Isaías 40:6 - Kashibo-Kakataibo Biblia

⁶ Achúshi unix ka ësai munuma banai kia: kia kana ꞌën ñukan: “¿Uisai karana ꞌëx munuma banai kiti ꞌain?” Kakëxun ka an ꞌë kaxa. Ënë bana kamina munuma banai kiti ꞌain kixun ka ꞌë kaxa. “Kamabi unix ka xubi kókë usaribi ꞌikën, ¡aín tsóti ax ka ñu ua naënu kotankëxi bëríbi nëtë́kë usa ꞌikën!

Isaías 40:6 ပူးပေါင်းရင်းမြစ်များ

Job 14:2

Usai ꞌi ka ñu uá pëókintankë́xa barin ꞌakëx núkakësa usaribiti ꞌia; ꞌianan ka ñun tupënaxa bënëtishi nëtë́kësa usaribiti ꞌia.

Isaías 40:3

Achúshi ángelnëx ka munuma banai ësai kia: “Nukën ꞌIbu ka ꞌaia kamina anu uni ꞌikëma menu bai mëníoxunti ꞌain, a kamina Nukën ꞌIbu Dios ꞌaxunti ꞌain, ax ka achúshi bai chaiira puntë ꞌianan naxba anu ñu ꞌirukëma me ꞌiti ꞌikën.

Isaías 58:1

Nukën ꞌIbun ka ësokin ꞌë kaxa: “Rakuëtimaishi kamina munuma banai kiti ꞌain, usai ꞌi kamina manë banañu banokëx ꞌikësa min bana ꞌinun kushin banati ꞌain; usai ꞌikin kamina ꞌën kaísa unikama atun ꞌakë ꞌatima ñukama ñuikin kati ꞌain, ax ka Jacobnën rëbúnkikama ꞌikën atun ꞌuchakëkamaribi ñuikin kati ꞌain.

Jeremías 2:2

Anu kuanxun kamina Jerusalén ëmanua ꞌikë unikama; munuma kuëníshkin upíokian kuanun kati ꞌain: ¡Ësakin mitsu kanun ka Nukën ꞌIbu kiaxa! ꞌËn kana bëná pain ꞌixunmi ꞌën kakësabiokin ꞌá a sinanin, usa ꞌixun kamina an biti unían mëratiokëxun xanun nuikësa ꞌinun mitsun ꞌë nuibakën, ꞌimainun kamina anu uni ꞌikëma me anu ñu ꞌapátisama anuxunbi ꞌë ꞌakiankën.

Jeremías 31:6

Usa ꞌain ka anúan an bërúankë unikama, munuma kuënkëni Efraínnën matákamanuax kiti achúshi nëtë ꞌiti ꞌikën. Mitsux kamina anuxun Nukën ꞌIbu Dios rabi Jerusalénnu kuanti uti ꞌain kiax ka kiti ꞌikën. Ax ka nukaman Dios ꞌikën.”

Oseas 5:8

¡ꞌAkanankëbëtan a banokë ñuina manchan Guibeánuxun banoti ꞌain, ꞌanan kamina manë banoti aribi Ramá anuxun banoti ꞌain! ¡ꞌAnan kamina ñu ꞌikëbë banati nankë aribi Bet-avénnuxun banamiti ꞌain! ¡ꞌAnan kamina anun bënëtishi mëníokati ñu aribi Benjamínën me kamanuxun bana oti ꞌain!