Mitsun ꞌapukamax ka bana kuakëma ꞌianan, an unin ñu bainu bëaraxun mëkamakë unikamabë ꞌunánankë ꞌikën. Usa ꞌixun ka akaman kuríkinën kupíokëxun an ñu ꞌupima ꞌakëma unibi ꞌatima ñu isa ꞌaxa kixun kanan ñu ꞌinainshiti akamaribi baria. ꞌIanan ka papañuma ꞌimainun titañuma tuákamaribi uisakin kara ꞌakinti ꞌikë usakin ꞌakinima ꞌianan, xanu kasunamëkë akamaribi tëmërai tsótiabi ꞌakinima.
Isaías 32:7 - Kashibo-Kakataibo Biblia7 ꞌImainun ka rabinkima an ñu ꞌashikë uni an uisakin ñu ꞌati kara ꞌunánkë ꞌixun; uisakin kara uni paránti ꞌikë kixun sinánkin, ꞌatimakin unin ñuiti ñuishi ꞌaia; ꞌanan ka uni ñuñumakama a këmëkin ñu ꞌatima inúnun paránia, ꞌanan an ñu kuëënkin bisatankë akamaribi ñu ꞌupiokin ꞌaxúnun kakëxunbi ꞌatima okin paránia. အခန်းကိုကြည့်ပါ။ |
Isaías 32:7
24 ပူးပေါင်းရင်းမြစ်များ
An ka an ꞌakinti ꞌaíma ꞌaia tëmërakë unikama ꞌimainun uni ñuñumakama atun menu ꞌikë akama ꞌakinti ꞌikën. Usa ꞌain ka aín banax achúshi tatsi tuínxun anun bënë́kinshi ñu ꞌakë unikama tëmëramikë usaribi ꞌiti ꞌikën, ꞌimainun ka aín kuëbitan xunkakësa okinshi ꞌatima ñuishi ꞌakë unikama këñunun ꞌimiti ꞌikën.
Uni ꞌatimakama an ñu ꞌatima ꞌati sinánkin ꞌakë an ka ñu ꞌatima ꞌakë a ënti ꞌikën, ꞌimainun ka uni bana kuakëmakama atúnribi ꞌatimakian sinánkë akama ënti ꞌikën; ëni ami katamëtia ka Nukën ꞌIbun mitsu nuibati ꞌikën, ꞌimainun kamina Diosan nuibanankëira ꞌixun an mitsun ñu ꞌatima ꞌakëkama mëníoxunun ami sinánkin rabikanti ꞌain.’
Nukën ꞌIbun kushi ax ka ꞌëbë ꞌikën, Usa ꞌain ka Nukën ꞌIbun ꞌë kaístankëxun ñuñuma unikama aín bana ñuixunun ꞌë xuaxa, ꞌimainun ka axa bëtsin ꞌatimokëx masá nuitukë, a upíokin kanan axa ñatanbianxun tëmëramikë unikama a chikínun ꞌë xuaxa, ꞌimainun ñatanxun sipunu nankë akamaxribi basiramashi ka chikiti ꞌikën, kakin kuëëminun ꞌë xuaxa;
Ësai ka unikama kiakëxa: “Bërí kananuna uisoxun karanuna an Dios kikë bana ñuikë Jeremías ꞌati ꞌai kixun sinánti ꞌain. Uinsaranbi ka nunu sacerdotekama an bana nu ñuixunti ꞌianan, an bana ꞌunánkë an nu ꞌësëti ꞌianan, an bana ñuikë unikama an Diosan bana nu ñuixunti akama nunu ꞌima ꞌitima ꞌikën. Usa ꞌain kananuna unikaman ꞌanun nun ꞌuchoti ꞌain. Usa ꞌain kananuna uisai kara ax kia abi aín bana tantima ꞌain.”
ကြော်ငြာတွေ