Isaías 32:6 - Kashibo-Kakataibo Biblia

⁶ Usa ꞌain ka unin ꞌatimati tsotia timakin istisama tankë uni ax ꞌatima ñu ꞌatishi banaia; usai ꞌikin ka ñu ꞌatima ꞌati sinánkin uisakin kara ñu ꞌatimaira ꞌakin a tanti bana kikësokin ꞌakinma bëtsi uni ꞌati ꞌikë kixun baria, usai ꞌi ka Nukën ꞌIbu ñui këmëi ꞌatimati banaia; usa ꞌixun ka axa ꞌakëñuma nikë unikama abi pananx a isi kuaniabi pimima, ꞌianan ka shimakë unikama aribi xëamima.

Isaías 32:6 ပူးပေါင်းရင်းမြစ်များ

Isaías 31:2

Usa ꞌaínbi ka Diosanribi parántisama ꞌixun ñu ꞌatimaribi inúnun ꞌimiti ꞌunánxa, usa ꞌixun ka ñu ꞌakatsikiax kana ꞌaima kítëkënkinma ñu ꞌaia. Usa ain ax uni ꞌatimakama ami ꞌianan, an ꞌatima unikama ꞌakinkë akama ꞌatima oia.

Ezequiel 34:18

Mitsu raírinën kamina Israel unibu mitsun ꞌaintsi ꞌikëbi ꞌatimokin ovejakaman aín upíbushi pasto pianan axa tikikë a aín taën amákin chakapakësa okin ꞌanan. ꞌUmpax upí xëakinbia aín taën, chubëopakë usaribi okin ꞌain.

Amós 8:6

¡Usa ꞌain kananuna ñuñuma unikama an nu ribinkë kupíoi nunubi tënun ꞌimiti ꞌain, usokin ꞌakëxun ka rabë́ taxakara kupínbi nu ñu mëëxunti ꞌikën! ¡Usai ꞌia kananuna trigo ꞌaisama abi atu maruti ꞌain!”

Mateo 15:19

Aín nuitu mëu ca unin ꞌatima ñu ꞌati sinania, uni ꞌati, aín xanuma ꞌaínbi xanubë ꞌiti, xanu cuaioti, uni itsin ñu mëcamati, cëmëi uni itsimi manánti, uni itsi ñui ꞌatimati banati.

Mateo 23:13

An Moisésnën cuënëo bana ꞌunáncë unicama ꞌimainun fariseo unicama, mitsux camina an unicama paráncë a ꞌain. Uisa cara oti ꞌicë usoquin ca Nucën Papa Diosan mitsu ꞌati ꞌicën. Mitsun camina Nucën Papa Diosan bana ꞌunáncë ꞌixunbi a bana quicësabi oquian ꞌanun ꞌaquinquinma unicama a bana bëtsi oquin ñuixunin. Mitsun camina a bana quicësabi oquin ꞌaiman. ꞌAquinma camina uni itsínribia a bana quicësabi oquin ꞌaxunma ꞌanun ꞌunánmin.

Santiago 1:27

An Nucën Papa Dios cuëëncësabi oquin ꞌacë unin ca ësaquin ꞌati ꞌicën: Papañuma titañuma tuácama ꞌimainun casunamëcë xanucamaribi ꞌaquinsa ꞌianan masá nuitutia isquin ca ꞌaquinti ꞌicën. ꞌAquianan ca an Nucën Papa Diosmi sinánquinma ënë menu ꞌicë ñuishi sináncë unin ꞌacësaribi oquin ñu ꞌaisama ꞌatima ꞌicën.

1 Samuel 24:13

Bërámabi ka uni ësai banai kiakëxa: An ñu ꞌatima ꞌakë uni an ka ñu ꞌatima ꞌatishi sinania; ꞌaínbi kana ꞌëx usama ꞌain, usa ꞌixun kana uínsaranbi mi ꞌakatsi kixun sinántima ꞌain.