Isaías 43:23 - Kashibo-Kakataibo Biblia

²³ ꞌË kamina ꞌaímai këñutanun ovejakama xaroxuama ꞌain, ꞌianan kamina ꞌë rabikin ñuina xaroma ꞌain. ꞌËn kana mi atsaniabi ubíokin ꞌëmi ñukama ꞌinainshinun káma ꞌain, ꞌianan kana kuëëniamabi ubíokin tsëpasa ñu sanuira xaromiama ꞌain.

Isaías 43:23 ပူးပေါင်းရင်းမြစ်များ

Proverbios 15:8

Nukën ꞌIbu Diosan ka uni ꞌatima sinánñukaman ñu ꞌaxunkëxunbi a upí isima, ꞌaínbi ka uni upí sinánñukama an ñukákëxun kuni kuatia.

Proverbios 3:9

Nukën ꞌIbu Dios kamina ami ꞌarakakë min ñukama ꞌinánti nankë a ꞌinánan kamina, min naënu ꞌapákëxa tsinasati tuákë aribimi bixun ꞌinántimi nankë a ꞌinánti ꞌain;

Jeremías 7:21

Nukën ꞌIbu kamabi kushiñuira Israel unikaman Dios ax ka ësokin aín unikama kai kiaxa: Mitsun kuëënkësa okin ñuina ꞌaímai këñutanun xaronanbi, këñutanuma xaroxun kamina ꞌain namikama tëxëkë a pikanti ꞌain.

Jeremías 7:22

ꞌAínbi kana ꞌën mitsun chaitiokëkama Egipto menua chikíntankëxun, usakin kamina ñuina xarokin ꞌati ꞌai kixun uisakinbi káma ꞌain.

Amós 5:25

“Israel unikama, ¿mitsun chaitiokëkaman kara cuarenta baritia anu uni ꞌikëma menu nikin ñuina xaroxuanan, ꞌë ꞌinánti bikë ñu a ꞌë ꞌinankankëx?

Miqueas 6:3

Ësai ka Nukën ꞌIbu kia: Israel unikama mitsun kamina ꞌë kati ꞌain. ¿Uisa onan karana añu ꞌaxunkin mi ubion?

Malaquías 3:8

Usa ꞌain kana ꞌëx ësai kin: ¿Achúshi unin kara Dios ꞌikë ꞌë paránkin mëkamaisa tanti ꞌik? ¡Usa ꞌain kamina mitsun ꞌë paránkin mëkaman! Usakin ꞌë ꞌaínbi kamina ñukákanani kikanin: ¿A ñu ꞌakin karanuna mi mëkaman? ¡Mitsun kamina ꞌë kamaira ꞌinankimabi ꞌinánti a ꞌimainun, a ꞌinánti nankë manë kuríki a uiti ꞌitsa ꞌinánti kara atibi ꞌinankima ꞌë mëkaman!

Mateo 11:30

Mitsúxmi ꞌënan ꞌain ca ꞌën mitsu ꞌaquincëx mitsun ꞌati ñux ꞌaisa ꞌicën.