Isaías 43:9 - Kashibo-Kakataibo Biblia

⁹ Kamabi ëmanu ꞌikë unikama kamina timëti ꞌain, ꞌiminun ka bëtsi menu ꞌikë unikamaribi timë́ti ꞌikën. ¿Uinu ꞌikë a unikamanu ꞌikë unix kara usai ka ꞌinuxun ꞌaia kianan, usai ka ñu inúakëxa kiax kiti ꞌik? Anu kara achúshi uni axa usai ka ꞌiakëxa, kixun kuatankëx asérabi ka usai ñukama inúakëxa kiti ꞌaíma ꞌiti ꞌikën. Ax ka usai ka ꞌiakëxa kiax kiti ꞌikën, ki ka asérabi ka usai ñu kiakëxa kiax kiti ꞌikën.”

Isaías 43:9 ပူးပေါင်းရင်းမြစ်များ

Isaías 41:1

“Ësai ka Dios kiakëxa, axa parúmpapa nëbëtsi ꞌikë nasínu bukukë unikama an ka nëtë́xun ꞌëx kia kuati ꞌikën. Bëtsi bëtsi menu tsókë unikamax ka kushi mëníokati ꞌikën. Uisai kaina mitsux tsóti anu banakin mëníonun kamina timë́kanti ꞌain; bërí kananuna timë́xun uisakin karanuna mëníoti ꞌai kixun isti ꞌain.

Isaías 43:26

Ñu ꞌatima ꞌai ꞌëmi banai ꞌuchakë ꞌixun kamina ꞌëbë banakin añu kaina a ꞌën mëníonun ꞌë kati ꞌain. Kakëxun kana mitsux kaina asérabi ñu ꞌatima ꞌakëma upí uni ꞌai kixun isti ꞌain.

Isaías 44:6

Ësai ka Nukën ꞌIbu, Israel unikama ꞌapu an atu biti, kamabi kushiñu ax kiaxa: “ꞌËx irapain kana ñu ꞌaíma ꞌain ꞌiakën, usa ꞌaish kana kamabi ñu këñúkëbëbi anubi ꞌiti ꞌain; usa ꞌain ka bëtsi dioskama ax ësaribi asérabi ꞌiti ꞌaíma ꞌikën.

Isaías 46:10

ꞌËx kikë ënëx usai ka ñu ꞌinuxun ꞌaia ꞌëx kia ꞌikën; kianan kana axa ꞌiti ñuribi ñui bërámabi kiakën. Usa ꞌain kana ꞌëx kin: Usa ꞌain ka ꞌën sinánkë ñukama ax usaibi ꞌiti ꞌikën; ꞌën kana uisa ñu ꞌanux karana kia a kamabi ꞌati ꞌain.

Joel 3:11

Kamabi ëmanua ꞌikë unikama a ꞌurama ꞌaísha atumi nishkëkama atux, ¡bënëtishi timë́kuatsini ꞌakanani ꞌuti ꞌikën! ¡ꞌImainun ka uni upí sinánñu axa ꞌakánanti kuëënkëmakama atúnribi ka ꞌakánanti sinánti ꞌikën!