Isaías 32:17 - Kashibo-Kakataibo Biblia

¹⁷ Usai ika uisaibi ꞌima añu kara upí ꞌikë ashi ꞌai, uínbi ubíokëma xënibua ꞌaínbi bukukannun ꞌimiti ꞌikën.

Isaías 32:17 ပူးပေါင်းရင်းမြစ်များ

Proverbios 1:33

ꞌaínbi ka uin kara ꞌën kakëxun ꞌën bana kuaxa, ax kuni ꞌupitax chuámarua tsóti añu ñu ꞌatimamibi rakuë́tima ꞌikën, kiax ka an ñu ꞌunánkë unikama kiakëxa.

Isaías 28:12

Ësai ka bërámabi ax kiakëxa: “Ënu ka anu upiti tsóti ꞌikën, ënëx ka anu upiti tantiti ꞌikën; uix kara atsanxa ax ka tantiti ꞌikën.” ꞌAínbi ka ax kikësokin ꞌën bana kuakama ꞌikën.

Isaías 30:15

Usa ꞌain ka Israelkaman ꞌIbu upíira ax ësai kia: “ꞌËn bana kikësokin ꞌatëkëni kamina mitsux uínbi ubíokëma upiti bukui ië́kë ꞌiti ꞌain. Usa ꞌain kamina uínbi ubiokëma bukui ꞌëmi katamëti kushiñu ꞌikanti ꞌain.” ꞌAínbi kamina mitsun ꞌën kakëxunbi kuëënkáma ꞌain,

Isaías 33:6

usa ꞌixun ka uisai kara xënibua ꞌaínbi an bërúankëx aín unikama bukuti ꞌikë kixun ꞌunánmiti ꞌikën. Ñu ꞌunánkë ꞌianan upiokinra ñu ꞌunánkëira an ka ñu achúshi kupíkësaira ꞌixun uni ië́mia; usa ꞌain ka Nukën ꞌIbumi rakuë́ti ax ñuñuira ꞌikë usamaira ꞌikën.

Isaías 55:12

Usa ꞌain kamina mitsux kuëënkiani anuaxmi tëmërakankë, anuax kamina mitsun menubi uínbi uisokinbi kakëma kuantëkënti ꞌain. Usai mitsux kuania isi ka ꞌain bashikama kuëëni kantati ꞌikën, ꞌimainun ka kamabi ikama ninu ꞌikë akamax mëtashkiti ꞌikën.

Isaías 9:7

Ax ka anua David tsóa anubi tsóti ꞌikën; usa ꞌikë ka ax kushiira ꞌixuan ñu ꞌaia kamabi menuxun kuati ꞌikën ꞌimainun ka chuámarua uni tsóti ax këñutima ꞌikën; usa ꞌixun ka uínsaranbi axa ꞌapu ꞌia ax ënkëma anubi ꞌiti ꞌikën, usa ꞌain ka an ꞌakë ñukama ax upíokin ꞌakë ꞌianan, an bërí pëukin ñu ꞌakë ax uínsaranbi nëtë́tima usabi ꞌiti ꞌikën. Ësokin ka Dios kamabi kushiñuira an ꞌitsaira unikama nuibakin ꞌati ꞌikën.

Ezequiel 37:25

Usokin ꞌai ka ꞌën uni Jacob ꞌinan me anua aín chaitiokëkamaxribi anu tsóa me anuribi tsókanti ꞌikën. A menu ka xënibua ꞌaínbi atu ꞌimainun atun bakë bëchikëkamaribi ꞌimainun atun rëbúnkikamaribi tsóti ꞌikën; usai ꞌimainun ka ꞌën uni David aín rëbúnkinëx xënibua ꞌaínbi atun ꞌapu ꞌiti ꞌikën.

Romanos 14:17

Aín ñu picë cupíma ꞌimainun aín ñu picëma cupíma ca uni Nucën Papa Diosbë upí ꞌicën. Aín Bëru Ñunshin Upitan sinánmicë cupíshi ca unin Nucën Papa Diosnan ꞌixun upí ñu ꞌanan, bëtsibë nishananíma nuibananan cuëëni upí oquin sinani tsotia.

2 Corintios 1:12

Cananuna asérabi ꞌunanin, Nucën Papa Diosan ꞌimicëx nun nuitu upí ꞌixun cananuna unicama paránquinma ñu upíshi ꞌa quixun. Unicaman ca usaínu ꞌia nu isaxa. Uni itsían nu iscësamaira oquin camina usaínu ꞌia mitsun nu isacën. Usaquin sinani cananuna cuëëinra cuëënin. Nunbi unin sináncësa oquin sinani cananuna usai ꞌicëma ꞌain. Nucën Papa Diosan nu nuibaquin ꞌaquincëxëshi cananuna usai ꞌian.

Hebreos 12:11

Cananuna ꞌunanin, Nucën Papa Diosan usoquin nu ꞌacëxun taní cananuna masá nuitupanin. Usai ꞌitancëxbi cananuna usaquian nu ꞌacë a inúcëbë Nucën Papa Diosbë upí ꞌiquin upí oquin sinani cuëënti ꞌain.

Hebreos 6:11

Usa ꞌaínbi cananuna anúnmi Nucën Papa Diosan nëtënu ꞌiti nëtë utámainunmi mitsun ꞌacësabi oquin chiquíshquin ënquinma Nucën Papa Dios cuëëncësabi oquin ꞌati cuëënin. Usaquin ꞌaquin camina Nucën Papa Diosan nëtënu cëñútimoi abë ꞌiti sinánquin caínti ꞌain.

1 Juan 4:17

Usa ꞌixun cananuna an nu nuibaquin sinánmicë ꞌixun ax cuëëncësa oquin Nucën Papa Diosmi upiti sinánan unicama nuibatin. Usa ꞌaish cananuna nux ënë nëtënuax asaribi ꞌaish, anuan Jesucristo utëcënti nëtën nux masá nuituti rabíntima ꞌain.