Isaías 32:14 - Kashibo-Kakataibo Biblia

¹⁴ ꞌImainun ka ꞌapun xubu akama ënkë ꞌiti ꞌikën; ꞌimainun ka ëma anuax chikíkin upíokin kënëarakë anua uni ꞌitsaira ꞌikë aribi ashikin ënkanti ꞌikën, usakin ënkë ꞌain ka pasto koia pi burro raëkëma, ꞌimainun vaca akamax anu bukuti ꞌikën.

Isaías 32:14 ပူးပေါင်းရင်းမြစ်များ

2 Reyes 25:9

usakin xukëx kuanxun ka anuxun Dios rabiti xubu akëñun anua ꞌapu tsókë aín xubu a ꞌanan kamabi uni ñu ꞌunánkë a ëmanu ꞌikë xubukamaribi nëankëxa,

Salmos 104:11

A ꞌumpax ka ñuina raëkëmakama an xëaia; ꞌamainun ka ninu ꞌikë ñuinakama atúnribi shimaxun xëaia.

Isaías 6:11

Ësokin kakëxun kana ꞌën ñukákën: “¿ꞌËn ꞌIbu uiti bari ꞌimi kara ënë ñukama min bana kikësai ꞌinux basiti ꞌik?” Kixun kakëxun ka Diosan ꞌë kakëxa: “Ënëx ka ëmakama masókin ꞌatima okëbëa anu ꞌikë unikamax uniñuma ꞌianan; atun xubukamaxribi uniñuma ꞌimainun, anu ñu ꞌapákë me kamaxribi anu uni ꞌikëma mesa bërutamainun anu sënën ꞌiti ꞌikën,

Isaías 7:23

A nëtë́an a menu naëoxun mil uvas i ꞌapákë ax ka mil kuríki manë ꞌakë aín kupí ꞌiakëxa, usa ꞌaínbi ka bërí a menu muxaishi ꞌimainun ꞌaisama me ꞌiti ꞌikën.

Jeremías 14:6

ꞌimainun ka burro raëkëmakama axribi, aín bashi anu ñu ꞌikëmakama anu nitsax munuma uin bitsi ñuina chukúmabu an nami paxa pikëkama ꞌikësaribiti ꞌia; usai ꞌika a piti pastobi ꞌaíma ꞌain numikëa bakishan mapukëxun upíokin isima.

Oseas 2:3

Usakin ꞌaiama kana achúshi uni chupañuma ꞌikë usaribi ꞌitánun atiaira ënti ꞌain: usakin ꞌakin kana anuan bakë́an nëtë́a ꞌiásaribitia ꞌinun ꞌimiti ꞌain, ꞌimianan kana anu uni ꞌikëma mesa ꞌinun bëtsiokëbë, aín me ëskinun ꞌimiti ꞌain, usakin ꞌakëbë ka shiman bamati ꞌikën.

Miqueas 3:12

Usa ꞌain kana mitsun ꞌuchakë kupí Jerusalén ëma Sión kakë bashinua ꞌikë a ꞌën bërí ꞌakintima ꞌain, achúshi me anu ñu ꞌapátisama ꞌikë ꞌakësokin, usakin ꞌakëx ka maxax ꞌaisamaira bukunrukësa usaribi ꞌiti ꞌikën ꞌimainun ka anuxun Dios rabiti xubunua ꞌikë me anu ꞌaisamaira xubi muxañu uniti ꞌikën, mitsun mi ñunshinakëkin ꞌatima ñuira ꞌai ꞌuchakë ꞌain.

Lucas 21:20

Anu ꞌicë unicamabë ꞌacananuxuan suntárucaman Jerusalén nëbë́tsioratia isquin camina ꞌunánti ꞌain, anun a ëma cëñúti nëtë ca uaxa quixun.

Lucas 21:24

Uni raíri ca unin abë ꞌacananquin ꞌanuxun ꞌaia, raírinëx ca bëtsi bëtsi menu buáncë ꞌiti ꞌicën. Usaquin ꞌaquin ca judíosma unicaman Jerusalén ꞌatimonan anu ꞌixun aín cuëëncësa oquin ꞌati ꞌicën, atúan usoquin ꞌati nëtëa sënë́ncëbëtan.