa kiax kiti ꞌikën.”

Isaías 44:10

Uin kara ñu charoxun achúshi ñu ax dioskama ꞌikëmabi uni oia ax ka aín nëtë ñankaíshibi ꞌinúmia.

Isaías 44:9

Uin kara a rabiti ñu unio a unix ka añubima ꞌikën, ꞌianan ka unínbia uniokë ñukama ax isa upí ꞌikë kixun a ñukama upíokin bërúaia. Usa ꞌain ka an rabikë unikama ax bëxuñusa ꞌaish, añu kara ꞌaia kixun ꞌunanima rabinkë ꞌiti ꞌikën.

Isaías 46:1

Bel kakë dios ax kapumëmainun ka Nebo kakë axribi Babilonianuax menu pakëtia. Usa ꞌikë ka unínbia a rabinuxun ꞌakë ñukama a an ñu papikë ñuinakaman aín kaxunu nankë ꞌikë buania, usa ꞌaish ka ꞌiëira ñu ꞌikën axa atsankë ñuina kamanan.

Efesios 2:12

Judíos unima ꞌaish camina Cristo ñui quicë bana cuacëma ꞌiacën. Judíos unicaman ꞌunan ꞌaínbi camina mitsun Nucën Papa Diosan bana ꞌunáncëma ꞌianan an Cristo ñuiquin Abraham cá bana a ꞌunáncëma ꞌiacën. Usa ꞌixun camina Nucën Papa Diosan ca nuibaquin uni ꞌaquianan ainan ꞌimiti ꞌicë quixun ꞌunáncëma ꞌaish mitsux cuëëncësa oíshi tsóti sináncën.

Efesios 2:16

Ax camabi unin ꞌucha tërë́ncë ꞌiti cupí i curúsocënuax bamax baísquiquin ca Cristonën judíos unicama Nucën Papa Diosnan ꞌinun mëníocëxa. Usoquian ꞌacë cupí ca axa ami catamëcëcamax Nucën Papa Diosnan ꞌaish, judíosma unibë judíos uni nishánantëcëntima ꞌicën.