Isaías 35:3 - Kashibo-Kakataibo Biblia

³ An ꞌëx kia kuakë mitsun kamina, axa ꞌakinti kuëënkë unikama ꞌakinti ꞌain, ꞌakinkin kamina atsánkë unikama a kuëëntanun sinanamikin kati ꞌain,

Isaías 35:3 ပူးပေါင်းရင်းမြစ်များ

Esdras 1:6

Mëníokatia ka kamabi a ꞌurama ꞌikë unikaman kuania atu ꞌakinkin manë uxua, kuri atun ñukama, vaca ꞌimainun atun ñu kupíirakëkama a ꞌinánan, bëtsi bëtsi ñu uin kara ꞌinántisa tania an aín ñu ꞌinánkëxa.

Éxodo 17:12

ꞌAkananmainun ka Moisés pëntununia Aarón ꞌimainun Hur kakë an anua Moisés tsóti maxáx cha achúshi nanxuankëxa. Naxuntankëxun ka bëtsían amoxun aín pëñan tuimainun bëtsínribi amoxun aín pëñan tuinxuankëxa. Usokin ꞌakëxa Moisésnën pëñan manámi ꞌimainun ka bari kuabutamainun ꞌakanankëxa,

Lucas 22:32

Usa ꞌaínbi cana ꞌëmi catamëti ënxunma ꞌanun Nucën Papa Dios mi ñucáxuan. ꞌËmi ꞌuchaxbi sinanati ꞌëmi cushiquin camina axa ꞌëmi catamëcë uni raíri ꞌëmia asérabi upiti catamënun ꞌaquinti ꞌain.

Lucas 22:43

Usaquian cacëbë naínuax anu uxun ca ángelnën Jesús ꞌaquinquin cushiocëxa.

Hechos 18:23

Antioquíanu ꞌëora pain ꞌitancëx ca Galacia menu ꞌicë ëma ꞌimainun Frigia menu ꞌicë ëmacama oi cuanquin Pablonën axa Jesucristomi catamëcë unicama upiti Jesucristomi sinani ax cuëëncësabi oi ꞌinun quixun caquin atu ꞌësëacëxa.

Hebreos 12:12

Usa ꞌain camina tëmëraibi masá nuituquinma upí oquin sinani ami cushi Cristomi catamëti ꞌain.

Jueces 7:11

anuxun kamina uisai kara mimi nishkë unikama kia kuati kuanti ꞌain.” Kuakin kamina abi kana ꞌati ꞌai kixun kushiokin sinánti ꞌain. Ësokian Diosan kakëx ka Gedeón an kaniokë Purá abë anua abë ꞌakánanti unikama ꞌikë me sënënakëkë anu kuankëxa.