Isaías 41:11 - Kashibo-Kakataibo Biblia

¹¹ Usa ꞌain ka kamabi axa mitsumi nishkë unikamax rabinkëbu ꞌianan ñuumarasabu ꞌiti ꞌikën; ꞌianan ka axa mitsubë ꞌakanankatsi kikë unikama achúshirabi nitánuma maërakatanun këñúkë ꞌiti ꞌikën.

Isaías 41:11 ပူးပေါင်းရင်းမြစ်များ

Éxodo 11:8

Usai ꞌikëbë ka an mi ñu ꞌaxunkë min unikama ënu uti ꞌikën, usa aín ka rantinpuruni tsóbukin aín ꞌapu ꞌakësokin ꞌë ñukákanti ꞌikën: Ënuax kuankin, kamina min unikama buánti ꞌain. ꞌUsakin ꞌë ꞌakëma ꞌaish kana kuantima pan ꞌain. Usakin katankëx ka Moisés faraónën xubunuax nishkë ꞌaish chikíakëxa.

Éxodo 12:29

A imë́ naëx ka Nukën ꞌIbun egipcio unikaman rëkuë́n bëchikëkama këñumiakëxa faraónën rëkuë́n bëchikë aín papa ꞌikësaribitia ꞌapu ꞌiti aribi amiakëxa, ꞌimainun ka sipunu ꞌikë unin rëkuë́n bëchikë kamakëñunbi ꞌain ñuinanën rëkuë́n tuákamaribi këñumiakëxa.

Isaías 40:17

Kamabi menu ꞌikë ëmakamax ka an iskëx ñuumara ꞌikën; usa ꞌaish ka an iskëx anu ꞌikë unikamax kushima ꞌikën.

Isaías 40:2

ꞌakianan kamina kuëëntanun nuibakin Jerusalénnu tsóa unikama a atúan tëmërakin bëtsi uni ñu mëëxuan a ka këñúaxa kixun kati ꞌain, kanan kamina atúxa usai ꞌikë anunbi ka ꞌën kakëxuan atun kuaisamatan a kupíoxa kixun kati ꞌain, ꞌënbi kana ꞌëmi ꞌitsaira ꞌuchaia rabë́ okin atu ꞌatima okën.”

Isaías 41:24

¡ꞌAínbi kamina mitsux añu ñubima ꞌain ꞌimainun kamina añu ñubi ꞌaisama ꞌain! An mitsu kaískë unikama ax ka upíokin iskëma ꞌiti ꞌikën.

Isaías 41:29

¡Akama achúshinëxbi ka añumabi ꞌikën! Usa ꞌixun ka añu ñubi ꞌaima; usa ꞌain ka unin a rabinuxun uniokë ñu usaribi ꞌaish ñankáishi ꞌikën.

Isaías 45:24

kiti ꞌikën: Nukën ꞌIbun ka ax kushiira ꞌixun kamabi axa ami nishkë unikama ꞌati ꞌikën. Usa ꞌain ka uikamax kara ꞌëmi nishi ꞌë istisama tania akamami uni kuaiti ꞌikën.

Isaías 49:25

Ësai ka Nukën ꞌIbu asérabi kiakëxa: “Kushi uni aka ꞌakanankian bikë ñukama a bëtsi unin bikuanti ꞌikën, ꞌianan ka ꞌapu ꞌatimaira sinánñu a bëtsi unin aín ñukama bikuanti ꞌikën. ꞌËn kana axa mitsubë nishanani kuëbikanankë uni a kamabëtan isti ꞌain; ꞌianan kana mitsun bakë bëchikëkama ië́miti ꞌain.

Isaías 49:26

ꞌËn kana an mi ꞌatima okë unikama aín namibia pinun ꞌamiti ꞌain, usakin ꞌamianan kana aín imibi xëatankëxa paë bata vino ꞌakë xëatankëx ꞌikësai paënun ꞌimiti ꞌain. Usakin ꞌaia ka unikaman ꞌëx aín ꞌIbu ꞌixun atu ië́mia kixun ꞌunánti ꞌikën, ꞌëx kana kushiira ꞌixun an Jacobnën rëbúnkikama ꞌakianan, tëmëraiabi chikian a ꞌai kiax ka Dios kiakëxa.”

Isaías 54:15

Uin kara mi ꞌaisatankin ꞌaia, ax ka ꞌën ꞌamikëxun mi ꞌakëma ꞌiti ꞌikën, ꞌaínbi kamina min ira kanankin atu ꞌati ꞌain.

Isaías 54:17

ꞌaínbi ka uínbi anun ꞌakanankin ñu anun masókin ꞌati uniokëma ꞌikën. Mitsun kamina an usa ka atux ꞌikë kixun mitsu ꞌuchokëkama a uisa bananbi bananun kimitima ꞌain. Ësokin kana axa ꞌëmi katamëkë unikama ꞌamiti ꞌain: usokin ꞌakin ka atun ñusmoti ꞌikën.” Ësai ka Nukën ꞌIbu asérabi kiakëxa.

Jeremías 2:3

Israel unikama ax ka upíira ꞌinun ꞌën kaískë ꞌaish ñu bimi upíirabu usaribi ꞌikën. Usa ꞌikëbia an ꞌatima okë unikama akana uisa ñubi kara anu ꞌimikin ꞌën ꞌatima okën. ꞌËx Dios ꞌaish kana usai kin.

Daniel 4:35

An iskëx ka kamabi menu tsókë unikama ñuumara ꞌikën. An ka uisakin kara ꞌaisatania usakin naínu ꞌanan menuribi ñu ꞌaia. Usa ꞌain ka an usakin kamina min kushi ñu ꞌatima ꞌai kixun kanan, uisa kupín kaina usakin ñu ꞌai kixun an kati uni ꞌaíma ꞌikën.

Hechos 16:39

Racuëti anu cuanxun ca Pablocëñun Silas cacëxa: —Mix camina románo uni ꞌaish quiricañu ꞌain quixun ꞌunánxunma cananuna mi ꞌón. Caquin ëman buánxun ca —ënë ëmanuax camina cuanti ꞌai —quixun cacëxa.

Apocalipsis 3:9

Usa ꞌain cana ñunshin ꞌatimanën ꞌapun sinánmicë unicama axa, ꞌëx cana asérabi judío uni ꞌai quibi cëmëi ꞌëmi sináncëma unicama a mitsun bana cuatia mitsumi sinánun ꞌimiti ꞌain. ꞌImicëxun ca ꞌunánti ꞌicën, ꞌën cana asérabi mitsu nuibati quixun.