Isaías 43:13 - Kashibo-Kakataibo Biblia

¹³ Bërámabi ꞌiá ꞌaish kana ꞌëx Dios a ꞌain. Uínbi ka ꞌën kushinua uni chikintima ꞌikën. Uínbi ka ꞌën ꞌakë ñu ꞌaisama ꞌinun kamina ꞌai kixun ꞌë katima ꞌikën.

Isaías 43:13 ပူးပေါင်းရင်းမြစ်များ

Salmos 90:2

Anun bashikama ꞌimainun me ꞌianan ënë, nëtëkama unitisama ꞌaínbi ꞌiá ꞌaish, kamina ënë nëtëkamanbi bëríbi mix Dios aira ꞌain.

Salmos 93:2

Usa ꞌain kamina bërámabi ꞌapu ꞌia ꞌaish bëríbi mix usabi ꞌain, ¡Mix kamina bërámabi usabi ꞌiakën!

Proverbios 8:23

Usakin ka me uniokëmapan ꞌixun ꞌë irapain. Uniokë ꞌiakëxa.

Isaías 41:4

¿Uin kara ënë ñukama ësokin ꞌakëx? ¿Uin kara bërámabi ꞌa ꞌixun bëríbi usaía ñu inútikama a ꞌimiti it? ꞌËx kana mitsun ꞌIbu Dios achúshi a ꞌain, uin kara uinsaranbi ꞌitabakënu unin ñuiama ñu ꞌakëxa.

Isaías 46:10

ꞌËx kikë ënëx usai ka ñu ꞌinuxun ꞌaia ꞌëx kia ꞌikën; kianan kana axa ꞌiti ñuribi ñui bërámabi kiakën. Usa ꞌain kana ꞌëx kin: Usa ꞌain ka ꞌën sinánkë ñukama ax usaibi ꞌiti ꞌikën; ꞌën kana uisa ñu ꞌanux karana kia a kamabi ꞌati ꞌain.

Isaías 46:4

usa ꞌain kana ꞌëx mitsúxmi kaniakëkëbëbi usabi ꞌiti ꞌain, ꞌianan kana uínsaran kaina mitsun bu ꞌuxua ꞌirukani usai ꞌiabi bërúankin mitsu ꞌakinti ꞌain. ꞌËn kana mitsu usakin ꞌakën, usa ꞌixun kana usakinbi bërúankin, ꞌën mitsu ië́miti ꞌain;

Daniel 4:35

An iskëx ka kamabi menu tsókë unikama ñuumara ꞌikën. An ka uisakin kara ꞌaisatania usakin naínu ꞌanan menuribi ñu ꞌaia. Usa ꞌain ka an usakin kamina min kushi ñu ꞌatima ꞌai kixun kanan, uisa kupín kaina usakin ñu ꞌai kixun an kati uni ꞌaíma ꞌikën.

Oseas 2:10

Aín bënëan achúshi xanu bëtsi bëtsi unibë ꞌikë abëa ꞌikë unikaman istánun aín chupa biküanxun mëëkë usaribi okin kana Israel unikama an bëtsi bëtsi dioskama rabikë unikaman istánun ꞌati ꞌain. Usakin ꞌaia ka uínbi usakin kamina ꞌatima ꞌai kixun ꞌë katima ꞌikën.

Oseas 5:14

Achúshi paru ꞌinúanëan ñuina nuikë usaribi okin kana Efraín ꞌimainun Judá ꞌati ꞌain, usokin ꞌatankëxun tukapabiani kana anuax kuanti ꞌain, usakin ꞌën ꞌaia ka uínbi ië́mitima ꞌikën.

Miqueas 5:2

ꞌAínbi kana: Belén Efrata, mi Judánu ꞌikë ëmakamanu ꞌikë ëma chukúma anuax achúshi uni Israel unikaman ꞌapu ꞌinux chikiti ꞌikën, ax ka uni achúshi bërámaira ax tsóa aín rëbúnki ꞌiti ꞌikën.

Habacuc 1:12

Ësai kia ka Habacucnën kakëxa: ¿Nukën ꞌIbu Dios mix karamina bërámabi ꞌia ꞌaish, ꞌën Dios upíira ꞌianan ñutima oi tsókë a ꞌain? Usa ꞌikë kana ꞌën mi rabin min kamina ꞌë bërúankin ꞌakian, minbi kamina an kuëënkësa okían nu ꞌatimonun Babilonianu ꞌikë unikama kushiira ꞌinun ꞌimia.

Números 23:20

Diosan ka Israel unikama upíokin sinánxunun ꞌë kaxa: Usa ꞌain kana Diosan upíokin sinánxunia ꞌën usama ka kixun katima ꞌain.

Juan 8:58

Quia ca Jesusan cacëxa: —ꞌËn cana asérabi mitsu cain, Abraham ꞌicëma pain ꞌain cana ꞌëx ꞌiacën.

Efesios 1:11

Nux Cristonan cupí aín uni raíri ꞌacësaribi oquin nu axa cuëëncësabi oi ꞌianan aín nëtënu abë ꞌiti nu ꞌiminuxun ca Nucën Papa Diosan ainan ꞌinun nu caísacëxa. Usai nux ꞌinun ca Nucën Papa Diosan camabi ñu ax cuëëncësabi oquin ꞌaquin mëníocëxa.

Deuteronomio 32:39

ꞌËx kana asérabi Dios ira a ꞌain; usa ꞌain ka ꞌësaribi bëtsi Dioskama ꞌaíma ꞌikën. ꞌËn kana kamabi uni aín tsóti ꞌunanin, ꞌimainun kana anua ñuti nëtë aribi ꞌunanin; ꞌën kana uni ꞌaisama okin ꞌatima oxunbi aín ꞌatimakë a mëníoxunin. Uinu ꞌikë uníxbi ka ꞌëx kushiira ꞌain ꞌën ꞌatima okaskëx ënuax abáti ꞌaíma ꞌikën.

1 Timoteo 1:17

Usa ꞌain cananuna Nucën Papa Dios, axa usabi ꞌApuira ꞌiá ꞌaish cëñútimoi usabi ꞌiti, a unin aín bërúnbi iscëma, ꞌianan an camabi ñu ꞌunáncë, axëshia Dios, a xënibua ꞌaínbi rabiti ꞌain. Usai ca ꞌiti ꞌicën.

Hebreos 13:8

Jesucristo ax ca usabi ꞌiá ꞌaish bëríribi usabi ꞌaish, usabi ꞌiti ꞌicën.

Josué 2:2

ꞌAínbi ka anu ꞌikë unin ñuia kuabianxun Jericó ëmanu ꞌikë ꞌapu ësokin kakëxa: —Uiti israel uni sapi kaisa nun me ñachai ënë imë́ uonxa.

Apocalipsis 1:8

Nucën ꞌIbu Dios, axa usabi ꞌiá ꞌaish usabi ꞌicë, ax ca cushiira ꞌaish, uisa cushi cara, aín cushibëtanbi sënë́nmaira ꞌicën. Usa ꞌaish ca ax ësai quia: —ꞌËx cana uisa ñubia ꞌaíma ꞌaínbi ꞌiacën, usa ꞌaish cana ënë menu ꞌicë ñucama cëñúcëbë usabi ꞌiti ꞌain. Usa ꞌaish cana a pain ꞌunánti bana “A” ꞌimainun tsiánquinribi ꞌunánti bana “Z” asaribi ꞌain.