Isaías 43:12 - Kashibo-Kakataibo Biblia

¹² Ësai ka Nukën ꞌIbu asérabi kiakëxa: ꞌËx kana kiakën ꞌimainun kana ꞌësaribi a ñui kiakën: ꞌën kana mitsu ië́mian; uinu ꞌikë bëtsi dios ꞌunánkëma ka usakin ꞌama ꞌikën, mitsun kamina uisakin karana ꞌën ñu ꞌakën kixun ñuikanti ꞌain.

Isaías 43:12 ပူးပေါင်းရင်းမြစ်များ

Isaías 43:10

Ësai ka Nukën ꞌIbu asérabi kiakëxa: “Mitsun kamina uisakin karana ñu ꞌakën akama ñuiti ꞌain. Mitsux kamina ꞌën unikama ꞌën kaisa a ꞌain, ꞌëmi katamëkin ꞌunánkin kamina, ꞌëx karana ui ꞌai kixun ꞌë ꞌunánkanti ꞌain. ꞌËx ꞌisama ꞌain ka uinu ꞌikë bëtsi diosbi asérabi ꞌaíma ꞌiakëxa. ꞌIanan ka ꞌëx pain ꞌia ꞌain bëtsi dios ꞌaíma ꞌiti ꞌikën.

Isaías 44:8

¡Usa ꞌaínbi kamina chuáma tani rakuë́tima ꞌain! ꞌËn kana usakin kan, bërámabi kana usai ka ꞌiti ꞌikë kixun kakën, usa ꞌain kamina mitsúnbi ꞌën usakin ñu ꞌakëmi ꞌunánkankë a ñuiti ꞌain. ¿Anu kara bëtsi dios ëbë sënën ꞌiti ꞌik? A mi katamëti bëtsi uni ka ꞌaíma ꞌikën; ꞌën kana achúshirabi ꞌunanima.”

Isaías 45:19

ꞌËx kana unëax banananbi uinu kara me bëánkibukë ꞌikë anuaxbi banaima. ꞌËn kana Jacobnën rëbúnkikama kaiman: ꞌË kamina anu ñu ꞌikë anua barikanti ꞌain. ꞌËx mitsun ꞌIbu ꞌaish kana asérabi këmëima upiti banai ësai ka ñu ꞌiti ꞌikë kin.

Isaías 55:4

Mitsun kamina ꞌunánti ꞌain ꞌën kana, bëtsi bëtsi menu kuankian aín ꞌapu ꞌixun ñu ꞌunánmikin ꞌën ꞌunánmikë banakama ñuixunun xuakën.

Deuteronomio 32:12

Nukën ꞌIbun ka aín unikama ꞌakiankëxa uínbi ka ꞌakianma ꞌikën; ¡Uinu ꞌikë bëtsi diosanbi ka ꞌakianma ꞌikën!

Deuteronomio 32:16

Usai ꞌikin ka Dios ꞌaisamaira nishmikin bëtsi ñukama rabikin ax kuëënkëma ñuira ꞌakankëxa;

Deuteronomio 32:39

ꞌËx kana asérabi Dios ira a ꞌain; usa ꞌain ka ꞌësaribi bëtsi Dioskama ꞌaíma ꞌikën. ꞌËn kana kamabi uni aín tsóti ꞌunanin, ꞌimainun kana anua ñuti nëtë aribi ꞌunanin; ꞌën kana uni ꞌaisama okin ꞌatima oxunbi aín ꞌatimakë a mëníoxunin. Uinu ꞌikë uníxbi ka ꞌëx kushiira ꞌain ꞌën ꞌatima okaskëx ënuax abáti ꞌaíma ꞌikën.