Isaías 43:5 - Kashibo-Kakataibo Biblia

⁵ Mitsux kamina rakuë́tima ꞌain, ꞌëx kana mitsubë ꞌain. Usa ꞌain kana amiaxa bari urukë ꞌimainun amia bari kuabúkë, anuabi min unikama amiribishi timë́tëkënun ꞌimiti ꞌain.

Isaías 43:5 ပူးပေါင်းရင်းမြစ်များ

Salmos 107:3

usa ꞌain ka atu bëtsi mekamanu ꞌiabia timëkin, aín tsipumia ꞌanan aín rëbumi ꞌikë akama ꞌianan, amiaxa bari urukë ꞌimainun, amia bari kuabúkë amiaxa timë́nun ꞌimiakëxa.

Isaías 41:10

ꞌËx kana mitsubë ꞌain usa ꞌain kamina rakuë́kantima ꞌain; ꞌëx kana mitsun Dios ꞌain usa ꞌain kamina rakuë́kantima ꞌain, ꞌën kana mitsu kushionan ꞌakinti ꞌain, ꞌën kana mitsu anun ꞌakánanti manë xëtokë ꞌën mëkënan tuínxun ꞌakësokin axa mimi nishkë unikamami kupitanuma ꞌanun ꞌamiti ꞌain.

Isaías 41:14

Ësai ka Nukën ꞌIbu asérabi kiakëxa: “Israel unikama Jacobnën rëbúnki ꞌitsamara ꞌaish kushimarasa unin iskëbi rakuëtima, ꞌaínbi kamina mitsux rakuë́tima ꞌain. ꞌËn kana mitsu ꞌakinin. ꞌËx Israel unikaman Dios upíira ꞌixun kana, mitsu bitëkënti ꞌain.

Isaías 41:8

“Israel unikama ꞌën uni Jacob a ꞌën kaisa aín rëbúnkikama, ꞌimainun Abraham ꞌën uni aín rëbúnkikama: Mitsun kamina ꞌën kakëxun kuakanti ꞌain.

Isaías 41:9

ꞌËn kana uinu ꞌikë menu kaina ꞌi anuabi chikínbëtsinkin mitsu bëakën, ꞌianan kana uinu kara me kuainakëakëxa anuabi kuënxun mitsu kakën: ‘Mitsux kamina ꞌën uni ꞌain.’ ꞌËn kana mitsu timakinma kaisakën.

Isaías 43:1

Bërí kanima Israel unikama Jacobnën rëbúnki min, an kamabi ñu unio Nukën ꞌIbu ax ka mitsu ësakin kai kia kuati ꞌain: “Kamina rakuë́kantima ꞌain, ꞌën kana mitsu ië́mian; ꞌën kana min anën mi kuëan, usa ꞌaish kamina mitsux ꞌën uni ꞌain.

Isaías 43:2

Mitsux ꞌumpaxan ꞌinúkëbëbi kana ꞌëxribi anu ꞌiti ꞌain, usa ꞌain kamina bakaribi sikatibi bakami kitima ꞌain, ꞌianan ka tsi rëkirukënën anun inutiabi mi chuxtima ꞌikën, ꞌianan ka ꞌain rëkirukë anbi mi xanotima ꞌikën.

Isaías 44:2

ꞌËn kana min ꞌIbu ꞌixun mi uniokën, usa ꞌixun kana puku ꞌukëmëuküax bakënux uninun mi ꞌimiakën, usa ꞌain kana mi ꞌakinin. Kamina rakuë́kantima ꞌain Jesurún mitsux kamina ꞌën uni ꞌën kaisa Jacob aín rëbúnkikama ꞌain,

Isaías 49:12

¡Kamina iskanti ꞌain! Israel unikama mitsux kamina, ꞌurakëoxbi ukanti ꞌain: axa aín tsipúmiax uti axa amiax umainun ka amia bari kuabúkë amiaxribi uti ꞌikën, umainun ka Asuán kakë me amiaxribi aín patsan uti ꞌikën.

Isaías 49:18

Axa Jerusalénnu ꞌikë unikama mitsun kamina buinarakin amami amamia iskin, uisai kara ꞌura buánkan unikama minu uax timëaxa kixun isti ꞌain. ꞌËx Nukën ꞌIbu ꞌaish kana ꞌëxbi ësai kin, usa ꞌain ka a unikamax, Jerusalénnu tëñutimi tëñukësa ꞌianan, mëratiñu xanua anun mëníokakin ñukama aín naminu nankësa usaribi ꞌiti ꞌikën.

Isaías 54:3

min rëbúnkikamax ka mëkeu kuanan, mëmiu kuani me tsitsirui ꞌuakamë ꞌëoti ꞌikën; usai ꞌikin ka min rëbúnki kaman mekama anu ëma ꞌikëbia ënkan, anu uni ꞌikëma ëmakama anu kuantëkënti ꞌikën.

Isaías 54:7

“ꞌItsama nëtë́ishi ꞌimikin kana mi ëankën, ꞌaínbi kana ꞌëx nuibanankë ax chaiira ꞌain amiribishi ꞌëbë biranani utëkënun mi kakën.

Isaías 61:9

Usa ꞌain ka aín rëbúnkikamax bëtsi bëtsi menu ꞌikë unikaman upíokin ꞌunánkë ꞌiti ꞌikën; usokin ꞌunánkë ka an iskë unikaman, atux ka Nukën ꞌIbunbia aín uni ꞌikë upíokin sinánxukin ꞌakinkë ꞌikë kixun ꞌunánkanti ꞌikën.

Isaías 8:10

ꞌIanan ka usakin kananuna ñu ꞌati ꞌai kixun atun sinaniabi, usakian ꞌanun ꞌamitima ꞌikën, Dios ax ka nubë ꞌikë usa ꞌixun.

Jeremías 23:7

Ësai ka Nukën ꞌIbu asérabi kiakëxa: “Ka kuat, anúan uínsaranbi ꞌëmi sinántëkënima ësai asérabi kikanti nëtë ka ꞌiti ꞌikën: ꞌËx kana Nukën ꞌIbu axa tsókë aín anë ñui kin an ka Israel unikama Egipto menua chikíankëxa,

Jeremías 23:8

usai kima ka sinanátëkëntimoi ësai kiti ꞌikën: Nukën ꞌIbu axa tsókë an ka Israel rëbúnkikama aín tsipumia ꞌanan bëtsi mekamanua abisa ꞌikëbi chikíankëxa. A unikamax ka aín menubi tsótënkënti ꞌikën.”

Joel 3:7

ꞌAínbi kana ꞌën mitsun marua ꞌaísha anu ꞌikaniabi atu chikínkin atux ꞌiásaribitimi mitsúxribi tëmëranun ꞌimiti ꞌain.

Miqueas 2:12

Usa ꞌain ka ësai Dios kia: ꞌËn unikama kana bëtsi unikaman buan ꞌikëbi amiribishi Jacobnën rëbúnkikama kamabi timë́nun ꞌimiti ꞌain; usokin ꞌakin kana Israel unikama ꞌitsamara ꞌikëbi atu timë́nun ꞌimiti ꞌain ꞌimikin kana ñuina ꞌarakakë aín kënënu ꞌikësa ꞌinun ꞌimianan carnerokaman pasto pia ꞌikësa ꞌinun ꞌimiti ꞌain, usokin ꞌimikëx ka Israel unikamax ꞌuakamë ꞌëoi ꞌitsaira ñuina ꞌarakakëx ꞌikësai sharákanti ꞌikën.

Lucas 13:29

ꞌImainun ca ꞌaisamaira judíosma uni aucüaxa bari urucë amiax uanan anúan bari cuabúcë amiaxribi ꞌimainun camabi nëtënuax unuxun ꞌaia. Ai ca axa ꞌëmi catamëcë ꞌaish Nucën Papa Diosan nëtënu tsotax chuámarua ꞌaish cuëënti ꞌicën.

Juan 10:16

Bëtsi carneroñuribi cana ꞌain. A ꞌaíshbi ca ënë cënënu ꞌicëma ꞌicën. Aribi cana ënë cënënua ꞌinun bëti ꞌain. Acamanribi ca ꞌën bana cuati ꞌicën. Usaquin ꞌën ꞌacëx ca ꞌën carnerocamax achúshi cënënushi ꞌiti ꞌicën, achúshishi ca an a bërúancë ꞌiti ꞌicën.

Deuteronomio 30:3

usokinmi ꞌaia ka Diosan mitsu ꞌatima oxunbi mëníokin nuibati ꞌikën. Nuibakin ka amiribishi anua bëtsi menu ꞌikë unikaman bëa me anubi mitsu buántëkënti ꞌikën,