Isaías 42:25 - Kashibo-Kakataibo Biblia

²⁵ Usa ꞌain ka atumi nishkin an tëmëramiti, ami nishkë unikaman bënë́kinshi ꞌakanankin ꞌanun ꞌamiakëxa; usakin Nukën ꞌIbun ꞌakëxunbi ka ꞌunánkinma kuaisama tankankëxa.

Isaías 42:25 ပူးပေါင်းရင်းမြစ်များ

2 Reyes 25:9

usakin xukëx kuanxun ka anuxun Dios rabiti xubu akëñun anua ꞌapu tsókë aín xubu a ꞌanan kamabi uni ñu ꞌunánkë a ëmanu ꞌikë xubukamaribi nëankëxa,

Job 40:11

Axa ꞌëx kana uni itsisamaira ꞌai kixun sinani rabiakakë unikama a kamina: mix atumi nishkin min kushínbi uisa kaina oisatani usakin ꞌati ꞌain.

Jeremías 7:20

Usa ꞌain kana ꞌëx Dios ꞌaish asérabi kin, ënë me ꞌianan unikama ꞌimainun ñuinakama, nikama, ꞌianan ñu ꞌapákëxa tuákë akamami kana ꞌitsaira nishan. Usa ꞌain ka ꞌëx nishkë ax ërë́ruia tsi bënantisama usaribi ꞌiti ꞌikën.

Malaquías 2:2

Mitsun kamina ꞌëx kikësabiokin ꞌanan asérabi ꞌë rabikanti ꞌain. Usakin ꞌaiama kana ꞌën mitsu ꞌatima okin sinánxunti ꞌain. Usa ꞌainbi mitsun ꞌën kikësokin ꞌaiama okin, kana sacerdote ꞌixunmi bikë ñukama aribi mitsu bikuanti ꞌain, usa ꞌain kana ësokin mitsu ꞌati pëuan mitsun kamina ꞌë rabitisama tankanin.” Usai ka Dios kamabi kushiñuira ax kiaxa.

Deuteronomio 32:22

ꞌËx xuamati nishkë ax ka tsi rëkiruia iskësa ꞌiaxa, usai ꞌikin ka kamabi ꞌain bashi chairukë; a menu kookë ñu bimiñu xaronan; ꞌain bashi chairukë a tanain ꞌikë me anubi tsi rëkirukënën ñu këñukësa usa aín nishkë ꞌiti ꞌikën,