Isaías 42:14 - Kashibo-Kakataibo Biblia

¹⁴ Ësai ka Nukën ꞌIbu kiaxa: ꞌItsaira baritia inúkëbëbi kana ꞌëx uisaibi kiama ꞌain, usai ꞌën sinánxuama tani ꞌikinbi tënëi kana nishkëmasa ꞌiakën; ꞌaínbi kana bërí xanuxa aín tuá bakënux paë tani ini munuma kuënkëni raëti kushi uíni ꞌikë usairibi ꞌiti ꞌain.

Isaías 42:14 ပူးပေါင်းရင်းမြစ်များ

Isaías 30:18

ꞌAínbi ka Nukën ꞌIbu an upiokin ñu ꞌakë ꞌixun mitsumi sinania, usa ꞌixun ka an kamabi ñu upiokin mitsu nuibakin ꞌaia; an ka ax nuibanankëira ꞌikë kixun mitsun ꞌitsaira ꞌunánti kuëënia, Nukën ꞌIbu an ka ax xëshi Dios ꞌixun ñukama upiokin ꞌaia. ¡Usa ꞌain ka ami katamëtia ꞌakinti kuëënkë unikama kuëëinra kuëënti ꞌikën!

Isaías 64:12

ꞌImainun kaina ësai ñu ꞌikëbëtanbi mix Nun ꞌIbu ꞌixun, ¿añu ñubi ꞌatima ꞌain? ¿Usa ꞌain karamina mix uisaibi banaima ꞌianan mix ñuumarasa nunan ꞌiti aín?

Jeremías 15:6

Mitsux kamina ꞌën kakëxun kuaisama tani ꞌëmi manúkankën. ꞌËx Min ꞌIbu ꞌaish, kana asérabi ësai kin. Usa ꞌain kana ꞌurainra mitsu nuibati tënëxun, ꞌën ꞌakësa ꞌitanua axa mimi nishkë unikaman këñukin ꞌanun mitsu ëankën.

Lucas 18:7

¿An usaquin ꞌacë ꞌain cara Nucën Papa Diosan axa ainan ꞌinúan an caíscë aín unicama an nëtë́nbi, imë́bi a ñucácë, acama bërúanquin ꞌaquintima ꞌic? ¿Cara ꞌaquinquinma tënánpati ꞌic? Usama ca.

2 Pedro 3:15

Camina ꞌunánti ꞌain, axa ainan ꞌiticama camabi aín ꞌucha tërë́ncë ꞌinun ami catamënun quixun ca Nucën ꞌIbu Jesucristonën cainia. Nucën Papa Diosan sinánmicësabi oquin ca abë́nu nuibanancë nucën xucën, Pablonënribi quirica buánmiquin, usaribi oquin mitsu caxa.