Isaías 40:2 - Kashibo-Kakataibo Biblia

² ꞌakianan kamina kuëëntanun nuibakin Jerusalénnu tsóa unikama a atúan tëmërakin bëtsi uni ñu mëëxuan a ka këñúaxa kixun kati ꞌain, kanan kamina atúxa usai ꞌikë anunbi ka ꞌën kakëxuan atun kuaisamatan a kupíoxa kixun kati ꞌain, ꞌënbi kana ꞌëmi ꞌitsaira ꞌuchaia rabë́ okin atu ꞌatima okën.”

Isaías 40:2 ပူးပေါင်းရင်းမြစ်များ

Génesis 34:3

Usokin ꞌatankëx anun ꞌitsaira kuëënkin ka uisaxun karana ënë xanu biti ꞌai kixun sinánkëxa.

Salmos 32:1

Ui unin kara aín ꞌuchakama chikinakin ñu ꞌatima ꞌakë ënia ax ka kuëënia, usai ꞌikëbë ka asérabi aín ꞌuchakama ꞌaíma ꞌitánun mëníoxunkë ꞌia.

Eclesiastés 3:4

Anu ka anun inti nëtë ꞌikën, ꞌimainun ka anun kuaiti nëtëribi anu ꞌikën. Anu ka anun uni ñukëbë masá nuituti nëtë ꞌikën, ꞌimainun ka anun ransai kuëënti nëtëribi anu ꞌikën.

Isaías 33:24

Usa ꞌain ka anu ꞌikë unikama: “Kana ꞌinsían kitima ꞌikën.” Diosan ka Jerusalénnu ꞌikë unikama ꞌimainun Judá menu tsókë unikama atun ꞌuchakama mëníoxunti ꞌikën.

Isaías 35:4

kanan kamina axa rakuë́ti ꞌishtun banakëma unikama aribi: “Rakuëama ꞌinun kati ꞌain. ¡An nu ië́miti Nun Dios ka nu ꞌurama ꞌaish nubëbi ꞌikën, ꞌianan ka mitsumi nishkë unikama atux kuëënkësa okin tëmëramiti ꞌikën!”

Isaías 43:25

ꞌAínbi kana ꞌëx mitsun Dios ꞌixun, uni ꞌaimi ꞌuchakëkama a tërënxunkin uinsaranbi sinántëkëntima ꞌain.

Isaías 44:22

ꞌËn kana ꞌatima ñu ꞌaimi mitsux ꞌuchakëkama a nëtënxuan mitsun ꞌuchakama tërënxunkin naínu ꞌikë nëtë kuin ꞌikësaia nëtë́nun ꞌimian. Usa ꞌain kamina ꞌëmi sinanatëkënti ꞌain ꞌën kana mi ië́mian.”

Isaías 49:25

Ësai ka Nukën ꞌIbu asérabi kiakëxa: “Kushi uni aka ꞌakanankian bikë ñukama a bëtsi unin bikuanti ꞌikën, ꞌianan ka ꞌapu ꞌatimaira sinánñu a bëtsi unin aín ñukama bikuanti ꞌikën. ꞌËn kana axa mitsubë nishanani kuëbikanankë uni a kamabëtan isti ꞌain; ꞌianan kana mitsun bakë bëchikëkama ië́miti ꞌain.

Isaías 53:5

ꞌAínbi ka nun bana kuakëma kupí ax bëtsi bëtsi okin mëëkë ꞌiti ꞌikën, usokin ka nun ꞌuchakama kupí ꞌati ꞌikën; axa usai tëmërakë ꞌain kananuna nux upitax tsótin, ꞌianan kananuna rishkikin aín nami tëakan ꞌain uisabi ꞌikëma upiti tsóti ꞌain.

Isaías 53:6

Kamabi nukamax kananuna ovejakama nëtë́kësa ꞌinun, nukamax achúshi achúshinëx nun kuëënkësoishi niakën, ꞌaínbi ka Nukën ꞌIbun ainansa ꞌikë nun ñu ꞌatima ꞌakëkama kamabi nukamanua mëníokëxa.

Isaías 54:15

Uin kara mi ꞌaisatankin ꞌaia, ax ka ꞌën ꞌamikëxun mi ꞌakëma ꞌiti ꞌikën, ꞌaínbi kamina min ira kanankin atu ꞌati ꞌain.

Isaías 54:17

ꞌaínbi ka uínbi anun ꞌakanankin ñu anun masókin ꞌati uniokëma ꞌikën. Mitsun kamina an usa ka atux ꞌikë kixun mitsu ꞌuchokëkama a uisa bananbi bananun kimitima ꞌain. Ësokin kana axa ꞌëmi katamëkë unikama ꞌamiti ꞌain: usokin ꞌakin ka atun ñusmoti ꞌikën.” Ësai ka Nukën ꞌIbu asérabi kiakëxa.

Isaías 55:7

Uni ꞌatimakama an ñu ꞌatima ꞌati sinánkin ꞌakë an ka ñu ꞌatima ꞌakë a ënti ꞌikën, ꞌimainun ka uni bana kuakëmakama atúnribi ꞌatimakian sinánkë akama ënti ꞌikën; ëni ami katamëtia ka Nukën ꞌIbun mitsu nuibati ꞌikën, ꞌimainun kamina Diosan nuibanankëira ꞌixun an mitsun ñu ꞌatima ꞌakëkama mëníoxunun ami sinánkin rabikanti ꞌain.’

Isaías 6:7

bëkin ka anun kuëtíkakin ꞌë kaxa: “Ka kuat, tsi ëxku ënxaira ënën kana mi kuëtikan. Usa ꞌain kamina bërí min ñu ꞌatima ꞌakë kupí ꞌuchokëma ꞌain, usa ꞌaish kamina min ñu ꞌatima ꞌai ꞌuchakëkama bërí mëníokë ꞌain.”

Isaías 61:7

Axa ꞌën unimi nishkë unikaman ka ꞌitsaira ꞌichananbi bëtsi bëtsi okin ñuikëxa katë́nun tëmëramiakëxa, usa ꞌixun ka aín menuxun atúnbi ꞌitsaira ñu chaiirabu biti ꞌikën, bitsi ka xënibua ꞌaínbi kuëënti ꞌikën.

Daniel 9:12

Min nunu ñu ꞌatimaira ꞌimikin kamina usokin kana ꞌati ꞌai kiaxmi kia usabi okin nu ꞌimianan ꞌapukamanuribi ꞌimian, usa ꞌain ka uínsaran nëtënbi bëría ꞌikë ësai Jerusalénnu ñu ꞌikëma ꞌikën.

Daniel 9:2

Axa ꞌapu ꞌitabakë baritia anun kana ꞌën an Dios kikë bana ñuikë Jeremías an kuënëo banakama a ꞌiskin ꞌakin ꞌunánkën, a ka Diosanbi setenta baritia ꞌimia uisai kara Jerusalén masókë ꞌiti ꞌikë kixun Nukën ꞌIbun ain bana uni ñuixunkë a kakëxa.

Oseas 2:14

ꞌËn kana Israel unikama mëratiokësa obiankin: anu uni ꞌikëma menu buántënkënti ꞌain, anuxun kana upíokin kakin atu sinánmitëkënti ꞌain, kiax ka Dios kiakëxa.

Oseas 2:16

Usa ꞌain ka anuxun mix kamina ꞌën bënë ꞌai kixun ꞌë kati ꞌikin, kakin ka Baal mix kamina ꞌën ꞌibu ꞌai kixun katima ꞌikën. ꞌËx Dios ꞌaish kana ësai kin.

Habacuc 2:3

Kamina kuënëoti ꞌain, anúan ꞌiti nëtë ka ꞌikëmapan ꞌikën, usa ꞌaínbi kana anúan ꞌiti nëtë ꞌikëbëtan mi ismiti ꞌain; ꞌaínbi kana ꞌëx kikësa okinbi ꞌati ꞌain. Usa ꞌain kamina min basikëbëtanbi uisaran kara a ñukama ꞌia kaínti ꞌain. Usa ꞌain ka anúan ꞌiti nëtë aka ꞌiti ꞌikën.

Zacarías 9:12

¡Ñatanbiankin uan mitsun kamina ꞌën ꞌakinti kainin! ¡Usa ꞌain kamina amiribishi Jerusalénnu kuantëkënti ꞌain! ꞌËn kana mitsu kain, anuxun kana tëmëraimi bamai këñúkan usamaira ꞌimi ꞌuakamë ꞌëotëkënun ꞌimiti ꞌain.

Hechos 1:7

Cacëxunbi ca Jesusan atu cacëxa: —ꞌËn Papa Diosan ca an sináncësabi oquin uinsaran cara usai ꞌiti ꞌicë quixun mëníocëxa. Uinsaran cara usai ꞌiti ꞌicë quixun camina mitsun ꞌunaniman.

Gálatas 4:4

Usa ꞌaínbi ca aín uti nëtë sënë́ncëbëtan Nucën Papa Diosan aín Bëchicë ënë nëtënu xuacëxa. Achúshi xanúxa bacë́ncëx canitancëx ca judíos unicama ꞌicësaribiti Moisésnën cuënëo bana, usaía judíos unicama ꞌiti, a ꞌunáncë ꞌiacëxa.

Apocalipsis 18:6

Anu ꞌicë unicaman uni raíri tëmëramicësaribi oquin camina mitsun atu tëmëramiti ꞌain. Atúan uni raíri tëmëramicësamaira oquin camina aturibi tëmëramiti ꞌain.