Isaías 43:7 - Kashibo-Kakataibo Biblia

⁷ ꞌën unikama kamina kamabi mitsun bëtëkënti ꞌain akamax ka ꞌën aintsi ꞌibu ꞌikën, usa ꞌain kana atu ꞌën uniokën, usa ꞌixun ka atun ꞌë rabiti ꞌikën.

Isaías 43:7 ပူးပေါင်းရင်းမြစ်များ

Salmos 100:3

Usai ꞌikin kamina upíokin Nukën ꞌIbu ax ka Dios ꞌikë kixun ꞌunánkanti ꞌain; an ka nu uniokëxa usa ꞌaish kananuna ainan ꞌain; nux kananuna ain unikama ꞌain, ¡usa ꞌikë ka unían ain ñuina ꞌarakakësa usaribi ꞌikë nu bërúaia!

Isaías 43:1

Bërí kanima Israel unikama Jacobnën rëbúnki min, an kamabi ñu unio Nukën ꞌIbu ax ka mitsu ësakin kai kia kuati ꞌain: “Kamina rakuë́kantima ꞌain, ꞌën kana mitsu ië́mian; ꞌën kana min anën mi kuëan, usa ꞌaish kamina mitsux ꞌën uni ꞌain.

Isaías 43:21

a unikama kana ꞌën uniokën ꞌë rabinun, usa ꞌain ka atun ꞌë rabikanti ꞌikën.

Isaías 44:23

¡Naíkamë ꞌëo ax ka munuma kuëëni kuënkënti ꞌikën, usakian Nukën ꞌIbun ñu ꞌakë a isi! ¡Munuma kuënkëni ka me chaiira nankë́kë kamax unix ꞌikësaribiti ꞌiti ꞌikën! ¡Aín bashikama ꞌimainun ninu ꞌikë ikama axribi ka munuma unix ꞌikësai kuëënti ꞌikën, Nukën ꞌIbun ka aín kushi chaiira ismikin Israel unikama Jacobnën rëbúnkikama ië́miaxa usa ꞌain!

Isaías 46:13

ꞌËn kana ꞌën ꞌati ñukama axa ꞌurama ꞌinun ꞌimiti ꞌain; usa ꞌain ka ꞌëx ië́mianankë ax ꞌuramara ꞌikën. ꞌËn kana Sión kakë ëmanu ꞌikë unikama ië́miti ꞌain, ꞌën kana Israel unikama ꞌë ꞌakësaribi okin uisakinbi kanunma ꞌimiti ꞌain.

Isaías 60:21

Kamabi unikama mitsun ëmanu ꞌikë ax ka upí sinánñubu ꞌiti ꞌikën, usai tsótika atun menubi xënibuti tsóti ꞌikën, usai ꞌika ꞌënbi ꞌapákëxa ñu upiti kookë usaribi atux ꞌiti ꞌikën, ax ka ꞌën mëkënanbi usaka ꞌën kushi ꞌikë kixun ismikin ꞌën ꞌakë ꞌikën.

Isaías 63:19

Usa ꞌain kananuna nux uínsaranbi min ꞌakinkëmasa ꞌianan, uínsaranbi min unibu ꞌikëmasa ꞌiakën.

Jeremías 14:9

¿Uisa kupín kaina achúshi uni ñu ꞌianan, axa ꞌakánanti ꞌunánkë ꞌixunbi raíri uni ꞌakinkin ië́mikëma usaribi ꞌain? Usa ꞌaínbi kamina mix nun Dios ꞌaish nukama nëbëtsi ꞌiti ꞌain, usa ꞌain ka nux kananuna min unikama ꞌai kixun kamaxunbi ꞌunánkanxa; ¡usa ꞌain kamina nukama ëntima ꞌain!

Daniel 9:18

ꞌËn kakëxun kamina mix Dios ꞌixun kuati ꞌain; ꞌupiokin nukama isanan kamina, anuxun min anë rabikë ëma ax kara uisa ꞌikë isti ꞌain. Nun kananuna nux upiti tsóti a kupín mi ñukátima, usa ꞌaínbi kananuna mix nuibanairakë ax chaiira ꞌain mimi katamëkin mi ñukatin.

Daniel 9:19

¡Nukën ꞌIbu, Nukën ꞌIbu! ¡Nun bana kamina kuati ꞌain, nun ꞌakë ñukama kamina nu mëníoxunti ꞌain! ¡ꞌAnan kamina nukamannu mi ñukákëkama nu ꞌakini uti ꞌain! ¡Mixi Dios ꞌixun ꞌanan kamina min ëma ꞌimainun min unikama an min anë rabikë akama ꞌakinti ꞌain kamina basitima ꞌain!

Amós 9:12

usa ꞌain ka axa Edom menu bërua ꞌimainun bëtsi ëmakamanu bërua akamax amiribishi Israel menubi kuantëkënti ꞌikën.” Usai ka Dios kiaxa usa ꞌain ka aín bana kikësabi oi ꞌiti ꞌikën.

Juan 15:8

Mitsun ꞌën sinánsaribi ꞌixun upí ñu ꞌaia isquin ca unin ꞌunánti ꞌicën, mitsux camina asérabi ꞌën uni ꞌai quixun. Usa ꞌixun ca mitsu cupí unin Nucën Papa Dios rabiti ꞌicën.

Hechos 11:26

Bëax achúshi baritian anu ꞌiquin ca Saulobëtan Bernabénën axa Jesucristomi catamëcë unicamabë timë́quin atu ꞌunánmiacëxa. Usa ꞌain ca Antioquíanuxun pain uni raírinën axa Jesucristomi catamëcë unicama Cristonën uni caquin anëacëxa.

Romanos 9:23

Caínpainquin ca uisaira oquin cara an ꞌatima ñu ꞌacë ꞌicëbi uni nuibaquin aín sinan upí ꞌimiti ꞌicë quixun camabi unin ꞌunánun, ainan ꞌinun caísa ꞌixun nu usaquin ꞌimia.

2 Corintios 5:17

Usa ꞌain ca uinu ꞌicë unix cara Cristomi catamëtia ax Cristobë ꞌaish bëtsi uni ꞌicën. Usa ꞌixun ca bëráma ꞌacësa oquin sinántëcënima. Bëtsi oquin ca sinania.

Gálatas 6:15

Nux asérabi Cristonan ꞌaish cananuna, axa usabi ꞌunántioracacë unicamaxa ꞌicësaribiti ꞌunántioracacëma ꞌaíshbi Nucën Papa Diosan iscëx upí ꞌain. Ainan ꞌicëa Cristonën nu ꞌimicëxun bërámanu ꞌása oquin sinántëcënquinma bëtsi oquin sináncë cupíshi cananuna Nucën Papa Diosan iscëx upí ꞌain.

Efesios 1:12

Nun nu an sinánmicëxun upí oquin ñu ꞌaia isquian uni raírinënribi a rabinun ca nux pain Cristomi catamëcë ꞌaíshnu ax cuëëncësabi oi ꞌinun nu caísacëxa.

Efesios 1:6

Usaquin ainan ꞌinun caístancëxun an nu nuibaquin, aín nuibacë Bëchicë nubë ꞌaínu ainan ꞌaish upí ꞌinun nu ꞌimicë ꞌixun cananuna ami catamëquin, xënibua ꞌaínbi a rabin.

Efesios 2:10

Cristo Jesús nubë ꞌinúan an ꞌimicëxun ñu upíshi ꞌanan nun sinan bëtsi ꞌinun ca an mëníosabi oquin nu ꞌimiaxa.

Santiago 2:7

Usaquin ꞌai ca Cristo, ax upí ꞌixuan an mitsu ainan ꞌimicë a ñui ꞌatimati banaia. ¿Atux cara usama ꞌic?

1 Pedro 2:9

A unicama usa ꞌaínbi camina mitsux Nucën Papa Diosan ainan ꞌinun caísa ꞌain. Usa ꞌixun camina ax cuëëncësabi oquin ꞌanan aín unicama a ñucáxunin. Camina an ꞌimicëx upí ꞌaish aín uni ꞌain. Usa ꞌixunmi a rabiquin an ꞌacë ñucama camabi uni ñuixunun ca Nucën Papa Diosan mitsu ainan ꞌinun caísacëxa. Mitsux bëráma bëánquibucënu nicësa ꞌiá ꞌaíshbi camina bërí an ꞌimicëx xabánu nicësa ꞌain, axa mitsubë ꞌain.

1 Pedro 4:11

Uix cara banati ꞌicë, ax ca Nucën Papa Diosan sinánmicësabi oi banati ꞌicën. Uin cara raíri uni ñu ꞌaxunia an ca Nucën Papa Diosan cushiocëxun upí oquin ꞌati ꞌicën. Usoquin camina Jesucristonan ꞌixun, añu ñu caramina ꞌai a Nucën Papa Diosa cuëëntanun ꞌati ꞌain. Ax ꞌApuira ꞌaish cushiira ꞌicë ca camabi unin rabiti ꞌicën, nëtë xënibua ꞌaínbi. Usaquin ca ꞌati ꞌicën.

1 Pedro 4:14

Cristonan cupía unin mitsumi nishquin ꞌatimaquin ñuicëxbi camina Nucën Papa Diosan Bëru Ñunshin Upí cushiira, axa mitsubë ꞌain, cuëënti ꞌain. Unían ꞌatimaquin ñuiabi camina mitsun Cristo rabin.

Apocalipsis 3:12

Axa ꞌëmi catamëquin ꞌëx cuëëncësabi oi ꞌiti ëncëma unicama, a cana anua Nucën Papa Dios ꞌicë anubia nëtë́timoi ꞌinun ꞌimiti ꞌain. Anuaxa chiquítimoquin ca Nucën Papa Diosan ꞌimiti ꞌicën. ꞌËn Papa Diosan anëbi cana a unicamanu cuënëoti ꞌain. Cuënëonan cana anu Nucën Papa Dios ꞌiti Jerusalén ió, axa naínuax ubúti, aín anëribi ꞌanan cana ꞌën anë ióribi atunu cuënëoti ꞌain.

1 Samuel 12:22

Nukën ꞌIbu an ka asérabi nukama kaisakëxa. Usa ꞌixun ka uínsaranbi nukama ënuxunma ꞌaia, anbi ka mitsu aín uni ꞌiti kaisakëxa.