Isaías 33:6 - Kashibo-Kakataibo Biblia

⁶ usa ꞌixun ka uisai kara xënibua ꞌaínbi an bërúankëx aín unikama bukuti ꞌikë kixun ꞌunánmiti ꞌikën. Ñu ꞌunánkë ꞌianan upiokinra ñu ꞌunánkëira an ka ñu achúshi kupíkësaira ꞌixun uni ië́mia; usa ꞌain ka Nukën ꞌIbumi rakuë́ti ax ñuñuira ꞌikë usamaira ꞌikën.

Isaías 33:6 ပူးပေါင်းရင်းမြစ်များ

Job 4:6

Mix kamina achúshi uni an Dios kuëënkësabi okin ñu ꞌakë a ꞌain, ꞌimainun kamina mix achúshi uni an Diosan kakësabiokin ꞌakin upíokin ñu ꞌakë ꞌain, ¿usa ꞌaíshbi kaina mix Diosmi kushiti sinanima manutisa tanin?

Isaías 11:9

Kamabi ꞌën bashi upíira anu ka: an uinu ꞌikë unibi ꞌatima oti ꞌaíma ꞌiti ꞌikën, usa ꞌain ka parúmpapanua ꞌumpax buákirukësa usai ꞌia kamabi unin usakia Diosan ꞌa ñukama kuati ꞌikën, kiax ka kiakëxa.

Isaías 32:17

Usai ika uisaibi ꞌima añu kara upí ꞌikë ashi ꞌai, uínbi ubíokëma xënibua ꞌaínbi bukukannun ꞌimiti ꞌikën.

Isaías 32:18

Usa ꞌain ka ꞌën, unikamax uínbi ubíokëma, upitax upiokin ꞌakë atun xubunu bukukanti ꞌikën,

Isaías 33:20

Anuxun nëtë inúkin fiesta ꞌati Sión kakë ëma a kamina iskanti ꞌain; Jerusalén ëma uisabi oisama okin bërúankë a kamina mitsun bërúnbi isti ꞌain; ax ka anu ꞌinuxun ꞌupiokin unin i nitsintankëxun shaíkisama okin ꞌanan uínbi ain itsikama tënkapatisama okin ꞌakë usaribi ꞌiti ꞌikën.

Isaías 45:17

ꞌAínbi ka Nukën ꞌIbun Israel unikama a ië́miakëxa, ië́mikin xënibua ꞌaínbi ꞌitiokin ië́miakëxa. Usa ꞌaish ka uínsaranbi katë́ti ñuumara ꞌitima ꞌikën.

Jeremías 31:34

Usa ꞌain ka uínsaranbi uínbi bëtsi uni usa ka Nukën ꞌIbu ꞌikë kixun ꞌunámitima ꞌikën, an ꞌunánkë unikama ꞌimainun aín aintsikama ꞌëa ꞌunánun ꞌunánmitëkëinsama ꞌiti ꞌikën, atun ka kamaxunbi uni apanbu ꞌimainun tuáxura kamanbi ka Dios ꞌikë ꞌë ꞌunánkë ꞌiti ꞌikën. ꞌËn kana atun ñu ꞌatima ꞌakëkama mëníoxunkin, atun ꞌuchakëkama a amiribishi sinántëkëntima ꞌain. ꞌËx mitsun ꞌIbu ꞌaish kana asérabi ësai kiakën.

Habacuc 2:14

Usa ꞌain ka bakakaman a mi saëkin aín ꞌumpaxan parúmpapa buákarukë usaribi okin kamabi menu ꞌikë unikaman Diosan aín kushin ñu ꞌakë ꞌunánti ꞌikën.

Mateo 6:33

Usa ꞌain camina ainan ꞌianan ax cuëëncësabi oquin pain ꞌati ꞌain. Usaquin ꞌacëbëtan ca an anúnmi mitsux upitax bucuti ñucama aribi mitsu ꞌinánti ꞌicën.

2 Corintios 6:10

Masá nuitucë ꞌaíshbi cananuna chuámaruaishi ꞌain. Ñuñuma ꞌixunbinu Cristo ñuiquin bana ñuixuncëx ca an a bana cuacë unicamax uni ñuñu ꞌicësamaira oi chuámarua tani cuëënia. Ñuñuma ꞌicëbi ca Cristonën nubë ꞌixun ax cuëëncësabi oínu anun ꞌinun nu ñu ꞌinania.

1 Timoteo 4:8

Ënëx ca ësa ꞌicën. Camabi nëtën cuai aín nami bachura ꞌianan cushi ꞌaish ca uni upiti cuai cuëënia. Usai cuëëncësamaira oi ca camabi nëtën upíira oquin sinánquin Nucën Papa Dios cuëëncësabi oquin ꞌai, uni ënë menuax upitax bucui cuëëanan usai ꞌitancëx Nucën Papa Diosan nëtënuaxribi abë ꞌaish cuëënti ꞌicën.

1 Timoteo 6:6

Axa ñuñu ꞌiisa tani bënëtima Jesucristomi catamëcë uni ax cuni ca upí oquin sinani cuëënia.