Isaías 43:18 - Kashibo-Kakataibo Biblia

¹⁸ Bërí ka Nukën ꞌIbu ësakin ain unikama kai kiáxa: “Bëráma inúkë ñukama akamina sinántima ꞌain, ꞌianan kamina ꞌia ñukama aribi amiribishi sinántëkëntima ꞌain.

Isaías 43:18 ပူးပေါင်းရင်းမြစ်များ

Isaías 46:9

usai ꞌikinma kamina bërámaira ꞌia ñukama a sinánkanti ꞌain. ꞌËx kana Dios ꞌain, usa ꞌain ka bëtsi ꞌaíma ꞌikën; Dios kana ꞌëx ꞌain, usa ꞌain ka ꞌëbëtan sënën bëtsi dios ꞌaíma ꞌikën.

Isaías 65:17

“Ësai ka Dios kiakëxa: Ka kuat, ꞌën kana naíkamë ꞌëo ió ꞌanan me ióribi ꞌatëkënti ꞌain. Usa ꞌain ka ax pain ꞌia naíkamë ꞌëo xëni a ꞌimainun me xëni a uínbi sinántëkëntima ꞌikën.

2 Corintios 3:10

Moisésnëan uni ꞌinan banaxa ꞌiásamaira oi ca Cristo ñui quicë bana upí ꞌicën.

2 Corintios 5:17

Usa ꞌain ca uinu ꞌicë unix cara Cristomi catamëtia ax Cristobë ꞌaish bëtsi uni ꞌicën. Usa ꞌixun ca bëráma ꞌacësa oquin sinántëcënima. Bëtsi oquin ca sinania.

Deuteronomio 7:18

¡Usa aín kamina mix atumi rakuë́tima ꞌain! Rakuë́kinma kamina Diosan ka ꞌapu faraón ꞌimainun egipcio unikama ismainunbi ñu chabu ꞌakëxa kixun sinánti ꞌain;

Deuteronomio 8:2

Usa ꞌain kamina sinánkanti ꞌain, Diosan ka anu uni ꞌikëma menu cuarenta baritia ꞌimi tëmërai ninun nu ꞌimiakëxa akamina manukinma sinánkanti ꞌain, usakin ka mitsu tankin ꞌanan ami karamina asérabi sinanatëkëni isti ꞌanan ax kikësabiokin aín bana ꞌai ꞌisnuxun mitsu ꞌakëxa.