Isaías 44:9 - Kashibo-Kakataibo Biblia

⁹ Uin kara a rabiti ñu unio a unix ka añubima ꞌikën, ꞌianan ka unínbia uniokë ñukama ax isa upí ꞌikë kixun a ñukama upíokin bërúaia. Usa ꞌain ka an rabikë unikama ax bëxuñusa ꞌaish, añu kara ꞌaia kixun ꞌunanima rabinkë ꞌiti ꞌikën.

Isaías 44:9 ပူးပေါင်းရင်းမြစ်များ

2 Reyes 19:18

ꞌanan ka atún dioskamaribi xarátanu nënkin ꞌaisama oxa, akamax ka asérabi Diosma ꞌiaxa, usa ꞌaish ka i ꞌakë ꞌianan maxábia unin ꞌakë ꞌiaxa. Usa ꞌikë ka Asiriokaman masókin këñúaxa.

Salmos 115:4

An Diosan bana kuakëma unikaman rabikë ñukama ax ka kuri ꞌimainun manë uxua usakin ꞌati sinánxua, unínbi aín mëkënan uniokë ꞌikën:

Salmos 115:8

Usaribi ka an a ñukama uniokëma a ꞌimainun an a ñukama rabikë unikama ax ꞌikën.

Isaías 41:24

¡ꞌAínbi kamina mitsux añu ñubima ꞌain ꞌimainun kamina añu ñubi ꞌaisama ꞌain! An mitsu kaískë unikama ax ka upíokin iskëma ꞌiti ꞌikën.

Isaías 41:29

¡Akama achúshinëxbi ka añumabi ꞌikën! Usa ꞌixun ka añu ñubi ꞌaima; usa ꞌain ka unin a rabinuxun uniokë ñu usaribi ꞌaish ñankáishi ꞌikën.

Isaías 42:17

Uikamax kara unínbia a rabinuxun ꞌakë achúshi ñu ami katamëtia, ꞌianan ka an unioxun ñukama an ësokin kakë: mitsux kamina nun dioskama ꞌain kixun, kakë akamax ka ꞌaisamaira katë́ti ꞌuri kikë ꞌiti ꞌikën.

Isaías 42:18

“Ësakin ka Diosan Israel unikama kakëxa, mitsux kamina bana kuakëma pabëira unibusa ꞌain, usa ꞌain kamina kuakanti ꞌain; ꞌianan kamina bëxuñusakama mitsunribi uisa kara ñu ꞌikë kixun upíokin pain iskanti ꞌain.

Isaías 43:8

ꞌËn kana ꞌën unikama bëtëkënti ꞌain, atux ka bëruñu ꞌikë ꞌaínbi ka bëxuñusa ꞌikën, ꞌianan ka kuatia, ꞌaínbi ka pabësa ꞌixun bana kuakëmasa oia.

Isaías 43:9

Kamabi ëmanu ꞌikë unikama kamina timëti ꞌain, ꞌiminun ka bëtsi menu ꞌikë unikamaribi timë́ti ꞌikën. ¿Uinu ꞌikë a unikamanu ꞌikë unix kara usai ka ꞌinuxun ꞌaia kianan, usai ka ñu inúakëxa kiax kiti ꞌik? Anu kara achúshi uni axa usai ka ꞌiakëxa, kixun kuatankëx asérabi ka usai ñukama inúakëxa kiti ꞌaíma ꞌiti ꞌikën. Ax ka usai ka ꞌiakëxa kiax kiti ꞌikën, ki ka asérabi ka usai ñu kiakëxa kiax kiti ꞌikën.”

Isaías 44:11

Usa ꞌain ka an rabikë unikamax rabinkë bërúti ꞌikën. An ñukama uniokë ax ka unishi ꞌikën. Usa ꞌain ka akamaxbi anúan ñu ꞌatima ꞌakë isti nëtë anu ꞌiti ꞌikën, usai ꞌika atux rabini ꞌitsaira rakuë́tan bamati ꞌikën.

Isaías 44:18

A unin ka añu ñubi ꞌunanima ꞌianan kuatima; usa ꞌaish ka bëruñu ꞌaishi bëxuñusa ꞌixun iskamakësa ꞌikën, ꞌimainun ka aín sinánkë a sinánkamakësa ꞌixun asérabi ka ax ꞌikë kikë bana a sinánkin kuatima.

Isaías 44:20

Asérabi ka ax chimapu pikësashi ꞌikën. Ax ka unin nu këmëkin sinánxun paránkëshi ꞌikën. A unikamax ka ië́tima ꞌikën. Usa ꞌixun ꞌën ꞌakë ñukama ënëx ka këmëkinshi ꞌakë ꞌikë kixun ꞌunanima.

Isaías 45:16

Kamabi an uniotankëxun bëtsi ñukama rabikë unikama ax atumia unikama kuaikëbë katë́ti rabinkë anunbi ñuumara ꞌiti ꞌikën.

Isaías 45:20

“Kamabi unikama axa bëtsi menu buánkëx tëxëkë, mitsux kamina rikuatsini ꞌurama timë́ti ukanti ꞌain. Mitsun kamina ñu ꞌunánma ꞌixun unínbia, a rabinuxun ꞌakë i a ꞌiabiankin buani kuankanin, an mitsu ꞌakinumabi kamina dioskama ñukákanin, ñukákëxunbi ka a dioskaman mitsu ië́mitima ꞌikën.

Jeremías 14:22

¿Anu kara ꞌiti ꞌikë unínbia a rabinuxun ꞌakë dios an ꞌuí ꞌibúmiti ꞌiti ꞌit? ¿ꞌIanan kara naíkamë ꞌëo abi ꞌuí kushiira ꞌibúnun ꞌimiti ꞌik? ¡Usama ka, Nukën ꞌIbu Dios! Mix kamina an ꞌuí ꞌibúnun ꞌimikë a ꞌain. Mix kamina an kamabi ënë ñukama usaía ꞌinun ꞌimikë a ꞌain; ¡usa ꞌain kananuna mimishi katamëti ꞌain!

Jeremías 2:11

usa ꞌain ka an Diosan bana kuakëma unikaman kara a rabitia ꞌakë ñukama ëanxa kixun ñuikania uínsarabi kuakëma ꞌikën. ¡A ñukamax ka këmëkinshia ꞌakë ñu ꞌikën! ꞌaínbi ka ꞌën kaisa unikaman, kushiira ꞌikëbi ꞌë rabiti ënxun bëtsi ñukama rabia.

Jeremías 2:26

An ñu mëkamakë uníxa ñu mëkamatia mërakëx rabinkësa, usaribiti ka Israel unikamax rabinkë ꞌiti ꞌikën, usai ꞌika Israel unikama atun ëmanu bukukëkama ꞌimainun, atun ꞌapukama kushibu ꞌimainun sacerdote unikama an Dios kikë bana ñuikë akamabëbi katë́kë bërúti ꞌikën;

Daniel 5:23

Usa ꞌain kamina mix ꞌapu ꞌaish Nukën ꞌIbu Dios naínu ꞌikë ami kuaikin mesanuxun ami xëakë xampakama anuxun Dios rabiti xubunua ꞌia akama bëan, bëxun kamina min kamikë unikamabëtan ami uvas baka paëokin vino ꞌakë xëakin min dioskama kuri, manë uxua, manë panshian, manë tunan, i ꞌakë ꞌimainun maxá ꞌakë mitsun dioskama rabikin ami xëan; akaman ka isima ꞌimainun kuatima ꞌianan ka añu ñubi ꞌunanima. Usa ꞌaínbi kamina Dios an mix ꞌapu ꞌikë bërúankin tsónun ꞌimikë a rabikëma ꞌain, an ka an kuëënkësa okin mi kamabi ñu min ꞌakë a ꞌanun mi ꞌamiaxa.

Romanos 1:22

—ꞌËx cana sinánñu ꞌai —quicë ꞌaíshbi ca sinánñumasa ꞌicën.

1 Corintios 8:4

Unínbi ꞌacë ñu rabiquin ñuina rëcë aín nami piti cara asábi ꞌicë quixunmi ꞌë ñucácë bana a ñuiquin cana ësaquin mitsu cain. Cananuna ꞌunan, unin ꞌacë ñu ax ca ñuishi uniocë ꞌaish asérabi diosma ꞌicën. Nucën Papa Dios ax ca achúshi ꞌicën, bëtsi dios ca ꞌaíma ꞌicën.

2 Corintios 4:4

Usaquin sináncë unicaman ca ñunshin ꞌatimanën ꞌapúan sinánmicëxun, uisairai cara aín ꞌucha tërë́ncë ꞌaish Nucën Papa Diossaribi, Cristo, ainan ꞌiti ꞌicë quixun ꞌunanima.

Efesios 4:18

Usa ꞌaish ca bëánquibucë ꞌain mancasmatia uni bënë́cësaribi oi ꞌia. Cristo ñui quicë bana cuaisama tancë ꞌixun ca ainan ꞌiti ꞌunáncëma ꞌaish Nucën Papa Diosnan ꞌitsianxbi ainanma ꞌicën.

Efesios 5:8

Bëráma Nucën Papa Diosan bana ꞌunáncëma ꞌaish unían bëánquibucënuxun ñu ꞌatima ꞌacësa ꞌiá ꞌixúnbi camina bërí Nucën ꞌIbu Jesucristonan ꞌixun ax cuëëncësabi oquin ñu upíshi ꞌain. Usa ꞌaish camina bërí xabánu nicësa ꞌiti ꞌain.

Deuteronomio 4:28

Usai anuax abístankëxun kamina unínbia ꞌakë i ꞌimainun maxax ꞌakë a rabinuxun ꞌain, a ñukaman ka isanan, kuanan pianan kaima ꞌianan ka uínima.