Isaías 40:5 - Kashibo-Kakataibo Biblia

⁵ Usa ꞌain ka Nukën ꞌIbun aín, kushia isnun ismiti ꞌikën. Ismikëxun ka kamabi unin timë́xun isti ꞌikën, usai ka Nukën ꞌIbu ax kiaxa.”

Isaías 40:5 ပူးပေါင်းရင်းမြစ်များ

Salmos 72:19

aín anë upíira ax ka xënibua ꞌaínbi sinánkë ꞌiti ꞌikën. ¡Usa ꞌain ka aín kushi ax xënibua ꞌaínbi kamabi menu ꞌikë unikaman ꞌunánkë ꞌiti ꞌikën! ¡Usa ka ꞌiti ꞌikën ashi!

Salmos 96:6

¡Anua ax ꞌikë anu ka chaiira ꞌitánun upíokin pë́kakë ꞌikën! ¡Anua ꞌikë anu ka aín kushin ꞌikë usa ꞌaish ka upíira kakë ax upíokin pë́kakë ꞌikën!

Éxodo 16:7

ꞌanan kamina imë́ishi pëkarakëbëtan ka Nukën ꞌIbun ain kushin usakin ñu ꞌaia kixun mitsun isti ꞌain; an ka mitsun ꞌatimai ami banakankëxun kuaxa. ¿Uisa kupín karamina mitsun nux karanuna ui ꞌai kixun ꞌunánima banain?

Isaías 1:20

ꞌaínbi kamina abi ñunshinakëkin kakëxunbi ñu ꞌakani, an mitsu ꞌakinti ꞌaíma ꞌain ꞌakanankënuax bamakanti ꞌain.” “Usakin mitsu kanun ka Diosanbi ꞌë kaxa.”

Isaías 11:9

Kamabi ꞌën bashi upíira anu ka: an uinu ꞌikë unibi ꞌatima oti ꞌaíma ꞌiti ꞌikën, usa ꞌain ka parúmpapanua ꞌumpax buákirukësa usai ꞌia kamabi unin usakia Diosan ꞌa ñukama kuati ꞌikën, kiax ka kiakëxa.

Isaías 35:2

ꞌianan ka ro ua ax ꞌapákësa ꞌinun uábuti ꞌikën, usaía ꞌikëbë ka unikama ꞌitsaira kuëënti ꞌikën. Diosan ka a menu ni upíira ꞌimiti ꞌikë, Líbano menu ꞌikësa ꞌinun, ꞌimianan ka Carmelo kakë me upíira a ꞌimainun me sapan Sarón kakë usaribi ꞌimiti ꞌikën. Kamabi unikaman Nukën ꞌIbu ax ka kushiira ꞌianan, ꞌapuira ꞌikë kixun ꞌunánti ꞌikën.

Isaías 40:4

Kamabi me xëxañu ꞌianan bashi ꞌitsañu akamax ka me sapan ꞌinun nataka kikë ꞌiti ꞌikën, bashi tëpan ꞌimainun matá, mekama ax ka aín chairukëkama iskëma ꞌitánun mëníokakë ꞌikën, usai ꞌikëbë ka ꞌitsaira xëxákama ax nëtëtima ꞌimainun ain bashikama ax sapani aín rëbu iskëma ꞌiti ꞌikën.

Isaías 41:20

usakin ꞌakë ka kamabi unin iskin ꞌunánti ꞌikën, ꞌimainun ka upíokin sinanan kuati ꞌikën, ꞌëx aín ꞌIbu ꞌixun ka ënë ñukama ꞌën kushínbi ꞌa kixun ꞌunánkanti ꞌikën, ꞌianan ka ꞌëx Israel unikaman Dios upíira ꞌixun kana usakin ꞌa kixun ꞌunankanti ꞌikën.”

Isaías 49:6

ax ka ësai kia: ꞌËn uni ꞌixunmi min Jacobnën rëbúnki, Israel unikama axa ñuima ꞌiakama a aín ñakánubi utëkënun ꞌakinkë ax ka ꞌën iskëx sënë́nmara ꞌikën, ꞌën kana ꞌën tirísa ꞌixunmi bëtsi menu ꞌikë unikama bana ñuixuanan, uinu kara me kuainakëakëxa anubi kuankin bana ñuinun mi ꞌimiti ꞌain.

Isaías 52:10

Nukën ꞌIbun ka ax kushiira ꞌixun kamabi menu ꞌikë unikama aín kushi ismiaxa. Usa ꞌain ka kamabi menuxun unánti ꞌikën. Nukën ꞌIbu Dios an ka nu ië́miaxa kixun ꞌunánti ꞌikën.

Isaías 58:14

Ënë bana kikësa okinbi ꞌaia kana ꞌën mitsu kuëënun ꞌimiti ꞌain, ꞌianan kana ꞌën bëtsi menu ꞌikë unikama ꞌakin kanantankëxun atun me ami bëbarukin binun ꞌamiti ꞌain, ꞌimianan mitsun chaitiokë Jacobnën me ꞌia anuami kuëënun mitsu ꞌinánti ꞌain.” Usai ka Nukën ꞌIbu kiaxa.

Isaías 6:3

Usai ꞌika bëtsibë bëtsibë kánani ësai kiaxa: “Nukën ꞌIbu kamabi kushiñu ax ka upíira upí, upíira upí ꞌikën; kamabi an menu unio ñukaman ka ax ka kushiira ꞌikë kixun ꞌunania.”

Isaías 60:1

Ësai ka Isaías kiakëxa: Jerusalén ꞌimainun Judánu tsókë unikama mitsun kamina kuati ꞌain, Nukën ꞌIbu kamabi kushiñuira ax ka achúshi ñu pëkikësa mitsubë ꞌikën, usa ꞌain kamina mitsux ichu ichukikë anun rabumëkësa ꞌikanin.

Jeremías 9:12

¿Uin kara an ꞌitsaira ñu ꞌunánkë ꞌixun uisai kara ënë ñu ꞌia kixun ꞌunánti ꞌik? ¿Ui uni kara Diosan ënë ñukama unánmiaxa, an ꞌunánxua raíri unikama usa ka ñu ꞌikë kixun ñuixunun ꞌunanmiakëx? ¿Uisa kupín kara a menu ꞌikë ëma masókan ꞌaían anu uni ꞌiamasa ꞌain, anu uni ꞌikëma mesa ꞌain, anun uinu ꞌikë unixi nitëkënkëma ꞌiti ꞌik?

Joel 2:28

Usakin ënë ñukama pain ꞌatankëxun kana ꞌën Bëru Ñunshin kamabi uninu xuti ꞌain: Usa ꞌain ka mitsun bakë bëchikë bëbukama ꞌimainun ini bëchikë xanukama atun ꞌën bana ñuiti ꞌikën, ꞌamainun ka uni xënikaman namákin isti ꞌikën, ꞌimainun ka uni bënábu atúnribi namákësa okin isti ꞌikën.

Miqueas 4:4

Usa ꞌain ka kamabi uni rakuë́tima ꞌianan, upí tani atun ꞌapákë ꞌapákënu uvas ꞌimainun higueranën tupëonkënu tantikanti ꞌikën. ¡Ax ka Nukën ꞌIbu kamabi kushiñu aín banabi ꞌikën!

Habacuc 2:14

Usa ꞌain ka bakakaman a mi saëkin aín ꞌumpaxan parúmpapa buákarukë usaribi okin kamabi menu ꞌikë unikaman Diosan aín kushin ñu ꞌakë ꞌunánti ꞌikën.

Lucas 2:32

An ca Israel unibushima judíosma unicamaribi aín sinan upí ꞌinun ꞌimiti ꞌicën. Minan ꞌinúnmi caísa, Israel unibu, acama achúshi ꞌaish, a cupí ca camabi unin Israel unibu rabiti ꞌicën.

Lucas 3:6

Usoquian ꞌan ca ax uti ꞌicën. Axira ucëbëtan ca camabi unin, uisaira oquin cara Nucën Papa Diosan, unicama ꞌaquinquin ainan ꞌinun ië́miti ꞌicë quixun isti ꞌicën.

Juan 1:14

Nucën Papa Diosan Bana a ca bëtsi tuásaribi ꞌinun xanun bacë́ancëxa, uni ꞌinun. Nucën Papa Diosan sinánsaribi ꞌixun ca ënë menu ꞌicë unicama abë ꞌixun nuibacëxa. Ax aín Bëchicë Achúshi ꞌaish aín Papa Diossaribi ꞌaish aín sinan upíira upí cananuna isacën.

Juan 12:41

Ësaquin ca Isaíasnën cuënëocëxa, an Nucën Papa Diosan ꞌimicëxun Jesusan usoquin ñu ꞌati isanan bana ñuixunti iscë cupí.

Juan 17:2

Min camina ui unicama caramina min Bëchicë ꞌëmi sinánmi, acamaxa xënibua ꞌaínbi minan ꞌaish mibë ꞌinun ꞌiminun ꞌë can.

Hechos 2:17

Nucën ꞌIbu Diosan ca caia: Mecama cëñúcëma pain ꞌain cana unicamanu ꞌën Bëru Ñumshin Upí atubë ꞌinun xuti ꞌain. Xucëxun ca Israel unicama, xanu ꞌimainun bëbu, anbi ꞌëx quia bana uni ñuixunuxun ꞌaia. ꞌImainun ca bënábu unicamanribi ꞌën ismicëxun ñu isnuxun ꞌaia. Caniacëcë unicamanribi ca ꞌën ꞌamicëxun namánuxun ꞌaia.

2 Corintios 3:18

Usa ꞌain cananuna bëmápucucësama ꞌixun, Jesús ca asérabi Cristo ꞌicë quixun ꞌunani ami catamëti ainan ꞌain. Barían pëcaquin espejo ichucësaribi oquin ca Jesucristonënbi asaribi ꞌinun aín upí nu ꞌinania. Usaquian nu ꞌacëx cananuna bërámanu ꞌá ñucama ëuncubiani Jesucristo cuëëncësabi oi bëtsi sinánñu ꞌaish, asaribi ꞌin. Aín Bëru Ñunshin Upitanbia ꞌimicëx cananuna usai ꞌin.

2 Corintios 4:6

Nucën Papa Dios axa bëráma, “Bëánquibucë ca pëquiti ꞌicë” quiá, anbi ca Cristonëan nun nuitu mëúxun nu chuámashi tani cuëënquinu uisaira upí cara Nucën Papa Dios ꞌicë quixun ꞌunánun ꞌimiaxa.

Hebreos 1:3

Nucën Papa Dios ax ca unin sinánsamaira ꞌaish upíira ꞌicën. Usa ꞌain ca aín Bëchicë Jesucristo axribi asaribi ꞌicën. Usa ꞌain ca uisa cara ax ꞌiacëxa quixun ꞌunánquin unin ꞌunánti ꞌicën, aín Papa Dios ax ca asaribi upí ꞌicë quixun. An unio ꞌixun ca an unio ñucama, aín banánbia usabi ꞌinun ꞌimia. Usa ꞌaish ca camabi unin ꞌucha tërë́ncë ꞌinun bamax baísquitancëx, aín Papan nëtënu cuan ꞌaish aín mëqueu abë ꞌApu ꞌicën.

Apocalipsis 21:23

A ëma ca Nucën Papa Diosanbi pëcaia. Carnero ꞌicësaribitia unin ꞌucha cupí bama, anribi ca a ëma pëcaia. Usa ꞌain ca baribëtan ꞌuxën a ëma pëcaima.