Isaías 40:31 - Kashibo-Kakataibo Biblia

³¹ ꞌaínbi ka axa Nukën ꞌIbumi katamëkë: unikama ax kuni kushiñumasa ꞌima abi kushiakëkiani; tëtëkamë ꞌëo nuani nikë usai nitsi abatibi atsantima ꞌikën ꞌimainun ka usai nitsibi atsantima ꞌikën.

Isaías 40:31 ပူးပေါင်းရင်းမြစ်များ

Salmos 103:5

ꞌanan ka kamabi ñu upíbu ꞌë ꞌinania ꞌianan ka ꞌë bënátëkëni tëtëkamë ꞌëo ain rani rëukubutankëx amiribishi ꞌirutëkënkësa usairibi ꞌi ꞌëx kushi ꞌinun ꞌë ꞌimia.

Salmos 37:34

Nukën ꞌIbumi katamëkë ꞌixun kamina, min aín bana kikësa okinshi ꞌaxunti ꞌain, usakin ꞌaia ka anua aín bana ꞌakë unikama ꞌitia ꞌakë anu mi ꞌimiti ꞌikën, ¡Anuxun kamina min bërúnbi an ꞌatima ñuishi ꞌati sinánkë unikama Nukën ꞌIbun masókin ꞌatima oia isti ꞌain!

Salmos 40:1

Uisai karana Nukën ꞌIbumi katamëti ꞌai kixun kana ꞌën ꞌunánkën, usa ꞌain ka munuma banakin ꞌën kakëxun kuakëxa;

Salmos 84:7

usai anun kuani ka atux atiainra kushiñuira ꞌikanti ꞌikën, ꞌianan ka Jerusalénnu bëbakin anuxun a rabiti anua Dios kushiira a isti ꞌikën.

Salmos 84:8

Nukën ꞌIbu Dios kamabi kushiñuira, ꞌianan Jacobnën Dios, ¡ꞌën mi ñukákëxun kamina kuati ꞌain!

Éxodo 19:4

Mitsúnbi kamina isan ꞌën karana uisokin egipcio unibu tëmëramikin ꞌa kixun, ꞌimainun kamina uisobëtsinkin karana ꞌëx anu ꞌikë ënu mitsubëa kixun, ꞌën kana tëtëkamë ꞌëon aín tuá nuanmikin aín pëchin bëaraxun buankësa usaribi obëtsinkin bëruinra oxun mitsu bëan.

Proverbios 30:19

ax ka tëtëkamë ꞌëo suñun nuánkë a ꞌianan, runu maparanu nirikiani kuankë a ꞌimainun, manë nunti parúmpapa nëbë́tsinën kuankin baka tëabiankë a ꞌianan, unían aín biti xanu ënkinma nuikë akama ꞌikën.

Isaías 30:15

Usa ꞌain ka Israelkaman ꞌIbu upíira ax ësai kia: “ꞌËn bana kikësokin ꞌatëkëni kamina mitsux uínbi ubíokëma upiti bukui ië́kë ꞌiti ꞌain. Usa ꞌain kamina uínbi ubiokëma bukui ꞌëmi katamëti kushiñu ꞌikanti ꞌain.” ꞌAínbi kamina mitsun ꞌën kakëxunbi kuëënkáma ꞌain,

Isaías 30:18

ꞌAínbi ka Nukën ꞌIbu an upiokin ñu ꞌakë ꞌixun mitsumi sinania, usa ꞌixun ka an kamabi ñu upiokin mitsu nuibakin ꞌaia; an ka ax nuibanankëira ꞌikë kixun mitsun ꞌitsaira ꞌunánti kuëënia, Nukën ꞌIbu an ka ax xëshi Dios ꞌixun ñukama upiokin ꞌaia. ¡Usa ꞌain ka ami katamëtia ꞌakinti kuëënkë unikama kuëëinra kuëënti ꞌikën!

Isaías 41:1

“Ësai ka Dios kiakëxa, axa parúmpapa nëbëtsi ꞌikë nasínu bukukë unikama an ka nëtë́xun ꞌëx kia kuati ꞌikën. Bëtsi bëtsi menu tsókë unikamax ka kushi mëníokati ꞌikën. Uisai kaina mitsux tsóti anu banakin mëníonun kamina timë́kanti ꞌain; bërí kananuna timë́xun uisakin karanuna mëníoti ꞌai kixun isti ꞌain.

Isaías 64:4

Uinsaranbi ka uinu ꞌikë unínbi, anu ka misaribi bëtsi dios ꞌikë kixun ñuia unin kuananbi ꞌisama ꞌikën, usa ꞌain ka bëtsi dios an min ꞌakësokin an ñu ꞌakin, axa ami katamëkë unikama ꞌakinkin ꞌakë ꞌaíma ꞌiakëxa.

Isaías 8:17

Nukën ꞌIbu Dios an aín unikama Jacobnuaxa mërá, atu ꞌakinsama tankëbëbi kana ꞌëx ënima ami katamëtin. ꞌËn kana an ꞌakintishi kainin.

Lucas 18:1

Aín unix ca atsani, abë cana banatisama tani quixun sinanima, nëtë camabi Nucën Papa Diosbë banati ꞌicë quixun ꞌunánmiquin ca bana itsi ñuicësoquin,

Romanos 8:25

Usa ꞌaínbi cananuna usaquin nu ꞌimicëma pain ꞌixun usai ꞌiti cainin. Cananuna —bëtsi cana ꞌiti ꞌai —quixun sinánquinbi uisa caranuna ꞌiti ꞌai quixun ꞌunánquinmabi a isnuxun —asérabi ca usai ꞌiti ꞌicë —quixun cuëënquin cainin.

2 Corintios 4:1

Ësoquin cana mitsu cain, ꞌuchañuira ꞌicëbi nuibaquin sinanamixun ca Nucën Papa Diosan aín bana uni ñuixunun nu ꞌimiaxa. Usa ꞌain cananuna masá nuituquin ënquinma aín bana uni ñuixunin.

2 Corintios 4:16

Usa ꞌain cananuna masá nuituquinma aín bana ñuitiribi ëniman. Nucën nami axa abiira abi xënibucëbëtanbi ca Nucën Papa Diosan camabi nëtën ami catamëti cuëënun nu cushioia.

Gálatas 6:9

Usa ꞌain cananuna Nucën Papa Dios cuëëncësabi oquin ꞌaquin atsánquin ëntima ꞌain. Usoquin ñu upí oquin ꞌai cananuna ax quiásabi oi an ꞌaquincë ꞌianan aín nëtënu abë ꞌiti ꞌain.

Deuteronomio 32:11

Nukën ꞌIbun ka tëtëkamë ꞌëon aín nánua aín tuá usaía nuanti a tamikin aín pëchi shaíkakin bërúankësa usaribiokin, nu bërúankin ꞌaisama ñu inútisama okin nu ꞌakiankëxa.

Deuteronomio 33:25

ꞌimainun ka ain xëputi anúan ain ëmanu atsínti ꞌakë ax manë ꞌakë ꞌiti ꞌikën, usa ꞌain ka anun ax ami nishkë unikama atsintisama okin ꞌakë ꞌain tsóti ꞌikën, usai ꞌi ka Asernën rëbúkikama atux uni aín kushibu ꞌaish tsóti ꞌikën.

1 Tesalonicenses 1:10

Acama ñuianan ca mitsun camina Nucën Papa Diosan Bëchicë Jesús bamacëbia anbi baísquimia, axa naínuax uti caini quixunribi ñuia. Ax ca an Nucën Papa Diosan, uni aín ꞌucha cupí castícancëbëtanbi, ainan ꞌicë nu ië́miti a ꞌicën.

Hebreos 12:1

A unicamaxa ꞌiásaribiquin ca nubë ꞌicë ꞌitsa unin tëmëraquinbi —Nucën Papa Diosan ca asérabi aín quicësabi oquin nu ꞌaquinti ꞌicë —quixun ꞌunánquin ami catamëquin ënima. Atúxa ꞌicësaribiti ꞌinuxun cananuna an nu ꞌatimaquin sinánmicë a ñucama ëanan an usabi ꞌitioquin nu ꞌatima ꞌimicë ñucamaribi ënti ꞌain. Acama ënquin cananuna bënë́quinma añu ñu ꞌën ꞌati cara Nucën Papa Dios cuëënia quixun sinánquin upí oquin ꞌati ꞌain. Cuai bëtsibë upiti abáti cupí ca unin an ië́ocë ñu nania, usaribiquin cananuna upí oquin nun ꞌati ñu ꞌanuxun, uisa ñun cara nu ꞌatimaquin sinánmia, a ënti ꞌain.

Hebreos 12:3

Tëmëraquin —axa ami sináncëma unicaman ca ꞌëx Jesucristonan ꞌicë cupí ꞌë bëtsi bëtsi oia —quixun sinánquin ami catamëti ëntin rabanan camina —usaribi oquian ami nishquin unin ꞌacëxunbi ca Jesucristonën tanshiacëxa —quixun sinánti ꞌain. Usaquin sinani camina ami catamëtia unin bëtsi bëtsi ocëxun oquin a ënti sinanima ami cushiti ꞌain.

Apocalipsis 12:14

Nuicëxbi ca a xanux Nucën Papa Diosan ꞌimicëx, tëtëcamëꞌëon pëchisa rabë́ ꞌaish aín pëchi chaira ꞌiaxa. Anun anu uni ꞌicëma me, anu a ñuina chaira capë́sa ax cuantima, anu nuánti cupí ca usaquin Nucën Papa Diosan ꞌimiaxa, anuxun an mëníosabi oquin rabë́ ꞌimainun achúshi baritia ꞌimainun mëcën achúshi ꞌimainun achúshi ꞌuxën piti ꞌinánuxun.

Apocalipsis 2:3

Usai tëmëraquinbi camina mitsun ꞌëmi sinánti ëncëma ꞌain. ꞌËnan ꞌicë cupí unin ꞌatimocëxunbi camina ënquinma ꞌëmi sinánquin ꞌëx cuëëncësabi oquin ꞌan.

Apocalipsis 4:7

A ñu achúshi ca paru ꞌinúansa ꞌiaxa, bëtsix ca vaca bënësa ꞌiaxa, bëtsix ca unin bëmánan iscësa ꞌiaxa, bëtsix ca tëtëcamëꞌëo nuania iscësa ꞌiaxa.

Jueces 16:28

Usai filisteo unikama anu timëkamë ꞌëokë ꞌain ka, Sansónnën munuma banakin Dios kakëxa: “ꞌËn ꞌIbu ꞌën kana mi kain usa ꞌain kamina achúshira ꞌoíshi ꞌëmi sinántëkënti ꞌain, ꞌë kamina min kushi ꞌinánti ꞌain, ꞌën bëru rabë́ ëchikë kupí filisteo unikama achúshi okin ꞌakë anuishi bëríbi këñuminun.”