Isaías 40:8 - Kashibo-Kakataibo Biblia

⁸ Usa ꞌain ka xubi ax ëski chushimainun ro ua axribi chushi xanania, ꞌaínbi ka Nukën ꞌIbu Diosan bana, ax xënibua ꞌaínbi usabi ꞌiti ꞌikën.”

Isaías 40:8 ပူးပေါင်းရင်းမြစ်များ

Números 23:19

Dios ax ka nusama ꞌikën: ax ka këmëi bananan bëtsi okin sinántëkëkini kima. Uisa ñu ꞌakatsi kara ax kia a ka asérabi ꞌaia. Uisa ñu ꞌanux kara kiáxa a ka asérabi ax kikësabiokin ꞌaia.

Mateo 24:35

Naí, me, acamax ca cëñúti ꞌicën, ꞌaínbi ca ꞌën banaxa nëtë́imoi usabi ꞌain camabi ñu ꞌëx quicësabi oi asérabi ꞌiti ꞌicën.

Mateo 5:18

Cana mitsu asérabi cain, naí ꞌimainun mecama cëñúcëma pain ꞌain ca a banacama quiásabi oi ꞌiti ꞌicën. Usai ca ꞌiti ꞌicë quiáxa quiá ꞌain ca achúshi banabi usai ꞌicëma ꞌitima ꞌicën.

Marcos 13:31

Naí, me acamax ca cëñúti ꞌicën, ꞌaínbi ca ꞌën banaxa nëtë́timoi usabi ꞌain camabi ñu ꞌëx quicësabi oi asérabi ꞌiti ꞌicën.

Juan 10:35

Cananuna ꞌunanin, Nucën Papa Diosan bana cuënëo a ca unin —asérabima ca —quixun catima ꞌicën. Usa ꞌain ca an asérabi ami sinánquin aín bana cuacë unicama Nucën Papa Diosan “ꞌËn bëchicë ꞌaish camina dioscama ꞌai” quixun cacëxa.

Juan 12:34

Usaquian cacëxun ca unicaman Jesús cacëxa: —An Nucën Papa Diosan bana cuënëo uni ñuixuncë unían a bana isquin unicama ñuixunia cananuna cuan, ax ca ësai quia, Cristo ax ca nëtë́timoi xënibua ꞌaínbi ꞌiti ꞌicën. ¿Usa ꞌaínbi caramina min, axa Nucën Papa Diosnuax uni ꞌinux uá, ax ca i curúsocënu matáscë ꞌiti ꞌicë quixun nu cain? ¿Ui cara Nucën Papa Diosnuaxa uni ꞌinux uá ax ꞌic?

1 Pedro 1:25

Usa ꞌaínbi ca Nucën ꞌIbu Diosan bana xënibua ꞌaínbi usabi ꞌia. Ënë banax ca —Jesucristomi catamëti ca uni Nucën Papa Diosnan ꞌiti ꞌicë —quixuan aín unicaman mitsu ñuixuncë a ꞌicën.