Isaías 43:22 - Kashibo-Kakataibo Biblia

²² ꞌAínbi kamina Israel unikama Jacobnën rëbúnki, mitsun ꞌë baritisama tani atsankin ꞌë ënkankën.

Isaías 43:22 ပူးပေါင်းရင်းမြစ်များ

Salmos 14:4

An ñu ꞌatima ꞌatishi sinánkë unikaman ka bana kuatima, usa ꞌixun ka atun pán unin pikësa usaribi okin ꞌën unikama këmëkin ꞌaia, usakin ka an Dios rabikëma unikaman ꞌaia.

Isaías 64:6

Kamabi nux kananuna uni achúshi upíma chuakë usaribi ꞌain; kamabi nun ꞌakë ñu upíkama ax ka chupa chua usaribi ꞌikën; ꞌimainun kananuna nukamax pëi chushitankëx rëukubukë usaribi ꞌain, ꞌianan ka nun uni rëtëkë ax ka nun ñu ꞌatimaira ꞌakin, a tanti bana kikësokin ꞌakinma uni ꞌakë ax suñun kuainkin pëi pukë usaribi ꞌinun nu ꞌimia.

Isaías 64:7

Uinu ꞌikë unibi ka an mi ꞌakinun kixun ñukákë ꞌaíma ꞌikën, ꞌianan ka an mimi kushikin ꞌakinun kixun barikë ꞌaíma ꞌikën; usa ꞌain kamina nukamami kasuakëkin nu ëan, nun ñu ꞌatima ꞌai ꞌuchakë kupín kamina nu rakan.

Jeremías 2:5

Ësai ka Nukën ꞌIbu kiaxa: ¿Añu ñu ꞌatima ënua mërax, kara min chaitiokama ꞌëmi ꞌunánkëx? Atúnbi bëtsi dioskama añu ñu ꞌikëmabi rabikë kupín, atúxribi usaribi ñankáishi bërukankëxa.

Daniel 9:13

Kamabi ñu ꞌatimakama nuxnu ꞌinúkë ax ka Moisésnën kuënëo bananu kikësabi oi ꞌia; usa ꞌaínbi kananuna nun mixmi nun Dios ꞌikë mi barikëma ꞌain, ꞌianan kananuna nun ñu ꞌatima ꞌakëkama abi ënkëma ꞌain, ꞌimainun kananuna min bana kikësoibi ꞌikëma ꞌain.

Miqueas 6:3

Ësai ka Nukën ꞌIbu kia: Israel unikama mitsun kamina ꞌë kati ꞌain. ¿Uisa onan karana añu ꞌaxunkin mi ubion?

Malaquías 1:13

Mitsux kamina ësai kikanin: ¡Nukamax kananuna ësokin ñu ꞌakëkama ënën atsan! Usai kikin ka ꞌë timakania. Usai ꞌikinbi ka ñuina mëkamakë ꞌimainun vaca ꞌatimai nikë ꞌimainun ꞌinsínkë akama ꞌë ꞌinánti bëi ꞌëx isana a ñuinakama ꞌinánkëx kuëënti ꞌai kiax kikania.

Malaquías 2:17

Nukën ꞌIbu Dios ka mitsun bana kuati atsanxa; usa ꞌaínbi kamina mitsux ñukanani kin: “¿Uisai karanuna nun bana kuatia Dios numi atsanun nukamax kian?” Mitsux kamina ësai kikan, Diosan ka ñu ꞌatima ꞌakë unikama a upí isia, ꞌimainun ka atubë kuëënia. Mitsun kamina Dios an ka ꞌupiokin ñu ꞌaima kixun sinánkanin.

Malaquías 3:14

Ësai kamina mitsux kian: Diosan ñu mëëti ꞌakë ax ka ñankáishibi ꞌakë ꞌikën. ¿Añu karanuna aín bana kikësokin ꞌanan Dios kamabi kushiñu an isnun kixun uni ñukë ꞌain ꞌakësa okin chupa pañuax nikin a ꞌinánti biti ꞌain?