Isaías 40:24 - Kashibo-Kakataibo Biblia

²⁴ Usa ꞌaish ka bërí ñu ꞌapákëx, me bitsi tapunakëkëma usaribi ꞌikën, usa ꞌain ka Diosan anu ꞌibúkin bëkinun ꞌimikëxuan suñun bëkakëx chushi bamaia, usai ꞌia ka anu kushi ꞌibúkin basi chushikë ꞌakësara okinshi suñuanën tákaia.

Isaías 40:24 ပူးပေါင်းရင်းမြစ်များ

2 Samuel 22:16

Aín banáinshi ka Diosan xunkakësa okinshi axa ꞌëmi nishkë unikama ꞌaisatankëxa, min kamina parúmpapa ꞌukëmëu ꞌikë ñukama ꞌimainun uinu kara naí sënë́ankëxa, axbia istisa ꞌitánun ꞌimiakën, axa usai banakëbëishi ꞌianan ka aín kushia usai ꞌinun ꞌimiakëxa.

Job 4:9

Usa ꞌain ka Diosan atún ñu ꞌatima ꞌakëbë atumi xuamati nishkin, asérabi masókin suñuanën kushiira bëëkai anu ꞌibúkin ñu masókë usaribi okin ꞌaia.

Proverbios 1:27

ꞌianan ka uínsaran kaina mitsux rakuëanan bëtsi bëtsi ñu mitsunu ꞌikëbë bënëti masá nuitukë an ka suñuanën kamabi ñu këñubëtsinkësa usaribi okin mitsu ꞌati ꞌikën!

Isaías 11:4

An ka an ꞌakinti ꞌaíma ꞌaia tëmërakë unikama ꞌimainun uni ñuñumakama atun menu ꞌikë akama ꞌakinti ꞌikën. Usa ꞌain ka aín banax achúshi tatsi tuínxun anun bënë́kinshi ñu ꞌakë unikama tëmëramikë usaribi ꞌiti ꞌikën, ꞌimainun ka aín kuëbitan xunkakësa okinshi ꞌatima ñuishi ꞌakë unikama këñunun ꞌimiti ꞌikën.

Isaías 40:7

Xubix ꞌimainun ro uakama ax núkai ëski chushia, uínsaran kara Nukën ꞌIbun xunkaia anun ka usai ꞌia. Usa ꞌain ka asérabi unin tsóti ax bënëtishi xubi ꞌikësaribiti inutia.

Isaías 41:16

Usakin ꞌaxun tákaia ka suñun bëkikin nuánmiti ꞌikën; ñu bimia aín bimikama këñunbi anu ꞌibúkin suñúan kushiiran ñu ꞌakësaribi okin ꞌabisoti ꞌikën. Usa ꞌain kamina mitsun ꞌIbu ꞌain kuëënkanti ꞌain, usai ꞌikamina mitsux rabiakati Israel unikaman Dios upíira ax ka nubë ꞌikë kiax kikanti ꞌain.

Isaías 41:2

¿Uin kara amiaxa bari urukë amiaxa ꞌapu an kamabi kupitanuma ꞌakanankë ax mëranun ꞌimiakëx? ¿Uin kara bëtsi bëtsi menu ꞌikë unikama aín ꞌapukama atux an ꞌakë unikama ami ꞌinamëkëbëtan aín, suntárukaman aín manë xëtokë, ꞌimainun aín kanti ꞌitsaira uni ꞌakëbëa raíri unix basi chushikë ꞌikësa usaribiti basatanun ꞌati ꞌik?

Jeremías 23:19

Ka kuat: Nukën ꞌIbu nishkë ax ka nëtë masákuatsini tunankuatsinkë usa ꞌianan, suñúan kushiira ukian ñu këñubëtsinkë usaribi ꞌatima sinánñu unikama ainan ꞌikën.

Oseas 13:15

Israel unikamaxa ñu uábuti ꞌikësai mëníokakëbëbi ka suñu amiaxa bari urukë amiax bëkiti ꞌikën, usai ꞌika suñu kushiira anu uni ꞌikëma memiax bëkiti ꞌikën; usai ꞌikëbë ka anua rakákë anuax ꞌumpax ëskimainun xëxá upikamaribi ëski ꞌaíma ꞌiti ꞌikën. Usai ꞌikëbëtan ka axa ami nishkë unikaman atun ñu upíbu akama bikin ꞌibuati ꞌikën.

Zacarías 9:14

Usakin ꞌakëbëtan ka Diosan aín unikama aín kushi chaiira cha anun ꞌakinti ꞌikën; ꞌakinkin ka kaná mëríkë axa pia nikëx kuankë usa ꞌitánun ꞌimiti ꞌikën. ꞌImi ka Dios aín manë banañu banobiani suñúan mëu aín rëbumi kikiani kuanti ꞌikën.