Isaías 42:4 - Kashibo-Kakataibo Biblia

⁴ Usai ꞌika tantimabi ꞌianan kana ꞌaima kixunbi sinántima ꞌikën, kamabi menu ꞌikë unikamaxa ax kikësabiokin ꞌai sënë́ntamainun Axa parúmpapa nasíkamanu ꞌikë unikama atun ka an ꞌunánmikësabi okin ꞌati ꞌikën.”

Isaías 42:4 ပူးပေါင်းရင်းမြစ်များ

Génesis 49:10

Uínbi ka aín kushi Judá bikuantima ꞌikën, ꞌimainun ka aín manë tsati ꞌapun tuinkë ꞌikëa tuinkë a bikuantima ꞌikën, a manë tsatin ꞌibuka unuxun ꞌaia usa ꞌain ka kamabi menu ꞌikë unikaman ax kikësabiokin ꞌanuxun ꞌaia.

Salmos 22:27

Kamabi ñakánu ꞌikë Israel unibu ꞌimainun, bëtsi nëtënu tsókë unikamanribi ka ami sinánkin Dios rabiti ꞌikën; ¡usakin ꞌai ka an ismainunbi rantinpuruni tsóbukanti ꞌikën!

Isaías 40:22

Dios ax ka an me bëararakë kuman batsisa naí meu ꞌikë a manámi tsótaxa, usa ꞌixun ka kamabi uni champura ꞌakësa okinshi isia. An ka chupa ꞌakësokinshi naíkamë ꞌëo pëokaia, ꞌanan ka anu ꞌiti chupa këxtú pëokakin pëninkësa okinshi ꞌaia.

Isaías 40:28

¿Mitsun kaina ꞌunaniman? ¿Mitsun kaina a kuakëma ꞌain? Nukën ꞌIbu Dios ax ka uínsaranbi këñutima oi tsókë a ꞌikën, an ka kamabi me uniokin anu ꞌikë ñukamaribi uniokëxa, usa ꞌaish ka ax atsanx kana ꞌakasmati kiax kima; ꞌianan ka ax sinánñuira ꞌikë ax nëtë́tima ꞌikën.

Isaías 41:5

Axa parúmpapa nasínu ꞌikë ëmakamanu tsókë unikama ax ka a isi ꞌitsaira rakuë́kankëxa; usai ꞌimainun ka mekama shaíki kamabi mex shaíkiakëxa. Usai ꞌikëbë timë́xun ka ꞌaia kixun iskanti ꞌikën.”

Isaías 42:10

Anun kantakëma kanta ió anun kamina Nukën ꞌIbu rabi kantakanti ꞌain; rabikin ka uinu kara me kuainakëakëxa anu tsóa unikama atúnribi rabiti ꞌikën, ꞌamainun ka uikamax kara aín manë nuntin parúmpapan kuania akaman ꞌamainun, ka parúmpapanu ꞌikë ñuinakama anribi rabiti ꞌikën, ꞌamainun ka parúmpapa nasínu tsóa unikama atúnribi rabiti ꞌikën.

Isaías 42:12

ꞌUsakin ꞌakin ka Nukën ꞌIbu axa parúmpapa nasínu ꞌikë mekamanu ꞌikë unikama atúnribi rabiti ꞌikën.

Isaías 42:21

Nukën ꞌIbu an ka ax Dios ië́mianankë ꞌixun, aín bana ax ka chaiira ꞌianan kushi ꞌikë kixun ꞌunánmisa tankëxa:

Isaías 49:1

Axa parúmpapa nasínu ꞌikë ëmakamanu ꞌikë unikaman ka upiokin sinánkin kuati ꞌikën, ꞌimainun ka bëtsi bëtsi ëma ꞌura ꞌikë anu ꞌikë unikamanribi ꞌëx kia kuati ꞌikën: Nukën ꞌIbun ka ꞌën titan ꞌë tuakëma pain ꞌikëbi ꞌë kaisakëxa; usa ꞌixun ka ꞌën titan puku ꞌukë mëu ꞌikëbi ꞌën anën ꞌë anëakëxa.

Isaías 55:5

Min kamina ëma ꞌunánkëma kamanua; ꞌikë an mi ꞌunánma ëmakamanua bënëkuatsinia ukanun kuëënti ꞌain, usokëx ka atux abákuatsini minu ꞌuti ꞌikën, ꞌëx min ꞌIbu ꞌianan Israel unikaman Dios upíira ꞌixun kana ꞌën mi uisakinbi katima ꞌimian.

Isaías 60:9

Tarsisnu ꞌikë manë nunti kama ax ka atu rëkuëonbiani manë nunti kama raíri abë biranan kuatsini kuankin, Jerusalénnu ikë unikama bëi ukin, mitsun bëchikëkama ꞌurakëo bëanan, kuri manë uxua akama bëti aka ax ꞌikën, a ñukamax ka min ꞌIbu Israel kaman Dios upíira a bëxunkë ꞌiti ꞌikën, an ka kushiira ꞌixun mitsu ꞌakiankëxa.

Isaías 9:7

Ax ka anua David tsóa anubi tsóti ꞌikën; usa ꞌikë ka ax kushiira ꞌixuan ñu ꞌaia kamabi menuxun kuati ꞌikën ꞌimainun ka chuámarua uni tsóti ax këñutima ꞌikën; usa ꞌixun ka uínsaranbi axa ꞌapu ꞌia ax ënkëma anubi ꞌiti ꞌikën, usa ꞌain ka an ꞌakë ñukama ax upíokin ꞌakë ꞌianan, an bërí pëukin ñu ꞌakë ax uínsaranbi nëtë́tima usabi ꞌiti ꞌikën. Ësokin ka Dios kamabi kushiñuira an ꞌitsaira unikama nuibakin ꞌati ꞌikën.

Daniel 9:24

Setenta semana ax ka (cuatrocientos noventa baritia inuti ñui kikë ꞌikën) min unikama ꞌimainun min ëma upí a inuti ꞌikën, inutankëxun ka ax bana kuaisama tani ꞌikëkama ꞌimainun aín ꞌuchakë kamaribi ënti ꞌikën. Usai ꞌia ka Diosan aín ꞌuchakëkama unikama tërënxunti ꞌikën, usakin ꞌakin ka uníxa bëtsibë bëtsibë xënibua ꞌaínbi nuibananti a nanti ꞌikën. Usai ka min namákësokin iskë ꞌimainun an bana ñuikë Jeremías ax kiásabi oi ꞌiti ꞌikën, ꞌianan ka upíira kakë anu ꞌikë ax upíira ꞌitánun mëníokë ꞌiti ꞌikën.

Mateo 12:21

Judíosma unibunëxribi ca ami catamëti ꞌicën, an ca atu ꞌaquinia quixun ꞌunani.

Marcos 3:3

Bërúancëxunbi ca aín mëcën bamacë uni Jesusan cacëxa: —Nirucuatsini ca nëri ut.

Romanos 16:26

Nucën Papa Diosan sinánmicëxun ca aín unicaman, Cristo ca uti ꞌicë quixun cuënëocëxa. Usai ca ꞌiti ꞌicë quixun ca Nucën Papa Dios, axa bamatimoi tsócë, an mëníocëxa. A bana cuënëo ꞌicëbi ca uisai quicë cara ax ꞌicë quixun unin ꞌunánma ꞌicën. ꞌUnánma ꞌaínbi ca bërí camabi nëtënu ꞌicë unicaman Cristomi catamëquin aín cuëëncësabi oquin ꞌanuxun ꞌunánti ꞌicën.

1 Corintios 9:21

Usa ꞌaínbi cana judíosma uni, an Moisésnën cuënëo bana ꞌunáncëma, acamabë ꞌixun Jesucristomi sinánun ꞌunánmiti cupí atux ꞌicësaribiti ꞌinux, usaía judíos unicama ꞌinun Moisésnën cuënëo bana manucësa ꞌian. Usai ꞌibi cana Jesucristonan ꞌaish Nucën Papa Diosan bana quicësabi oi ꞌin.