Isaías 43:2 - Kashibo-Kakataibo Biblia

² Mitsux ꞌumpaxan ꞌinúkëbëbi kana ꞌëxribi anu ꞌiti ꞌain, usa ꞌain kamina bakaribi sikatibi bakami kitima ꞌain, ꞌianan ka tsi rëkirukënën anun inutiabi mi chuxtima ꞌikën, ꞌianan ka ꞌain rëkirukë anbi mi xanotima ꞌikën.

Isaías 43:2 ပူးပေါင်းရင်းမြစ်များ

Job 5:19

Uínsaran kaina ñu ꞌatima inuti ꞌai anun ka achúshira okin ꞌakintankëxun ënkinma mi ꞌakinti ꞌikën, ꞌianan ka uisa ñu inuti kaina tëmërati ꞌai usabi mi tsónun mi ꞌimitima ꞌikën.

Salmos 23:4

Anun nisama anun kuaníbi kana añu ñubi inútimi rakuë́tima ꞌain, Dios mix kamina ꞌëbë kamabi nëtën ꞌain; ꞌimainun kamina ñu upíshi ꞌanun ꞌë ꞌimiti ꞌain.

Salmos 32:6

Usa ꞌain ka, anúan tëmërati ꞌikëbëtan an nuibakë unikaman mi ñukáti ꞌikën, tëmërakë an ka baka chaiira kushi ꞌëi mapurutankëxa, uinu kara sënënia anu sënë́nkësokinribi tëmëramiti ꞌikën, usa ꞌaínbi ka anbi atu uisabi otima ꞌikën.

Salmos 66:10

Mix nun Dios ꞌixun kamina, nukama uisai karanuna ꞌi isnuxun nu tankën, ¡usakin ꞌakin kamina manë uxua charokëxa upíira ꞌikësa usaribi ꞌinun ꞌimikin nu mëníokën!

Salmos 66:12

Usakin ꞌakin kamina bëtsi unikamanbia atun kuëënkësa okin nu tëmëraminun ëankën, usokëx kananuna bakan sikánan tsi rëkirukë iskësa anun nu inúmiakën, usakin pain abëtsinkin kamina anua piti ꞌaisamaira ꞌikë me upí ënu nu bëakën.

Salmos 91:15

Uínsaran kara ꞌakinun kixun ꞌë kaia anun kana ꞌakinti ꞌain; ¡ꞌëxbi kana abë ꞌiti ꞌain! Usakin ꞌai kana ꞌëx abëbi ꞌiti ꞌain, ꞌënbi kana ꞌupiokin kamina ñu ꞌa kixun mi kati ꞌain;

Éxodo 14:29

Usai ꞌikëbëbi ka israel unikama anun kuanun parúmpapa tëarabëti me ꞌinun ëskikë anun sikarakëakëxa usai ꞌi ka ꞌumpax kuëtú ꞌikësai amorabë́ chairui bëtsi mëmiu ꞌimainun bëtsi mëkëu ꞌiakëxa.

Éxodo 3:12

Ësai kia ka Diosan kakëxa: —ꞌËx kana mibë ꞌiti ꞌain, ënëx ka ami unántiokin ꞌënbi mi xukë ꞌiti ꞌikën: Egipto menua ꞌën unikama chikínkë ꞌain kamina kamaxunbi mikaman ënë menuxun ꞌë rabiti ꞌain.

Isaías 41:10

ꞌËx kana mitsubë ꞌain usa ꞌain kamina rakuë́kantima ꞌain; ꞌëx kana mitsun Dios ꞌain usa ꞌain kamina rakuë́kantima ꞌain, ꞌën kana mitsu kushionan ꞌakinti ꞌain, ꞌën kana mitsu anun ꞌakánanti manë xëtokë ꞌën mëkënan tuínxun ꞌakësokin axa mimi nishkë unikamami kupitanuma ꞌanun ꞌamiti ꞌain.

Isaías 41:14

Ësai ka Nukën ꞌIbu asérabi kiakëxa: “Israel unikama Jacobnën rëbúnki ꞌitsamara ꞌaish kushimarasa unin iskëbi rakuëtima, ꞌaínbi kamina mitsux rakuë́tima ꞌain. ꞌËn kana mitsu ꞌakinin. ꞌËx Israel unikaman Dios upíira ꞌixun kana, mitsu bitëkënti ꞌain.

Isaías 43:5

Mitsux kamina rakuë́tima ꞌain, ꞌëx kana mitsubë ꞌain. Usa ꞌain kana amiaxa bari urukë ꞌimainun amia bari kuabúkë, anuabi min unikama amiribishi timë́tëkënun ꞌimiti ꞌain.

Daniel 3:23

a uni bënákama nikian ꞌurama okëxunbi ami rëkikin ꞌukëmëu nipakëtia xarokëxa.

Malaquías 4:1

Dios kamabi kushiñuira ax ka ësai kia: “Kamina kuakanti ꞌain: ënuax basimashi ka kininuaxa tsi ërë́rukë usa nëtë ꞌiti ꞌikën, an ka axa rabiakakë unikama ꞌimainun an ñu ꞌatima ꞌakë akama basi chushikë nëmëkë usai ꞌitánun ꞌati ꞌikën. Usa ꞌain axa uti nëtë ax ukin ka kamabi ñu këñuti ꞌikën, usakin ꞌakëx atunan añu ñubi ꞌaíma ꞌiti ꞌikën.

Mateo 1:23

Xanu achúshi unibë ꞌicëma pain ꞌaish ca tuñu ꞌitancëx bacë́nti ꞌicën. Aín tuá ax ca Emanuel caquin anëcë ꞌiti ꞌicën. Emanuel quicë ax ca “Nucën Papa Dios ca nubë ꞌicë” qui quicë ꞌicen.

2 Timoteo 4:17

Acaman ëniabia Nucën ꞌIbu Jesucristonën ꞌaquinia ca a ꞌapun ꞌë uisabi ocëma ꞌicën. Usoquin ca ꞌinúan nëëcënëan piisa tancëxbia ñuina abácësaribi oquin, unin ꞌaisa taniabi Nucën ꞌIbu Jesucristonën ꞌë ië́miaxa. Usoquian ië́mitancëxun cushiocëxun cana aín bana ñuitëcëan, judíosma unicamánbia cuanun.

2 Timoteo 4:22

Mibë ꞌixuan Nucën ꞌIbu Jesucristonën mi cushiomainuan Nucën Papa Diosan mibë ꞌicëcamacëñun mi nuibaquin ꞌaquincëx camina bërúanx ꞌiti ꞌain. Ashi, Pablo.

Hebreos 11:29

Egipto menuax cuani ca judíos unicama —Nucën Papa Diosan ca ax quicësabi oquin nu ꞌaquinia —quixun sinani parúnpapa Xonsa cacë, a nëbë́tsi me racácëbë sicaracëacëxa, me ësquicënu cuancësabiquiani. Atúxa usai cuancëbë ca axa atu catícabiani cuancë Egiptonu ꞌicë suntárucamax —nuxribi cananuna usai sicaracëti ꞌai —quixun sinanx cuanibi, ꞌunpax anu racátëcëncëbë bacamiquiacëxa.

Josué 1:5

Uínbi ka uisaxunbi mibë ꞌakanankin mitsu kanantima ꞌikën, ꞌën kana Moisés ꞌasaribiokin, ꞌën kushínbi ꞌakianan uínsarabi ënkinma mi ꞌakinti ꞌain.

Josué 1:9

ꞌËn kana mi kain usa ꞌain kamina kushi sinani rakuë́tima ꞌain. Usa ꞌain kamina rakuë́kin kana ꞌaíma kixun sinántima ꞌain, min ꞌIbu Dios ꞌëx kana mibë uinu karamina kuani anubi ꞌiti ꞌain.