Isaías 40:30 - Kashibo-Kakataibo Biblia

³⁰ Uni bënákama atúxribi ka atsanx kushiñumasa ꞌiti ꞌikën, ꞌianan ka kushiira unikama atúxribi pakëti ꞌikën,

Isaías 40:30 ပူးပေါင်းရင်းမြစ်များ

Salmos 33:16

Uinu ꞌikë ꞌapuxi ka aín suntáru ꞌitsaira ꞌaínbi ië́tima, ꞌianan ka aín këru unixi aín kushínbi ië́tima;

Salmos 34:10

Ñuñuira unikama ax ka ñuñuma ꞌi tikiti ꞌikën, usai ꞌi ka ñuñu ꞌaínbi ꞌitsaira pananti ꞌikën, ꞌaínbi ka axa Nukën ꞌIbumi katamëkë unikamax uínsaranbi upí ñuñumama ꞌitima ꞌikën.

Eclesiastés 9:11

Ënë nëtënua kana bëtsi ñuribi isan: akaman ka kushiira abákë anbi bëtsi kananima, ꞌianan ka ax ꞌakanantimi rakuëma unínbi ꞌakanankin kananima; ꞌimainun ka ax sinan ñuira unikama axi ka pitiñu ꞌima ꞌianan ka an bënë́kinshi ñu ꞌunánkë unikama axi ñuñuira ꞌima, ꞌimainun ka ñu ꞌunáinrakë unibi kamaxunbira unin kuëënima; usa ꞌain ka a ñukama uínsaran kara ax usai ꞌiti nëtë ꞌikëbë pakëtia nëtë anuinshi unin biti ꞌikën.

Jeremías 9:21

Usai ꞌikëbë ka uni aín xubunu atsínkësa ꞌinun nukamax ñuti axribi nun xubukamanu atsíankëxa, ꞌimainun ka anu ꞌapu ꞌikë ꞌapun xukamanuribi ꞌianan, tuá ëman niabakë akamaribi ñumainun, uni bënábu anu tantiti plazanu bukukë akamaribi këñuti ñuakëxa.

Amós 2:14

Usa ꞌain ka axa abáti ꞌunainra axi abátima ꞌikën; ꞌimainun ka uix kara kushi ꞌikë ax kushiñumasa ꞌiti ꞌikën, ꞌianan ka axa ꞌakánanti ꞌunáinra axi ië́tima ꞌikën.