Isaías 45:14 - Kashibo-Kakataibo Biblia

¹⁴ Ësakin ka Diosan Israel unikama kaxa: “Egipto menua ꞌikë naënu ꞌikë unikama, ꞌimainun an ñu marukë Etiopíanu ꞌikë unikama, ꞌianan Sabánu ꞌikë unikama, atux ka nënkëirabu ꞌikën akamina, mitsunu ꞌinamëtia ñu mëëmiti ꞌain; usokëx ka manë risin tëkërëkakë ꞌaish mitsu kaxú, kuani mitsu bëtanain rantinpurunkin mitsu kati ꞌikën: Asérabi ka Diosan mitsu ꞌakinia, usa ꞌain ka bëtsi dios ꞌaíma ꞌikën.”

Isaías 45:14 ပူးပေါင်းရင်းမြစ်များ

Génesis 27:29

Usa ꞌikë ka ꞌaisamaira unin mi ñu mëëxunti ꞌikën; bëtsi menu ꞌikë unikamaxribi ka mi bëtánain rantinpuruni ꞌiti ꞌikën. Mix kamina min xukë́nkaman ꞌapu ꞌiti ꞌain; ¡Usa ꞌain ka atux mi bëmánon rantipuruni ꞌiti ꞌikën! Uin kara mi ꞌaisama oia ax ka ꞌatima okëribi ꞌiti ꞌikën, ꞌimainun ka uin kara mi upíokin sinánxunkin ꞌakinia axribi upiti bukui upíokin sinánxunkë ꞌiti ꞌikën.”

Job 1:15

usai ꞌiabakëbëbi ka nun usakin sinánkë ꞌaímabi sabeo unikama rikuatsinkin vaca mëkamanan unikamaribi manë sani kuënukë anun ꞌaxun rëtëaxa. Usokin ꞌakëbë kana ꞌëxëshi mi kai unux abán.

Éxodo 11:8

Usai ꞌikëbë ka an mi ñu ꞌaxunkë min unikama ënu uti ꞌikën, usa aín ka rantinpuruni tsóbukin aín ꞌapu ꞌakësokin ꞌë ñukákanti ꞌikën: Ënuax kuankin, kamina min unikama buánti ꞌain. ꞌUsakin ꞌë ꞌakëma ꞌaish kana kuantima pan ꞌain. Usakin katankëx ka Moisés faraónën xubunuax nishkë ꞌaish chikíakëxa.

Isaías 43:3

ꞌËx kana min ꞌIbu, an mi ië́miti a ꞌain, ꞌëx kana Israel kaman Dios ꞌupíira a ꞌain. ꞌËn kana mitsu ꞌënan ꞌinun biakën; ꞌën kana Egipto, Etopía ꞌimainun Sabá mitsumi nishkë uni aín kushinua chikínun ꞌën mi kupíoxuan.

Isaías 44:8

¡Usa ꞌaínbi kamina chuáma tani rakuë́tima ꞌain! ꞌËn kana usakin kan, bërámabi kana usai ka ꞌiti ꞌikë kixun kakën, usa ꞌain kamina mitsúnbi ꞌën usakin ñu ꞌakëmi ꞌunánkankë a ñuiti ꞌain. ¿Anu kara bëtsi dios ëbë sënën ꞌiti ꞌik? A mi katamëti bëtsi uni ka ꞌaíma ꞌikën; ꞌën kana achúshirabi ꞌunanima.”

Isaías 45:24

kiti ꞌikën: Nukën ꞌIbun ka ax kushiira ꞌixun kamabi axa ami nishkë unikama ꞌati ꞌikën. Usa ꞌain ka uikamax kara ꞌëmi nishi ꞌë istisama tania akamami uni kuaiti ꞌikën.

Isaías 49:23

ꞌApukaman ka kanioti atu biti ꞌikën, ꞌimainun ꞌapun xubunu ꞌikë xanu upíbu akamaxribi ka an tuá xukama bërúankë ꞌiti ꞌikën. Usakin ꞌai ka mitsu bëtánain ñanati ꞌikë ax mitsun kakësabi oi kananuna ꞌiti ꞌai kixun sinania ꞌikë ꞌiti ꞌikën. Usai ꞌikin ka ꞌëx kana Nukën ꞌIbu ꞌai kixun ꞌunánan, uix kara ꞌëmi katamëtia ax ka uínbi paránkëma ꞌiti ꞌikë kiax kiakëxa.”

Isaías 54:3

min rëbúnkikamax ka mëkeu kuanan, mëmiu kuani me tsitsirui ꞌuakamë ꞌëoti ꞌikën; usai ꞌikin ka min rëbúnki kaman mekama anu ëma ꞌikëbia ënkan, anu uni ꞌikëma ëmakama anu kuantëkënti ꞌikën.

Isaías 55:5

Min kamina ëma ꞌunánkëma kamanua; ꞌikë an mi ꞌunánma ëmakamanua bënëkuatsinia ukanun kuëënti ꞌain, usokëx ka atux abákuatsini minu ꞌuti ꞌikën, ꞌëx min ꞌIbu ꞌianan Israel unikaman Dios upíira ꞌixun kana ꞌën mi uisakinbi katima ꞌimian.

Isaías 60:3

Usai ꞌikëbë ka bëtsi bëtsi ëmanu ꞌikë unikama Dios kuëënkësabi oí tsóti tirínu ꞌikësa ꞌiti ꞌikën, ꞌimainun ka bëtsi bëtsi ëmanu ꞌikë ꞌapukama atúxribi ichu ichukikë an pë́kakësanu ꞌiti ꞌikën.

Isaías 61:9

Usa ꞌain ka aín rëbúnkikamax bëtsi bëtsi menu ꞌikë unikaman upíokin ꞌunánkë ꞌiti ꞌikën; usokin ꞌunánkë ka an iskë unikaman, atux ka Nukën ꞌIbunbia aín uni ꞌikë upíokin sinánxukin ꞌakinkë ꞌikë kixun ꞌunánkanti ꞌikën.

Joel 3:8

Usakin ꞌanan kana atun bakë bëchikë bëbu ꞌimainun ini bëchikë xanukama Judíos unikama marunun ꞌamiti ꞌain, ꞌamikëxun ka atun ꞌuraira menu tsókë sabeo unikama a marutëkënti ꞌikën. ꞌËx Dios ꞌaish kana ësai kin.”

Números 13:32

Kianan ka Israel unibu raírinëx a me ꞌatimakin ñui ësairibi kiakëxa: —Nun anu kuanxun isbëtsinkë me ax ka ꞌaisama ꞌikën. Kanan ka anu kuanxunu isbëtsinkë me anuax ka atúxbi ꞌakanani uni bamaia, ꞌimainun ka anu tsókë unikama nu tupumabu nun titikaisamabu ꞌikë kananuna isbëtsian.

1 Corintios 14:25

—ꞌËn unë́xun ꞌacë ñuribi ca Nucën Papa Diosan isaxa —quixun sinánquin ca a ñucama chiquinaquin Nucën Papa Dios rabiti ꞌicën. Rabianan ca —asérabi ca Nucën Papa Dios mitsubë ꞌicë —quiti ꞌicën.

1 Tesalonicenses 1:9

Usa ꞌixun ca nun cacëxunmabi mitsúnmi nu upí oquin bicë a ñuia. Ñuianan ca mitsux ismina unínbia ꞌacë ñuishi rabia ꞌixunbi a ënquin, axëshia Dios ꞌaish bamatimoi tsócë Nucën Papa Dios, ashi rabianan ax quicësabi oi ꞌi quixun ñuia.

Apocalipsis 3:9

Usa ꞌain cana ñunshin ꞌatimanën ꞌapun sinánmicë unicama axa, ꞌëx cana asérabi judío uni ꞌai quibi cëmëi ꞌëmi sináncëma unicama a mitsun bana cuatia mitsumi sinánun ꞌimiti ꞌain. ꞌImicëxun ca ꞌunánti ꞌicën, ꞌën cana asérabi mitsu nuibati quixun.