Isaías 42:24 - Kashibo-Kakataibo Biblia

²⁴ ¿Uin kara Israel unikama Jacobnën rëbúnkikama a raíri ꞌanan bibiankin ain menu buánun ꞌamiakëx? ¿An usakin ꞌakë ax kara asérabi Nukën ꞌIbun ꞌamikëma ꞌiakëx? Atux ka ami ꞌuchakëxa, usai ꞌikin ka an kakësokinbi ꞌakëma ꞌikën, ꞌianan ka ain bana ax kikësokinbi ꞌaíma ꞌianan, an ꞌunánmikësa okinbi ꞌaisama tankankëxa.

Isaías 42:24 ပူးပေါင်းရင်းမြစ်များ

Isaías 30:15

Usa ꞌain ka Israelkaman ꞌIbu upíira ax ësai kia: “ꞌËn bana kikësokin ꞌatëkëni kamina mitsux uínbi ubíokëma upiti bukui ië́kë ꞌiti ꞌain. Usa ꞌain kamina uínbi ubiokëma bukui ꞌëmi katamëti kushiñu ꞌikanti ꞌain.” ꞌAínbi kamina mitsun ꞌën kakëxunbi kuëënkáma ꞌain,

Isaías 42:23

¿Usa ꞌaínbi karamina uinu ꞌikë mitsukaman ënë banakama kikësabi oi ka ꞌiti ꞌikë kixun sinánkaniman? ¿Uix kara a banakama kikësabi oi kara ꞌia kixun kuatishi ꞌiti ꞌik?

Isaías 45:7

ꞌËn kana nëtë xabá ꞌinun ꞌimianan bëánkibukë aribi uniokën; ꞌimainun kana upia ñu ꞌinun ꞌimianan ꞌatimaribia ꞌinun ꞌimin. ꞌËx mitsun ꞌIbu ꞌixun kana usaía kamabi ñukama ñu ꞌinun ꞌimin.

Isaías 63:10

ꞌAínbi ka Nukën ꞌIbun kakëxun atun kuaisamatankëxa ꞌianan ka ꞌatimakin ñuikëx masá sinánkëxa; usakin ꞌakëxun ka axbi atumi nishkin atu ꞌakëxa.

Daniel 1:2

Usa ꞌain ka Diosanbi Nabucodonosornën ꞌapu Joaquím ñatankin binun ꞌamiakëxa, ꞌamikëxun bianan ka anuxun Dios rabiti xubunua ꞌikë ami xëatia ꞌakë ñukama kamaira bikinmabia binun bimiakëxa. Bimianan ka Nabucodonosornën aín suntárukamabëtan ñatankia bikë unikama aín me Babilonianu buánkëxa, ꞌimainun ka ami xëatia ꞌakë upibu anuxun Dios rabiti xubunua bikë akamaribi anuxun atun dioskama rabiti xubunu nankëxa;

Amós 3:6

¿manë banañu ëmanuxun banókë ax kara, anua unikama mëníokati ꞌakë ꞌik? Usa kat; ¿ñu ꞌaisama ëmanu inúkë ax ka Dios usai ꞌiti kuëënkëbëa ꞌikë ꞌiti ꞌik? Usa kat.

Mateo 22:7

Usoquian ꞌacëbë ca ꞌapu xuamati nishaxa. Nishquin ca an aín ñu mëëmicë unicama ꞌacë unicama ꞌanan aín ëma nëënun quixun aín suntárucama xuaxa. Cacëx cuanxun ca ꞌapun cacëabi oquin ꞌaxa.

Deuteronomio 32:30

¿Uisaxun kara achúshi unira ꞌixunbi mil uni abámiakëx? ¿ꞌIanan kara rabë́ratsu ꞌixunbi diez mil uni abámiakëx? ¡Nukën ꞌIbun ꞌakinkinbi ënkëka usakin mitsu ꞌakëxa!

Jueces 2:14

usokëbë Israel unikamami nishkin ka Nukën ꞌIbun an ñu mëkamakë unikaman atun ñu mëkamanun ꞌamianan, a rapasu ꞌikë unikaman an ꞌakinti ꞌaíma aín kupitanuma ꞌanun ꞌamiakëxa.