Isaías 42:3 - Kashibo-Kakataibo Biblia

³ pëkú pëchi sitan ꞌakin pësínpakë aka xanun ꞌaisama ꞌikë putia. Usa ꞌaínbi ka ꞌën bakë bëchikënën uni ꞌaisama ꞌaísha ꞌuchañu ꞌainbi ainan ꞌisatania kuantanun katima ꞌikën. Tirí bënabuti kuínkësa ka axa ami sinanibi ami kushikëma uni ax ꞌikën. Usa unibi ka aina ꞌiaxma kuantanun katima ꞌikën. Anun kamabi ñu ꞌaisama këñuti nëtë utamainun ka aín kushinbi amia katamëkë unikama ꞌakinti ꞌikën.

Isaías 42:3 ပူးပေါင်းရင်းမြစ်များ

Salmos 96:13

usai ꞌika Diosan ꞌismainun kantati ꞌikën! ¡Ax ukin ka ënë menu ꞌikë ꞌapu ꞌixun ꞌakinti ꞌikën, ꞌakianan ka kamabi menu ꞌikë ëmakamanu ꞌikë unikamaribi ꞌakinkin asérabi an ñu upíokin ꞌati ꞌikën!

Isaías 2:4

Diosan ka bëtsi bëtsi menu ꞌikë unikama ꞌakanantëkënima upitax bukunun ꞌitsaira uni uinu kara tsotia anuabi ꞌimiti ꞌikën. Usakin ꞌimikëxun ka atun manë xëtokë anua ꞌakanankë a anun ñu mëëkin me anun naëti ꞌanan, aín paka pia akamaribi anun bimia ñu ꞌapákë tëakin biti taxuñu okin ꞌati ꞌikën. Usokin ꞌaxun ka uinu ꞌikë ëma kamanuxunbi bëtsibë ꞌakananuxun anúan ꞌakanankë a bitëkëntima ꞌikën. Usonan ka uisai ꞌakánanti kara kixun uínbi bëtsi ꞌunámitima ꞌikën.

Isaías 40:11

ꞌIanan ka an ñuina bërúankë unían aín ñuina bërúankin; aín ñuinakama nuibakin aín shikami okin ꞌikúkin bixun tuianan, axa bërí bakënkëkamaribi bëruinra okë usaribi okin ꞌaia.

Isaías 42:2

Usa ꞌain ka munuma banai kushin kiabi, ain bana ëman nikë unikaman kuakëma ꞌiti ꞌikën,

Isaías 50:4

Nukën ꞌIbun ka ꞌë ñu ꞌunánmiaxa atsánkë unikama bana ñuixunkin kuëminun. ꞌIanan ka pëkarakëma ꞌain ꞌaínshi ꞌëa kakëxun munu aín bana kuanun ꞌë kaxa.

Isaías 63:1

¿Ui kara axa Bosrá kakë ëma chaiira Edom kakë menua ꞌikë anuax ai, aín chupa chëxëira tsákatsaka okë upíira a pañuax ain kushibëshi ukë ax ꞌik? ꞌËx kana kana kanan kixun ꞌupiokin ñu ꞌakë a ꞌianan, kushiira ꞌixun an uni ië́miti a ꞌain.

Isaías 66:2

¡ꞌËnbi kana kamabi a ñukama ꞌakën, usakin ꞌakëx ka asérabi ñu mërati ꞌiakëxa! ꞌËx min ꞌIbu ꞌaish kana usai kin. Uni ñuñuma ꞌianan axa tëmërai tsókë uni ami kana ꞌëx sinanin, usa ꞌain a unikaman ꞌën bana kikësabiokin upíokin ꞌati ꞌikën.”

Isaías 9:7

Ax ka anua David tsóa anubi tsóti ꞌikën; usa ꞌikë ka ax kushiira ꞌixuan ñu ꞌaia kamabi menuxun kuati ꞌikën ꞌimainun ka chuámarua uni tsóti ax këñutima ꞌikën; usa ꞌixun ka uínsaranbi axa ꞌapu ꞌia ax ënkëma anubi ꞌiti ꞌikën, usa ꞌain ka an ꞌakë ñukama ax upíokin ꞌakë ꞌianan, an bërí pëukin ñu ꞌakë ax uínsaranbi nëtë́tima usabi ꞌiti ꞌikën. Ësokin ka Dios kamabi kushiñuira an ꞌitsaira unikama nuibakin ꞌati ꞌikën.

Jeremías 31:25

Anuxun kana axa numikëkama a ain piti ꞌinánan, axa xëaima kushiñuma ꞌi atsánkë akaman xëati ñu ꞌitsaira ꞌinun ꞌimiti ꞌain” Kiax kiakëxa.

Ezequiel 34:16

ꞌËnbi kana ꞌën unikama ovejakama ꞌarakakë ꞌikësaia amami amami kuani nëtë́këkama a bëtëkënti ꞌain, bëkin kana axa ꞌinsínkë akamaribi ronkin chupa sanin aín taëmi ñukë tëkërëkaxuanan, axa ñusmakëkamaribi kushinun bërúanti aín, ꞌanan kana xuabu ꞌimainun aín kushibu akamaribi bërúankin. ꞌËn kamabi atu bërúanti ꞌain.

Mateo 11:28

Nucën Papa Diosan mi upí isnun quixun ꞌaisamaira ñu ꞌanan unin cacë ñuribi ꞌai bënëti atsáncë ꞌixun camina ꞌëmi catamëquin ꞌën mi ꞌaquinun ꞌë cati ꞌain. Cacëxun cana a ñucama mëníoquin ꞌënan ꞌaíshmi tanti ꞌicësaribitimi upí oquin sinani cuëënun mitsu ꞌimiti ꞌain.

Mateo 12:20

Pëcú pëchi sitan oquin pësínpacë a ca xanun ꞌaisama ꞌicë putia. Usa ꞌaínbi ca ꞌën Bëchicënën uni ꞌaisama ꞌaísha ꞌuchañu ꞌaíshbi ainan ꞌiisa tania cuantánun xutima ꞌicën. Lamparín bënabuti cuíncësa ca axa ami sinanibi ami cushiiracëma uni ax ꞌicën. Usa unibi ca ainan ꞌiaxma cuantánun xutima ꞌicën. Anun camabi ñu ꞌaisamacama cëñuti nëtë utámainun ca aín cushínbi ami catamëcë unicama ꞌaquinti ꞌicën.

Juan 20:27

Atu catancëxun ca Tomásribi cacëxa: —Min mëcën rëbun ca ënu ticat, ꞌën mëcën rabë́ribi ca is. ꞌËn pichánpurunu min mëcën atsínmiquin ca tan. ꞌËx cana ama ꞌai quixun sinánxunma ca ꞌëx cana asérabi Jesús ꞌai quixun sinan.

Juan 5:30

Ësaquinribi ca Jesusan cacëxa: —ꞌËn cana ꞌënbi sinánquin ñu ꞌaiman. ꞌËn Papan ꞌë cacësabi oquin cana ꞌën, cara castícancë ꞌiti ꞌicën, cara castícancë ꞌitima ꞌicë quixun uni cain. ꞌËx cuëëncësoquin ꞌaquinma cana an ꞌë xuá, axa cuëëncësabi oquin ñu ꞌain. Usa ꞌain ca ꞌën uni cacë banax asábi ꞌicën.

Apocalipsis 19:11

Usaquin ángelnën cacëxun cana naí panárabëcë isan. Anuaxa caballo uxua chiquitia cana isan. Ax a caballonu tsócë, ax ca Aín Quicësabi Oquin ꞌAcë caquin anëcë ꞌianan ca An Uni Paráncëma caquin anëcë ꞌiaxa. Usa ax ꞌixun ca ꞌatima unicama a uisoquin cara ꞌaisa tania usoquin castícanan axa upí sinánñucama a upí oia.