Isaías 32:16 - Kashibo-Kakataibo Biblia

¹⁶ Usa ꞌain ka kamabi menu ꞌikë unikamax añu ñux kara upí ꞌikë ashi ꞌai bukukanti ꞌikën.

Isaías 32:16 ပူးပေါင်းရင်းမြစ်များ

Isaías 11:9

Kamabi ꞌën bashi upíira anu ka: an uinu ꞌikë unibi ꞌatima oti ꞌaíma ꞌiti ꞌikën, usa ꞌain ka parúmpapanua ꞌumpax buákirukësa usai ꞌia kamabi unin usakia Diosan ꞌa ñukama kuati ꞌikën, kiax ka kiakëxa.

Isaías 28:6

usa ꞌain ka Diosan an bana mëníokë ꞌapukaman, anuxun bana mëníokë anuxun asérabi ꞌupiokin ꞌakian suntárukaman, ꞌain ëma bërúanun atun bana mëníokë anuxun kati ꞌikën.

Isaías 33:5

Nukën ꞌIbu ax ka kamabi ñun ꞌibu ꞌaish a manámi ꞌianan naíkamë ꞌëonuribi ꞌia; an ka Jerusalénnu ꞌikë unikama ꞌimainun Judá menu ꞌikë unikama raíri uisai kara ñu upíshi ꞌai upí tsóti ꞌikë kixun ꞌunánmiaxa,

Isaías 35:8

ꞌImainun ka anu achúshi bai cha upíira ꞌiti ꞌikën, “ax ka bai upí kakin anëkë ꞌiti ꞌikën.” Usa ꞌain ka uikamax kara aín ꞌucha sinánkin ain niti mëníokëma ꞌikë akamax a bain nitima ꞌikën; ꞌimainun ka sinánñuma unikama atúxribi anun inuti nitima ꞌikën.

Isaías 42:11

Anu uni ꞌikëma me ꞌimainun kamabi ëmakama ꞌimainun ka xubusa okin chupa ꞌakë anua ꞌikë Quedarnën rëbúnkinën ñaká anua ꞌikë akamaxribi kuëënti ꞌikën. ꞌImainun ka Selánu ꞌikë unikama axribi kuëëni; munuma aín bashi rëbukama anuax kantati ꞌikën.

Isaías 42:4

Usai ꞌika tantimabi ꞌianan kana ꞌaima kixunbi sinántima ꞌikën, kamabi menu ꞌikë unikamaxa ax kikësabiokin ꞌai sënë́ntamainun Axa parúmpapa nasíkamanu ꞌikë unikama atun ka an ꞌunánmikësabi okin ꞌati ꞌikën.”

Isaías 60:21

Kamabi unikama mitsun ëmanu ꞌikë ax ka upí sinánñubu ꞌiti ꞌikën, usai tsótika atun menubi xënibuti tsóti ꞌikën, usai ꞌika ꞌënbi ꞌapákëxa ñu upiti kookë usaribi atux ꞌiti ꞌikën, ax ka ꞌën mëkënanbi usaka ꞌën kushi ꞌikë kixun ismikin ꞌën ꞌakë ꞌikën.

Jeremías 31:23

Nukën ꞌIbu kamabi kushiñuira, Israel unikaman Dios ax ka ësai kiaxa: “Uínsaran kara ꞌaisama ñu inuti tsóa ꞌaishi Judánu ꞌikë unikama aín menu kuania anun kana ꞌën amiribishi buántëkënti ꞌain, anun ka upiti tsóti ꞌikën: nun kananuna Nukën ꞌIbu Diosan kakëxun ꞌain bana tankin anunu tsókë anuxun ꞌaisatani, an nu upiokin sinánxunun, usokëxun kananuna nukamanribi kamabi ñu upiokin ꞌati ꞌain.

Oseas 3:5

Usai pain ënë ñukama ꞌikë ꞌain ka Israelkaman ami sinanatëkënkin, Nukën ꞌIbu Dios rabiti sinántëkënti ꞌikën, ꞌimainun ka atun ꞌapu ꞌia David aín rëbúnki achúshi atun ꞌapu ꞌiti ꞌikën. Anuan ënë nëtëkama këñuti a nëtë ꞌikëbëtan ka ami rakuë́kin Dios upíokin a ꞌakinun kixun ñukáti ꞌikën.