Isaías 32:2 - Kashibo-Kakataibo Biblia

² Usa ꞌaish ka atu achúshi achúshinëx suñu bëki nëtë masá kuatsinkëbë ñumi katamëkë usaribi ꞌiti ꞌikën, ꞌianan ka xëxá ꞌumpax shióbukian me ëskikë chabóti ꞌakë ain baí usaribi, ꞌianan anu uni ꞌikëma menua mapara chaiira an tupë́onkë ꞌain barin xarokëx ami katamëkë usaribi ꞌikanti ꞌikën.

Isaías 32:2 ပူးပေါင်းရင်းမြစ်များ

Salmos 32:7

Min kamina mimi katamëkëxun: ꞌaisama ñu inutiabi ꞌakianan ꞌë bërúain, usa ꞌain kana ꞌëmi ië́mikin ꞌakinkëx kuëëni munuma kantakin mi rabiti ꞌain.

Salmos 63:1

¡ꞌËn ꞌIbu Dios, mix kamina ꞌën Dios ꞌain! Usa ꞌikë kana mi ꞌaisabi tankin kuëënkin barin: ꞌën kana shimaxun ꞌumpax barikë usaribi okin mi barin; usa ꞌain ka anu ꞌumpax ꞌikëma me ëskikë usa ꞌën nán ꞌikën.

Salmos 91:1

Uix kara Dios kamabi kushiñuira ꞌianan, manámi ꞌikë an bërúankë an ka

Isaías 28:17

ꞌËn kana xubu ꞌakënu a unían, anun xubu ꞌakin sënën ꞌitánun tupunkë manë tumua risiñu usaribi ꞌën ꞌakë ñukama ax upí ꞌinun ꞌimiti ain, ꞌimainun anun xubu puntëkin mëníoti usaribi ka uin kara upí ñu ꞌaia ax ꞌiti ꞌikën. Mitsun mi këmëi banai ismina uisa ñubi ꞌinútima ꞌai kixun sinánkë, a ka matsin titan masókin këñuti ꞌikën, ꞌimainun ka ami katamëtimi bukúnkë aribi bakan chinanti ꞌikën.

Isaías 41:18

ꞌIanan kana anu uni ꞌikëma bashikama anubia ꞌumpax ꞌinun ꞌimiti ꞌain ꞌimianan kana me sapan kamanuribi xëxá manánmi ki shióbuti upíbu ꞌinun ꞌimiti ꞌain; ꞌimianan kana anu uni ꞌikëma me ëskikë anuribia xëxákama ꞌinun ꞌimiti ꞌain.

Isaías 43:19

ꞌËn kana ñu ió ꞌinun ꞌatëkënti ꞌain, ꞌaia kamina bëríbi mëratia iskanti ꞌain, anu uni ꞌikëma menu kana achúshi bai ꞌimiti ꞌain, ꞌimianan kana anu ñu ꞌirukëma me anuribi, baka ꞌimiti ꞌain.

Isaías 43:20

Usakin ꞌaia ka ñuina raëkëma, an ñuina bamakë ꞌain nami pikë ñuina chabu a ꞌimainun, ñuina pëchiñu avestrus kakë akamanribi ꞌë rabiti ꞌikën, usa ꞌain kana ꞌën anu uni ꞌikëma menu ꞌumpax kushiira chikiti manámi ki ꞌinun ꞌimin, ꞌimianan kana me anu ñu ꞌirukëmanu bakakama ꞌimin, ꞌimia ka ꞌën kaískë unikaman a ꞌumpax xëati ꞌikën,

Isaías 44:3

ꞌën kana anu uni ꞌikëma menua ꞌumpax ꞌinun ꞌimiti ꞌain, ꞌimianan kana me ëskikë anuribia xëxákama rakanu ꞌimiti ꞌain. ꞌËn kana min rëbúnkikama amiribishi upiti tsókanun ꞌimianan, upíokin sinánxunkin ꞌakinti ꞌain.

Isaías 7:14

Diosan ka unibë ꞌikintankëma xanu: Xuntaku achúshi tuuñu ꞌinun ꞌimiti ꞌikën, ꞌimikëx bakëntankëxun ka Emanuel kakin anëti ꞌikën. Emanuel kikë ax ka, ‘Dios ka nubë ꞌikë ki kikë ꞌikën’.

Isaías 9:6

Usa ꞌain ka nunu achúshi tuá bakënun ꞌimiaxa, Diosan ka nukama achúshi tuá ꞌinánxa, a tuá ka axa ꞌapu ꞌitiokin aín kushi ꞌinánkë ꞌiti ꞌikën. Usa ꞌikë ka ësokin kakë ꞌiti ꞌikën: “An bana ñuixunkin ꞌësëkëxun kuati upitani kuëënti,” “Dios uínbi kanantisama,” “Nukën papa Dios axa këñutima oi tsókë,” “Achúshi ꞌapun rëkuë́n bëchikë chuámarua ꞌinun uni ꞌakinux bakë́an.”

Juan 7:37

Anúan judíos unicama Nucën Papa Dios rabinux Jerusalénu timë́cë nëtëcama sënë́nuxa pëcaracë nëtë ax ca a nëtëcamasamaira ꞌiacëxa. A nëtën ca nirui munuma banaquin Jesusan ësaquin unicama cacëxa: —Ui unix cara uníxa shiman bamai ꞌunpax ꞌaisa tani bënë́cësaribi oi ꞌënan ꞌiisa tani bënëtia a unix ca ꞌë cai ꞌëmi catamëti ꞌicën.

1 Timoteo 3:16

Asérabia unin ꞌunáncëma ñu Nucën Papa Diosan aín unicamaishi ꞌunánmicë ꞌain ca nun ñuicë bana ënëx asérabi ꞌicën: Jesucristo ax ca Diosribi ꞌaish ënë menuax uni ꞌiacëxa. Jesucristonën ca aín nuitu upí ꞌixun upí ñuishi ꞌaia quixun ca Nucën Papa Diosan Bëru Ñunshin Upitan unicama sinánmiacëxa. ꞌImainun ca Jesucristonëx ángelnënribia iscë ꞌiacëxa. Usa ꞌain ca a ñuiquin aín unicaman camabi menuxun uni ꞌunánmia. A ñuicë banax ca asérabi ꞌicë quixun sinani ca camabi menuax, uni ami catamëtia. Usa ꞌaish ca ënë menu ꞌitancëx aín Papabë ꞌi aín nëtënu cuancëxa.

Apocalipsis 22:1

Usaquin ꞌë ismitancëxun ca angelnën anua Nucën Papa Dios ꞌimainun Carnero ꞌicësaribitia unin ꞌucha cupí bama, ax ꞌicë, anuaxa baca aín ꞌunpax bëxnan bëxnánquicë chiquitia ꞌë ismiaxa.