Isaías 43:1 - Kashibo-Kakataibo Biblia

¹ Bërí kanima Israel unikama Jacobnën rëbúnki min, an kamabi ñu unio Nukën ꞌIbu ax ka mitsu ësakin kai kia kuati ꞌain: “Kamina rakuë́kantima ꞌain, ꞌën kana mitsu ië́mian; ꞌën kana min anën mi kuëan, usa ꞌaish kamina mitsux ꞌën uni ꞌain.

Isaías 43:1 ပူးပေါင်းရင်းမြစ်များ

Génesis 32:28

Ësokian kakëxun ka unin kakëxa: —Bërí ka min anë Jacob kakë ꞌitima ꞌikën. Min anë ka Israel kakë bërí ꞌiti ꞌikën, mix kamina Nukën ꞌIbu Diosbë tananan, ꞌimainun kamina bërámabi bëtsi unikamaribi usaribi okin kanánkën.

Salmos 100:3

Usai ꞌikin kamina upíokin Nukën ꞌIbu ax ka Dios ꞌikë kixun ꞌunánkanti ꞌain; an ka nu uniokëxa usa ꞌaish kananuna ainan ꞌain; nux kananuna ain unikama ꞌain, ¡usa ꞌikë ka unían ain ñuina ꞌarakakësa usaribi ꞌikë nu bërúaia!

Éxodo 15:13

Min kamina min unikama ꞌitsaira nuibatin, usa ꞌixun kamina min kushi chaiira ꞌixun nukama ië́mikin ꞌakian; usa ꞌain kamina anuxun mi rabiti xubu anuxun rabikë ꞌiti ꞌain.

Éxodo 15:16

Mix kamina Nun ꞌIbu ꞌain, atux ka ratuti ꞌikën, ꞌimainun ka rakuëkanti ꞌikën, atúxa kuainima maxá ꞌikësai bukunun min kushínbi ꞌiminun kana mi kain, usa ꞌain kamina min unikama inútamainun bërúanti ꞌain, nukamax kananuna min unibu ꞌain.

Éxodo 33:17

Kakëxun ka Diosan kakëxa: —Asabi ka usa ꞌain kana mitsubë kuanti ꞌain, asérabi kana ꞌën mi nuibatin ꞌimainun kana upí uni ꞌikë mix kikësabiokin ꞌën mi ꞌakinti ꞌain kixun ka Nukën ꞌIbun kakëxa.

Isaías 41:14

Ësai ka Nukën ꞌIbu asérabi kiakëxa: “Israel unikama Jacobnën rëbúnki ꞌitsamara ꞌaish kushimarasa unin iskëbi rakuëtima, ꞌaínbi kamina mitsux rakuë́tima ꞌain. ꞌËn kana mitsu ꞌakinin. ꞌËx Israel unikaman Dios upíira ꞌixun kana, mitsu bitëkënti ꞌain.

Isaías 42:6

“ꞌËx min ꞌIbu ꞌixun kana ꞌën unimi ꞌinun mi kuëankën, ꞌimainun kana ꞌën mëkënan tuinkësa ꞌixun mi ꞌakinkëxmi, a banamiti ñusa ꞌixunmi, min uni ië́minun mi ꞌimiti ꞌain; ꞌën kana mi uniokën, usa ꞌixun kamina min, ꞌën ꞌa ñukama ñuikin ꞌën unikama kati ꞌain, an ka min tirítan pëkakësa ꞌixun bëtsi menu tsókë unikama asérabi ënkinma upíokin ñu ꞌanun ꞌunánmiti ꞌikën.

Isaías 43:21

a unikama kana ꞌën uniokën ꞌë rabinun, usa ꞌain ka atun ꞌë rabikanti ꞌikën.

Isaías 43:5

Mitsux kamina rakuë́tima ꞌain, ꞌëx kana mitsubë ꞌain. Usa ꞌain kana amiaxa bari urukë ꞌimainun amia bari kuabúkë, anuabi min unikama amiribishi timë́tëkënun ꞌimiti ꞌain.

Isaías 43:7

ꞌën unikama kamina kamabi mitsun bëtëkënti ꞌain akamax ka ꞌën aintsi ꞌibu ꞌikën, usa ꞌain kana atu ꞌën uniokën, usa ꞌixun ka atun ꞌë rabiti ꞌikën.

Isaías 44:2

ꞌËn kana min ꞌIbu ꞌixun mi uniokën, usa ꞌixun kana puku ꞌukëmëuküax bakënux uninun mi ꞌimiakën, usa ꞌain kana mi ꞌakinin. Kamina rakuë́kantima ꞌain Jesurún mitsux kamina ꞌën uni ꞌën kaisa Jacob aín rëbúnkikama ꞌain,

Isaías 45:11

Ësai ka aín Israel unikama ꞌIbu Dios upíira an unio ax kia: “¿Mitsun kaina uisai kara ꞌën bakë bëchikëkama ꞌinuxun ꞌaia ꞌë ñuixuanan, uisakin karana ꞌën ñu ꞌati ꞌai kixun ꞌë ꞌunánmiti ꞌain?

Isaías 49:1

Axa parúmpapa nasínu ꞌikë ëmakamanu ꞌikë unikaman ka upiokin sinánkin kuati ꞌikën, ꞌimainun ka bëtsi bëtsi ëma ꞌura ꞌikë anu ꞌikë unikamanribi ꞌëx kia kuati ꞌikën: Nukën ꞌIbun ka ꞌën titan ꞌë tuakëma pain ꞌikëbi ꞌë kaisakëxa; usa ꞌixun ka ꞌën titan puku ꞌukë mëu ꞌikëbi ꞌën anën ꞌë anëakëxa.

Isaías 49:26

ꞌËn kana an mi ꞌatima okë unikama aín namibia pinun ꞌamiti ꞌain, usakin ꞌamianan kana aín imibi xëatankëxa paë bata vino ꞌakë xëatankëx ꞌikësai paënun ꞌimiti ꞌain. Usakin ꞌaia ka unikaman ꞌëx aín ꞌIbu ꞌixun atu ië́mia kixun ꞌunánti ꞌikën, ꞌëx kana kushiira ꞌixun an Jacobnën rëbúnkikama ꞌakianan, tëmëraiabi chikian a ꞌai kiax ka Dios kiakëxa.”

Isaías 52:9

¡Jerusalén na masókan anu tsókë, unikama mitsux kamina kana ñusmo kiax kuëënkanti ꞌain, Nukën ꞌIbun ka Jerusalénnu ꞌikë aín unikama nuibaxa, usakin ꞌakin ka aín unikama nuibakin chikíanxa! (Ënëx ka Jesucristo ñui kikë bana ꞌikën.)

Isaías 63:16

¡Mix kamina nukaman papa ꞌain! Abrahamnëa nukama ꞌunanima ꞌimainuan Israel unikama numi sinánkëbëmabi kamina, Nun ꞌIbu ꞌianan nukaman papa ꞌain; usa ꞌixun kamina ënënsaran nëtëma ꞌa ꞌixunma min ꞌakësabi okin nu bitëkënin.

Isaías 63:9

kamabi atun tëmërakë anuabi. Usa ꞌixun ka bëtsi uni an ië́minun xukinma, Nukën ꞌIbunbi ka ië́miakëxa. An ka bitëkëánkëxa nuibanairakë ꞌixun; aín pëñanën birukësa ꞌinun ꞌakiankëxa. Usakin ka bërámabi ꞌa ꞌixun ꞌakiankëxa.

Jeremías 31:3

ꞌëx kana bërámabi ami mërakën. ꞌËn kana nuibairakë ꞌixun atu bëríbi xënibua ꞌaínbi nuibatin, usa ꞌixun kana uisokin karana nuibakë usabi okin mitsu nuibatin.

Malaquías 3:17

Kamabi kushiñuira Dios ax ka ësai kia: ꞌËn kana anua a unikama ꞌënan ꞌitëkënti achúshi nëtë mënion. Usakin ꞌakin kana achúshi unían an ñu mëëkinkë aín bëchikë nuibakë usaribi okin atu ꞌën nuibati ꞌain.

Hechos 27:20

Usobiani cuanquin cananuna ꞌitsa nëtën bari isíma, ꞌisparibi isíma, ꞌianan suñúanën parúnpapa bëchúancë, ashi isquin —ënuax cananuna bamati ꞌai —quixun sináncën.

Hechos 27:25

Angelnën ꞌë cacë sinani camina chuámarua ꞌicanti ꞌain. ꞌËn cana ꞌunanin, Nucën Papa Diosan ꞌimicëx ca ángelnën ꞌë cacësabi oi ꞌiti ꞌicën.

Efesios 2:10

Cristo Jesús nubë ꞌinúan an ꞌimicëxun ñu upíshi ꞌanan nun sinan bëtsi ꞌinun ca an mëníosabi oquin nu ꞌimiaxa.

Deuteronomio 32:15

ꞌAínbi ka Jacobnën rëbúnki, an pitishi sinánkëkama, ꞌaisamaira pi xuati ñuina rërakati aín rani nibánibákikë usai ꞌikinbi, ñuinanëa aín ꞌibu aín taën ꞌakësokin, an unio ꞌixunbi Diosan kakëxun kuaisama tankëxa; usai ꞌikin ka an kakëxunbi kuaisamatankin Dios ënkankëxa.

Deuteronomio 32:6

¿Mitsun kaina usakin Nukën ꞌIbu ꞌati ꞌain? Mitsux kamina ñu ꞌunánkëma ꞌain, usa ꞌaish kamina ñu ꞌunánkëmabu ꞌain. ¿Ax kara min papa ꞌianan an mitsu unio ama ꞌik? ¡An ka mi uniotankëxun mi anun tsóti ꞌinánkëxa!

Deuteronomio 32:9

usakin ka Nukën ꞌIbu Jacobnën rëbúnkikama, aín uni ꞌiti kaisakëxa.

2 Timoteo 2:19

Unían bëtsi bëtsi ñu sináncë ꞌaínbi ca sinanatëcë́ntima oquian, xënibua ꞌaínbi usabi ꞌiti oquin, Nucën Papa Diosan ꞌinan bana, ënëx ësai quia: “Uicamax cara asérabi ainan ꞌicë quixun ca Nucën ꞌIbu Diosan ꞌunania”. Quianan ca ësairibi quia: “Uicamax cara —ꞌëx cana Cristonan ꞌai —quia, an ca ñu ꞌaisama ꞌati ënti ꞌicën”.

Tito 2:14

Jesucristo ca ꞌitsianxmabi nu cupí bamacëxa, nun ꞌuchacama tërë́nxunquin Nucën Papa Diosbë upí ꞌinun ië́mianan nun sinan upí ꞌixúnu bëtsi ñu sinántëcënquinma ax cuëëncësabi oquinshi ꞌanun.

Apocalipsis 5:9

Carnero ꞌicësaribitia unin ꞌucha cupí bama, ami bësuax ca cantati ió cantaxa, ësai qui: —Min camina bëtsibë sënë́nmaira ꞌixun a quirica anúan tacáshcacë pëóshxun bacati ꞌain. Mix bamax baísquia ꞌixun camina nucama bëtsi bëtsi unibu, bëtsi bëtsi banan banacë, ꞌimainun camabi nëtënuax ucë, ꞌimainun bëtsi bëtsi ꞌapuñu unicama, Nucën Papa Diosnan ꞌinun ië́mian.