Isaías 40:29 - Kashibo-Kakataibo Biblia

²⁹ An ka axa atsánkë unikama kushitëkënun ꞌimia, ꞌimianan ka kushiñuma uni aribi amiribishi sinanatëkënia kushinun ꞌimia.

Isaías 40:29 ပူးပေါင်းရင်းမြစ်များ

Génesis 49:24

ꞌaínbi ka Josénën rëbúnki kaman aín pëñan kushi uni ꞌixun ainra an ꞌakatsikixun ꞌakëxunbi aín pëñan bërëkinma ꞌati ꞌikën; usa ꞌain kana mi asabika kixun kain. ꞌËn ꞌIbu Dios a ꞌën rabikë kushiira kushi, ¡An ka an ñuina bërúankë unisa ꞌixun Israel unibu bërúanti ꞌikë!,

Isaías 41:10

ꞌËx kana mitsubë ꞌain usa ꞌain kamina rakuë́kantima ꞌain; ꞌëx kana mitsun Dios ꞌain usa ꞌain kamina rakuë́kantima ꞌain, ꞌën kana mitsu kushionan ꞌakinti ꞌain, ꞌën kana mitsu anun ꞌakánanti manë xëtokë ꞌën mëkënan tuínxun ꞌakësokin axa mimi nishkë unikamami kupitanuma ꞌanun ꞌamiti ꞌain.

Isaías 50:4

Nukën ꞌIbun ka ꞌë ñu ꞌunánmiaxa atsánkë unikama bana ñuixunkin kuëminun. ꞌIanan ka pëkarakëma ꞌain ꞌaínshi ꞌëa kakëxun munu aín bana kuanun ꞌë kaxa.

Jeremías 31:25

Anuxun kana axa numikëkama a ain piti ꞌinánan, axa xëaima kushiñuma ꞌi atsánkë akaman xëati ñu ꞌitsaira ꞌinun ꞌimiti ꞌain” Kiax kiakëxa.

2 Corintios 4:16

Usa ꞌain cananuna masá nuituquinma aín bana ñuitiribi ëniman. Nucën nami axa abiira abi xënibucëbëtanbi ca Nucën Papa Diosan camabi nëtën ami catamëti cuëënun nu cushioia.

Deuteronomio 33:25

ꞌimainun ka ain xëputi anúan ain ëmanu atsínti ꞌakë ax manë ꞌakë ꞌiti ꞌikën, usa ꞌain ka anun ax ami nishkë unikama atsintisama okin ꞌakë ꞌain tsóti ꞌikën, usai ꞌi ka Asernën rëbúkikama atux uni aín kushibu ꞌaish tsóti ꞌikën.

Filipenses 4:13

Usa ꞌixun cana uisa ñu cara ꞌicëbëtanbi tënëquin Cristo cuëëncësabi oquin ꞌati ꞌain, usai ꞌinun an cushiocë ꞌixun.

Colosenses 1:11

ꞌAnan cananuna ax cushiira ꞌixúan, uisa ñu cara ꞌicëbëbi bënëtima cuëënquin tanshinuan mitsu ꞌaquinun quixun a mitsu ñucáxunin.

Hebreos 11:34

Axa Nucën Papa Diosmi catamëcë uni raíriribi ca tsi rëquirucë an nëëntanun quixun anu niabi Nucën Papa Diosan sinanën tsinbi uisabi oma ꞌicën. Raíri uníxribi ca suntárunën ꞌati ꞌaíshbi Nucën Papa Diosan sinanën ië́acëxa. Raírinëxribi ꞌinsíncë ꞌaish cushima ꞌaíshbi ca Nucën Papa Diosan sinanën cushi ꞌiacëxa. Nucën Papa Diosan ꞌimicëxun ca suntárunën cushiira ꞌixun abë ꞌacanancë bëtsi ꞌapun suntárucama abámiacëxa.

Jueces 15:19

Usa ꞌain ka Diosan Lehi kakë me anua kini naëkënua ꞌumpax mëranun ꞌimiakëxa, ꞌimikëxa chikitia ka ꞌumpax Sansónnën xëakëxa, xëaika Sansón amiribishi kushitëkëankëxa. Usa ꞌaish ka anua unikë ꞌumpax Lehinu ꞌikë ax En-hacore kakin anëa ax anubi ꞌikën. (En-hacore kikë ax ka ꞌumpax ñukákë ki kikë bana ꞌikën.)

1 Samuel 2:4

An ka kamabi uni kushiirabu atun piakama ꞌimainun aín kantikama tsasipanan, kushiñumakama ax kushiñu ꞌinun ꞌimia;